Daniel (hebreo) 12:2 - DIOSPA QHELQACHISQ

² Wañusqakunamanta ashkha kawsarimonqanku, ujkunaqa wiñayta kawsanankupaj, wakinkunataj wiñay p'enqaypi, phutiypitaj kanankupaj.

Qheshwa Biblia DC

² Jallp'aj sonqompiña puñojkunamanta ashkhas rijch'arimonqanku, ujkunaqa wiñayta kausanankupaj, wakinkunataj, wiñaj p'enqaypi, wiñay phutiypitaj kanankupaj.

DIOSPA QHELQACHISQAN DEUTEROCANONICAL

² Wañusqakunamanta ashkha kawsarimonqanku, ujkunaqa wiñayta kawsanankupaj, wakinkunataj wiñay p'enqaypi, phutiypitaj kanankupaj.

Daniel (hebreo) 12:2 ပူးပေါင်းရင်းမြစ်များ

Proverbios 12:8

Runaqa yachayniyoj kasqanman jina jatunchasqa kanqa, mana yuyayniyoj runarí pisipaj qhawasqa kanqa.

Isaías 26:19

Chaywanpis aswan qhepaman llajtaykumanta wañusqakuna kawsarimponqanku, ayankupis sayarimponqanku. Jallp'a ukhupi puñojkunaqa rijch'arimonqanku, kusiywantaj qhaparenqanku, imaraykuchus qanqa k'anchayta chhullata jina apachimunki. Chantá wañusqakunaqa jallp'a ukhumanta p'utumonqanku.

Isaías 66:24

Chantá chaymanta llojsispa, rikonqanku pikunachus contraypi oqharikojkunaj ayankuta. Chay wañusqa runakunata mikhoj khurukunaqa mana wañonqankuchu. Paykunata q'olashan, chay ninapis mana thasnukonqachu. Chayta rikuspataj, tukuy runakuna mayta millachikonqanku.

Jeremías 20:11

Qanrí Tata Dios, noqawan kashanki, may kallpasapa wapu soldado jina. Chayrayku qhatiykachawajkunaqa misk'anqanku, manataj atipawayta atenqankuchu. Tukuy ruwasqanku mana allin llojsejtin, p'enqaypi rikhurenqanku. Wiñaypajtaj mana allinpaj qhawasqa kanqanku.

Ezequiel 37:12

Chayrayku paykunaman kay jinata sut'inchay: Tukuyta Kamachej Tata Dios nisunkichej: Israel ayllúy, noqaqa aya p'ampanaykichejta kicharispa, chaymanta orqhomusqaykichej, chantá Israel suyuman kutichimusqaykichej.

Oseas 13:14

Ukhu pachaj atiyninmantapis libranaychu kanqa? Preciota pagaspa, wañuymantapis kacharichinaychu kanqa? Ya, wañuy, atiyniyki maypitaj kashanri? Qanpatapis, ukhu pacha, maypitaj atiyniyki kashan? Manaña kay runakunamanta khuyakusajchu.

San Mateo 25:46

Chaymantataj paykuna wiñay ñak'ariyman renqanku, cheqan kajta ruwajkunatajrí wiñay kawsayman yaykonqanku, nispa. Ajinata Jesús yachacherqa.

Hechos 24:15

Kay ch'ataykuwajkuna jina noqapis Diospi suyakullanitaj tukuy runakuna wañuymanta kawsarimpunankuta, cheqan kajta ruwajkuna kachunku, chayrí mana allin kajta ruwajkunapis.

Hechos 7:60

Qonqoriykukuspataj, sinch'ita qhaparerqa: Tukuyta Kamachej Jesusníy, kay ruwasqankumanta ama paykunata juchachaychu, nispa. Chayta niytawantaj, wañorqa.

Romanos 9:21

Chayrí, t'uru mankata ruwajqa manachu atinman chay t'urullamantataj mankata ruwayta jatun p'unchayllapi oqharinapaj, ujtataj sapa p'unchay oqharinapaj?

1 Tesalonicenses 4:14

Noqanchejqa Jesús wañusqanta, chantá kawsarimpusqanta creenchej. Ajinallataj creenchej Dios kawsarichinanta, Jesuspi atinikojkunamanta pikunachus wañupunkuña, chaykunata.

Apocalipsis 20:12

Chantá rikullarqanitaj Diospa ñawpaqenpi sayashajta wañusqakunata, pikunachus mana kasu ruwana, jinataj maypaj qhawasqa karqanku, chaykunata. Chantá angelkuna p'anqakunata kicharerqanku, chay p'anqakunamanta ujnintaj kawsay p'anqa karqa. Chay wañusqakunataj juzgasqa karqanku, kawsashaspa imatachus ruwasqankumanta, p'anqakunapi qhelqasqa kasqanman jina.