Daniel (hebreo) 12:1 - DIOSPA QHELQACHISQ

¹ Chantá Israel suyuta qhawaj angelkunata kamachej Miguel rikhurimonqa. Chaypachaqa may sinch'i llakiy kanqa. Chay jina llakeyqa runa kasqanmantapacha manapuni jayk'ajpis karqachu. Chaywanpis chaypachaqa Israel aylluykimanta pikunachus p'anqapi sutinku qhelqasqa kajkuna qhespichisqa kanqanku.

Qheshwa Biblia DC

¹ Chaypacha aylluykita qhawaj kuraj ángel Miguelqa rikhurimonqa. Chaypachataj may llakiy kanqa. Chay jinaqa manapuni jayk'ajpis karqachu runas kasqankumantapacha. Chay tiempo chayamojtintaj aylluykimantaqa libropi sutisnin qelqasqa kajkunalla salvasqas kanqanku.

DIOSPA QHELQACHISQAN DEUTEROCANONICAL

¹ Chantá Israel suyuta qhawaj angelkunata kamachej Miguel rikhurimonqa. Chaypachaqa may sinch'i llakiy kanqa. Chay jina llakeyqa runa kasqanmantapacha manapuni jayk'ajpis karqachu. Chaywanpis chaypachaqa Israel aylluykimanta pikunachus p'anqapi sutinku qhelqasqa kajkuna qhespichisqa kanqanku.

Daniel (hebreo) 12:1 ပူးပေါင်းရင်းမြစ်များ

Salmos 56:8

8 (9) Qanqa mashkhañatachus ayqekusqayta yupashanki, waqayniytataj uj p'ukupi jap'inki. Manachu chayqa qhelqaykipi qhelqasqa kashan?

Salmos 69:28

28 (29) Kawsay p'anqaykimanta sutinkuta orqhopuy, cheqan runakunaj sutinkutawan khuskata ama sutinkuta qhelqaykuychu.

Isaías 4:3

Pikunachus Sionpi qhepakojkuna, chantá Jerusalén llajtapi tiyakushankuraj chaykuna “Diospaj t'aqasqa”, nispa sutichasqa kanqanku.

Isaías 9:7

7 (6) Kamachisqan, chantá allin kawsayta qosqanpis wiñaypaj mana tukukuyniyoj kanqa. Davidpa kamachinan tiyanamanta justiciawan wiñay wiñaypaj kamachenqa. Chaytataj Tukuy Atiyniyoj Tata Diosmin sinch'i munakuyninrayku ruwanqa.

Jeremías 30:10

Noqa Tata Dios nillanitaj: Kamachiy Jacobpa ayllun, ama manchachikuychejchu. Israel, ama mancharikuychu. Noqa qankunata, wawaykichejkunatapis karu llajtamanta kacharichimusaj, maymanchus apasqa karqankichej, chaymanta. Watej allin kawsaypi tiyakunkichej, ni pejpa ima nisqan, ni imata manchachikuspataj.

Jeremías 30:7

Sinch'i ñak'arina p'unchay qayllamushan, chay p'unchay jinaqa mana jayk'ajpis karqachu. Jatun llakiy p'unchay Jacobpa mirayninpaj kanqa. Chaywanpis noqa chaymanta paykunata kacharichisaj.

Ezequiel 13:9

Noqaqa mosqoypi jina manakaj imakunata rikojkunata, chantá llullata sut'inchajkunata jasut'isaj. Paykuna Israel aylluypa tantakuyninman mana yaykuyta atenqankuchu, sutinkutaj Israel aylloj p'anqanpi mana qhelqasqachu kanqa. Manallataj Israel suyuman kutimponqankuchu. Chaypachataj qankunapis noqa Tukuyta Kamachej Tata Dios kasqayta yachankichej, nispa.

Ezequiel 34:24

Noqa Tata Diosninku kasaj, David kamachiytaj kuraj kamachejninku kanqa. Noqa Tata Diosmin chayta nini.

Ezequiel 5:9

Mana jayk'aj ruwasqayta qanwan ruwasaj, chayman rijch'akojtataj mana ujtawan ruwasajchu, chay tukuy ruwasqayki millachikunapaj jina kasqanrayku.

Daniel (hebreo) 10:13

Jinapis, Persia suyuta qhawaj millay angelqa iskay chunka p'unchay junt'ata jark'awarqa. Chaywanpis angelkunamanta kuraj kaj ángel Miguel sutiyoj noqata yanapanawanpaj jamorqa. Chantá noqa sapallay Persiamanta kaj kamachejkunawan khuska qhepakorqani.

Daniel (hebreo) 10:21

Kunanrí imachus cheqa kaj qhelqapi qhelqasqa kashan, chaymanta willasqayki. Paykunaj contrankupi maqanakushajteyqa, ángel Miguel sapallan yanapawan, pichus qankunaj suyuykichej Israelta qhawan, chay.

Daniel (hebreo) 11:45

Chay kuraj kamachejqa toldonkunata sayaykuchenqa, mama qochawan, Diospaj t'aqasqa orqowan, chay chawpipi. Chaypitaj wañunan p'unchay chayamonqa, manataj pipis payta yanapaj kanqachu.

Daniel (hebreo) 7:10

ñawpaqenmantataj uj nina mayu llojsisqa. Waranqa waranqa angelkuna munayninta ruwanankupaj wakichisqa kashasqanku, ñawpaqenpi sayashajkunataj mana yupay atina kasqanku. Chantá chay Juezqa juzgayta qallarinanpaj tiyaykusqa, qhelqakunataj kicharisqa kasqa.

Daniel (hebreo) 9:12

Chay jatun llakiyta apachimuspaqa, qan junt'ashanki imatachus niwasqaykuta noqaykuman, jinallataj kuraj kamachejniykukunamanpis. Jerusalenpa patanman urmamun, chay jina llakiytaj mana jayk'ajpis tukuy kay pachapi karqachu.

Joel 2:2

Chay p'unchayqa tutayaj, laqhayaj kanqa, yanayarishaj phuyuwan laqhayachisqa p'unchay kanqa. May atiyniyoj ashkha soldado jina orqo patamanta mast'alla junt'aykamunku, imaynatachus sut'iyayta inti k'anchay orqota wasaykamun, ajinata. Chayman rijch'akojqa mana jayk'ajpis karqachu, nitaj jayk'ajpis kanqachu.

Malaquías 3:16

Chaypacha Tata Diosta may jatun respetowan qhawajkuna parlanakorqanku, Tata Diostaj imatachus nisqankuta sumajta uyarerqa. Chantá paykuna Tata Diospa ñawpaqenpi qhelqarqanku, pikunachus Diosta may jatun respetowan qhawarqanku, paymantataj yuyarikorqanku, chaykunaj sutinkunata ama qonqasqa kanankupaj.

San Mateo 24:21

Chay jina llakeyqa mana jayk'ajpis karqachu, Dios kay pachata ruwasqanmantapacha kunankama, nillataj qhepamanpis kanqachu.

Marcos 13:19

imaraykuchus chay p'unchaykunapeqa manchay llakiykuna kanqa. Chay jina llakeyqa mana jayk'ajpis rikukorqachu, Dios kay pachata ruwasqanmantapacha kunankama, nillataj qhepamanpis kanqachu.

San Lucas 10:20

Chaywanpis, ama supaykuna kasususqaykichejllamantachu kusikuychej. Astawanpis sutiykichej janaj pachapi qhelqasqa kasqanmantamin kusikuychej.

Romanos 11:15

Sichus paykuna qhesachasqa kasqankurayku Diosqa tukuy runata qhespichiyta munarqa chayqa, judiokuna Diosman kutirikojtinku, imayna kusiypunitaj kanqari? Chayqa wañusqamantañapis kawsarimuy jina kanman.

Romanos 11:26

Chay junt'akojtintaj, tukuy Israel ayllu qhespichisqa kanqa, Diospa Qhelqachisqanpi nisqanman jina: Pichus kacharichejqa Sionmanta jamonqa, paytaj Jacobpa mirayninmanta millay kajta llimphuchanqa.

Efesios 1:21

Tata Diosqa Cristota churarqa tukuy kurajkunaj, atiyniyojkunaj, kallpayojkunaj, chantá kamachejkunaj patankuman ima. Jinallataj Cristoj sutin tukuy rejsisqa sutimantapis aswan jatunchasqa kananpaj churallarqataj mana kunallanchu, manachayqa jamoj p'unchaykunapipis.

Filipenses 4:3

Jinallataj, munasqa kawsaqéy, tukuy sonqo mañakuyki chay iskay warmikunata yanaparinaykita, imaraykuchus paykuna noqawan khuska wajkunaman Jesusmanta sumaj willayta willanapi sinch'ita llank'arqanku. Paykuna Clementewan, chantá wajkunawan ima yanapawarqanku. Jinataj paykunaj sutinku churasqa kashan, ima p'anqapichus wiñay kawsayniyojkunaj sutinku qhelqasqa kashan, chaypi.

Judas 1:9

Chaywanpis arcángel Miguelqa Moisespa ayanrayku Kuraj Supaywan churanakushaspa, mana munarqachu Kuraj Supayta maldicispa juchachayta. Manachayqa pay kayllata nerqa: Tukuyta Kamachej Diosmin k'amisuchun, nispa.

Apocalipsis 1:5

Jesucristoqa cheqanta willaj testigomin. Paymin wañusqamanta ñawpajta kawsarimporqa, payllataj kay pachapi tukuy kuraj kamachejkunata kamachin. Jesucristo munakuwarqanchej, jinataj wañuspa yawar jich'asqannejta juchanchejta pampacharqa.

Apocalipsis 12:7

Chaymanta qhepanejman jatun maqanaku janaj pachapi karqa: Arcángel Miguel, angelninkunawan ima sierpej contranta maqanakorqanku. Sierpepis angelninkunawan Miguelpa contranta maqanakullarqankutaj.

Apocalipsis 13:8

Kay pachapi tukuy runataj chay waj sierpeta yupaycharqanku. Kay pacha manaraj ruwasqa kashajtin, pichus wañuchisqa kanan karqa, chay Corderoqa kawsay p'anqapi qhelqasqa, pikunachus wiñay kawsayniyoj kananku karqa, chay sutinkuta. Kay ujkunaj sutinkurí mana chay p'anqapi qhelqasqachu karqa.

Apocalipsis 17:14

Chantá paykuna Corderoj contranpi maqanakonqanku. Corderotajrí paykunata atipaykonqa, imaraykuchus payqa tukuy kamachejkunaj Kuraj Kamachejninku, tukuy wiraqochikunaj Kamachejninkutaj. Pikunatachus Dios wajyaspa ajllakorqa, jinataj payta kasunku chaykuna paywan khuska kanqanku.

Apocalipsis 20:12

Chantá rikullarqanitaj Diospa ñawpaqenpi sayashajta wañusqakunata, pikunachus mana kasu ruwana, jinataj maypaj qhawasqa karqanku, chaykunata. Chantá angelkuna p'anqakunata kicharerqanku, chay p'anqakunamanta ujnintaj kawsay p'anqa karqa. Chay wañusqakunataj juzgasqa karqanku, kawsashaspa imatachus ruwasqankumanta, p'anqakunapi qhelqasqa kasqanman jina.

Apocalipsis 20:15

Jinallataj pejpa sutinchus Kawsay P'anqapi mana listasqachu karqa chayqa, chay runa nina qochaman wijch'uykusqa karqa.

Apocalipsis 3:5

Tukuy atipajkunaqa yuraj p'achawan p'achallichisqa kanqanku, manataj kawsay p'anqamanta sutinkuta orqhosajchu. Manachayqa Tataypa ñawpaqenpi, chantá angelninkunaj ñawpaqenpi ima rejsichisaj paykuna noqajta kasqankuta.

Apocalipsis 7:14

Noqataj payman kuticherqani: Wiraqochi, chaytaqa qan yachanki, nispa. Paytaj niwarqa: Kaykunaqa chay jatun ñak'ariypi wañojkuna kanku. Paykunaqa Corderoj yawarninpi t'ajsaspa, p'achankuta yurajyacherqanku.