Daniel (hebreo) 11:4 - DIOSPA QHELQACHISQ

⁴ Chaywanpis suyun sumaj sayachisqaña kajtenqa, thuñisqa kanqa, chaymantataj tawaman t'aqasqa kanqa. Chay kuraj kamachejpa atiynenqa mana mirayninmanchu qosqa kanqa, nillataj suyunpis ñawpajta jina chhika atiyniyojchu kanqa, imaraykuchus t'aqasqaña kanqa, paypa cuentanmantataj wajkuna kamachenqanku.

Qheshwa Biblia DC

⁴ Pay sayarejtinkamataj, jatun nacionnin t'ustisqa kanqa, tawamantaj t'aqasqa kanqa. Chay reypa atiynenqa mirayninman mana qosqachu kanqa, manataj jatun nacionnimpis chhika atiyniyojchu kanqa ñaupajta jinaqa. Chaypajqa paymanta qhechusqaña kanqa, wajkunataj kamachenqanku paypa cuentanmanta.

DIOSPA QHELQACHISQAN DEUTEROCANONICAL

⁴ Chaywanpis suyun sumaj sayachisqaña kajtenqa, thuñisqa kanqa, chaymantataj tawaman t'aqasqa kanqa. Chay kuraj kamachejpa atiynenqa mana mirayninmanchu qosqa kanqa, nillataj suyunpis ñawpajta jina chhika atiyniyojchu kanqa, imaraykuchus t'aqasqaña kanqa, paypa cuentanmantataj wajkuna kamachenqanku.

Daniel (hebreo) 11:4 ပူးပေါင်းရင်းမြစ်များ

Salmos 39:6

6 (7) Tukuy runaqa llanthu jinalla pasapunku. May jinata qhapajyanapis qhasi manakajlla, paykunataj mana yachankuchu pipajchus kananta.

Eclesiastés 4:8

Mana piniyoj runata rikorqani, mana kawsaqeyojta, nitaj wawayojta, nillataj wawqenkunapis karqachu. Chaywanpis payqa ni jayk'aj ruwasqanmanta samarikorqachu. Qhapajyayta munaspallapuni, mana sayk'orqachu, nitaj tapurikorqachu: Pipajtaj kay jinata llank'ashaniri, mana mikhusqa, nitaj ujyasqari? nispa. Chaypis qhasi manakajlla, jatun llakiytaj kasqanta repararqani.

Jeremías 12:15

Jinaytawankamataj, paykunamanta watej khuyakullasajtaj. Chantá sapa ujninkuta suyunkuman, chayaqenkuman ima kutichimusaj.

Jeremías 12:17

Chaywanpis sichus mayqen suyu mana uyarikoj kanman chayqa, chay suyuta saphinmanta t'iraytawan, chinkachisaj, nispa. Ajinata noqa Tata Dios nini.

Jeremías 18:7

Mayk'ajllapis munaspa uj suyuta, manachayqa kamachiytapis t'irayta atiyman, chantapis urmachiyta, chayrí phiriyta.

Jeremías 31:40

Chantá tukuynin valle, maypichus wañusqakunata p'ampanku, ushphatataj wijch'unku, chayninta rillanqapuni. Chantá Cedrón wayq'o chaymanta inti llojsimuynejman, chay patapi tukuy pampapis, Caballo Yaykuna punku nisqa k'uchukama chayanqa. Chay tukuy cheqaqa noqapaj t'aqasqa kanqa, Jerusalentaj manaña jayk'ajpis urmachisqachu, nitaj thuñisqachu kanqa, nispa.

Jeremías 45:4

Tata Diostajrí kayta nisunki: Noqaqa sayachisqayta thuñini, mallkisqaytapis t'irani. Ajinallatataj tukuy kay suyupi kajkunawan ruwasaj.

Jeremías 49:36

Kay llajtaman tawantin cheqanejmanta sinch'i wayrata apachimusaj, tukuynejman paykunata ch'eqerachinanpaj. Mana uj suyullapis kanqachu maymanchus mana elamitakuna ayqekusqankoqa.

Ezequiel 37:9

Chantá Tata Dios niwarqa: Kawsay samayta niy: Tukuyta Kamachej Tata Dios nisunki: Kawsay samay, tawantin ladomanta jamuspa, kay tullukunata kawsarichiy, nispa.

Daniel (hebreo) 7:2

Noqa mosqoyniypi rikorqani mama qochata tukuynejmanta wayra qhollchoqeyachisqanta.

Daniel (hebreo) 7:6

Kinsa kaj animalqa ch'ejchi leonman rijch'akusqa, wasanpitaj tawa lijrayoj kasqa. Chantapis tawa umayojllataj kasqa, paymantaj runakunata kamachinapaj atiyta qosqanku.

Daniel (hebreo) 7:8

Chay wajrakunata qhawashajtiy, chawpinkumanta juch'uy wajrata p'utumojta rikorqani. Chantá chay juch'uy wajra wiñananpaj kinsa wajrakuna sik'irasqa kasqa. Chay juch'uy wajraqa runaj ñawinman rijch'akoj ñawiyoj kasqa, siminwantaj may jinata runaykachaspa parlasqa.

Daniel (hebreo) 8:22

Chay jatun wajra p'akikojtin, cuentanmanta tawa wajrakuna p'utumusqanku, chay niyta munan chay suyumanta tawa kuraj kamachejkuna sayarinankuta. Chaywanpis mana ñawpaj kaj kuraj kamachej jina atiyniyojchu kanqanku.

Daniel (hebreo) 8:8

Jinapi chivoqa manchay atiyniyojman tukusqa. Chaywanpis kallpanpi kashajtin, jatun wajran p'akikusqa, chantá p'akikusqan wajramanta tawa wajrakuna p'utumusqanku. Chay wajrakunataj tawantin ladoman qhawashaj wiñasqanku.

Zacarías 2:6

6 (10) Tata Dios nillantaj: Noqamin qankunata tukuynejman ch'eqeracherqaykichej. Kunantajrí niykichej: Wichaynej suyumanta usqhayta llojsimuychej.

Zacarías 6:5

Angeltaj kutichiwarqa: Chaykunaqa janaj pachaj tawantin wayrankuna kanku, mayqenchus Tukuyta Kamachej Diospa ñawpaqenmanta tukuy kay pachaman llojsimunku, chaykuna.

San Mateo 12:25

Chantá Jesús imatachus yuyasqankuta yachaspa, nerqa: Sichus uj suyupi tiyakojkuna chejninakuspa t'aqanakunkuman chayqa, chay suyu mana sayanmanchu, tukukunman. Jinallatataj sichus uj llajtapi, chayrí wasi ayllupipis phiñanakuspa t'aqanakunkuman chayqa, manallataj khuska kayta atinkumanchu.

San Lucas 12:20

Diostajrí payta nisqa: Wampu runa, kunan ch'isipacha wañunki. Jinaqa pipajtaj kanqa chay tukuy ima tantasqaykiri? nispa.

Apocalipsis 7:1

Chay qhepata noqa tawa angelkunata rikorqani, chay angelkunataj kay pachaj tawantin k'uchupi sayasharqanku. Paykuna kay pachapi tawantin ladomanta phukumoj wayrata jark'asharqanku, ama jallp'a pataman wayramunanpaj, nitaj mama qocha pataman, nillataj ima sach'a patamanpis.