Daniel (hebreo) 11:37 - DIOSPA QHELQACHISQ

³⁷ Manchaytapuni jatunchakuspataj, chay kuraj kamachejqa ñawpa tatankunaj diosninkuta mana kasuta ruwanqachu, ni warminkunaj yupaychasqanku diosninkuta, nillataj waj dioskunatapis kasonqachu. Manachayqa paylla tukuymanta aswan kasqanta yuyakonqa.

Qheshwa Biblia DC

³⁷ Kay reyqa ñaupa tatasnimpa diosninkuta mana kasuta ruwanqachu, ni warmispa munasqa diosninkuta, nillataj waj dioskunatapis kasonqachu. Paylla tukuyninkoj kurajninku kasqanta creekonqa.

DIOSPA QHELQACHISQAN DEUTEROCANONICAL

³⁷ Manchaytapuni jatunchakuspataj, chay kuraj kamachejqa ñawpa tatankunaj diosninkuta mana kasuta ruwanqachu, ni warminkunaj yupaychasqanku diosninkuta, nillataj waj dioskunatapis kasonqachu. Manachayqa paylla tukuymanta aswan kasqanta yuyakonqa.

Daniel (hebreo) 11:37 ပူးပေါင်းရင်းမြစ်များ

Génesis 3:16

Chantá Tata Diosqa warmita nerqa: Onqoj kashaspa, sinch'i nanayta ñak'arinki, may jina nanaywantaj wawaykikunata paqarichikunki. Chaywanpis sonqoykeqa qosaykiman aysasonqa, paytajrí qanta kamachisonqa, nispa.

Génesis 3:5

Dios allinta yachan kay sach'aj poqoyninta mikhojtiykichej, ñawiykichej kicharikunanta. Chantá yachallantaj allin kajta, jinataj mana allin kajta yachaspa, Dios jina kanaykichejta, nispa.

TAKIYKUNA 7:10

10 (11) Noqaqa munakuwajniypata kani, paytaj noqawan misk'irichikun.

Isaías 14:13

Qanqa sonqoykipi nerqanki: Janaj pachaman wicharisaj, Diospa ch'askankunamanta aswan pataman kamachinay tiyanata churasaj. Chantá patanejpi, maypichus dioskuna tantakunku, chaymanta kamachimusaj.

Isaías 14:14

Phuyu pataman wicharisaj, Patapi Kaj Dios jinataj kasaj, nispa.

Ezequiel 24:16

Runaj churin, noqaqa munasqa warmiykita kaymanta jinalla qhechusqayki. Qantajrí ama llakisqa kasqaykimanta yachayta qonkichu, nitaj waqankichu, nillataj waqayniykipis ñawiykimanta suruchunchu.

Ezequiel 28:2

Runaj churin, Tiro llajtaj kuraj kamachejnintañataj kay jinata niy: Tukuyta Kamachej Tata Dios nisunki: Qan sonqoykipi jatunchakuspa, nerqanki: Noqa uj dios kani, dioskunaj kamachinanku tiyanapi tiyashani mama qocha chawpipi, nispa. Chaywanpis qanqa runalla kanki, manataj dioschu. Uj dios jina yachayniyoj kasqaykita yuyakunki.

Daniel (hebreo) 11:36

Wichaymanta kaj kuraj kamachejqa munasqanta ruwanqa. Maytapuni jatunchakonqa, jinataj tukuy dioskunamanta aswan kasqanta yuyakonqa. Cheqan kaj Diospa contrantapis manchay millayta parlallanqataj. Paytataj tukuy imapi allin renqa, Dios payta jasut'inankama, imaraykuchus imatachus Dios ruwanan karqa, chayta junt'anqapuni.

Daniel (hebreo) 11:38

Aswanpis payqa pukarakunaj diosninta yupaychanqa. Ñawpa tatankunaj mana rejsisqan diosta qoriwan, qolqe metalwan, lliphipirej rumiwan, chantá ashkha valorniyoj imakunawan yupaychanqa.

Daniel (hebreo) 8:11

Chaymantataj ch'askakunata kamachejpa contranpi sayaykusqa, Diosman sapa p'unchay jaywanatapis sayachisqa, Diosta yupaychana cheqatataj manakajman tukuchisqa.

Deuteronomio 21:11

Sichus chay jap'isqaykichej ukhumanta pipis uj k'achita warmiwan sonqonta suwachikuspa, warminpaj oqharikunman chayqa,

Deuteronomio 5:21

Ama runa masiykej warminta munapayankichu. Nillataj wasinta, ni jallp'anta, ni qhari kamachinta, ni warmi kamachinta, ni wakanta, ni burronta, nitaj iman kajtapis munapayankichu, nispa.

2 Tesalonicenses 2:4

Chay runaqa Diospa contranpi sayarenqa, jinataj imachus yupaychanaj contranpi ima. Chantá Diospa Templonman yaykuspa, chaypi tiyaykonqa, nenqataj pay Dios kasqanta.

1 Timoteo 4:3

Paykunaqa casarana mana walejchu kasqanta nenqanku, nillanqankutaj wakin mikhunata mana mikhunachu kasqanta. Diosrí chay mikhunata churarqa, pikunachus paypi atinikojkuna, chantá cheqa kajta rejsejkuna Diosta pachis nispa mikhunankupaj.