Daniel (hebreo) 11:13 - DIOSPA QHELQACHISQ

¹³ Aswan qhepamanqa wichaynejmanta kaj kuraj kamachej ujtawan ñawpajmanta nisqa astawan ashkhata soldadokunata tantaykonqa. Jinaytawantaj mana unayninmanchu ujtawan maqanakoj sayaykullanqataj sumaj wakichisqa ashkha soldadokunawan.

Qheshwa Biblia DC

¹³ Wichaymanta kaj reyqa ujtawan ashkha soldadosta tantaykonqa, ñaupaj kajmantapis aswan ashkhata. Chanta qhepa watasmantaj ujtawan maqanakoj yaykullanqataj, sumaj wakichisqa ashkha soldadoswan.

DIOSPA QHELQACHISQAN DEUTEROCANONICAL

¹³ Aswan qhepamanqa wichaynejmanta kaj kuraj kamachej ujtawan ñawpajmanta nisqa astawan ashkhata soldadokunata tantaykonqa. Jinaytawantaj mana unayninmanchu ujtawan maqanakoj sayaykullanqataj sumaj wakichisqa ashkha soldadokunawan.

Daniel (hebreo) 11:13 ပူးပေါင်းရင်းမြစ်များ

Daniel (hebreo) 4:16

16 (13) Yuyaynin waj jinaman tijrakuspa, uywaj yuyayninman jina tukuchun, ajinatataj qanchis wata junt'a kachun.

Daniel (hebreo) 12:7

Jinapi linomanta p'achayoj runa iskaynin makinta janajman oqharerqa, wiñaypaj kawsaj Diospa sutinpi tiluspataj, nerqa: Kinsa wata khuskanniyojkama, maypachachus Diospa ayllun phirisqa kanan tukukonqa chaypacha, kay tukuynin imakunapis tukukullanqataj, nispa.

Daniel (hebreo) 11:12

Chay jinata atipasqanrayku mayta jatunchakonqa, chantá may chhika runakunatawan wañurachenqa. Chaywanpis atiynenqa mana unaypajchu kanqa.

Daniel (hebreo) 11:14

Chaypacha, uraynejpi kaj kuraj kamachejpa contranta ashkha oqharikonqanku. Israelitakuna ukhumanta wakin millay runakunantin oqharikullanqankutaj, mosqoypi jina rikusqata junt'akunanpaj. Chaywanpis mana atenqankuchu.

Daniel (hebreo) 11:40

Chantá tukukuy tiempo chayamojtin, uraynejmanta kaj kuraj kamachej wichaynejmanta kaj kuraj kamachejpa contranpi llojlla para yaku jina junt'aykonqa. Wichaynejmanta kaj kuraj kamachejtajrí kaymanta jinalla tukuy atiywan llojsenqa, uraynejmanta kaj kuraj kamachejpa contranpi maqanakunapaj carretakunawan, caballopi purej soldadokunawan, ashkha barcokunawan ima.