Daniel (hebreo) 11:12 - DIOSPA QHELQACHISQ

¹² Chay jinata atipasqanrayku mayta jatunchakonqa, chantá may chhika runakunatawan wañurachenqa. Chaywanpis atiynenqa mana unaypajchu kanqa.

Qheshwa Biblia DC

¹² Chay jinata atipasqanrayku mayta payqa jatunchakonqa, chanta may ashkha runastawanraj wañurachenqa, atiynintaj mana unaypajchu kanqa.

DIOSPA QHELQACHISQAN DEUTEROCANONICAL

¹² Chay jinata atipasqanrayku mayta jatunchakonqa, chantá may chhika runakunatawan wañurachenqa. Chaywanpis atiynenqa mana unaypajchu kanqa.

Daniel (hebreo) 11:12 ပူးပေါင်းရင်းမြစ်များ

2 Reyes 14:10

Yachani edomitakunata atipasqaykita, chayraykutaj runaykachashasqaykita. Walejpacha, runaykachallay ari. Chaywanpis wasillaykipi qhepakunayki aswan walej kanman. Imapajtaj maqanakuyta mask'awajri? Chayqa qanpajpis, Judá suyupajpis llakiyllata apamonqa, nispa.

2 Crónicas 25:19

Qanqa nishanki edomitakunata atipasqaykita, chaymantataj umaykita oqharispa, astawan jatunchasqa kayta munashanki. Chaywanpis aswan walej kanman wasillaykipi qhepakunayki. Imaraykutaj mask'akushanki qanpa llakiyniykita, jinataj Judáj llakiynintapisri? nispa.

2 Crónicas 26:16

Chaywanpis may atiyniyojña kaspa, Uziasqa sonqonpi runaykachayta qallarerqa, chayraykutaj mana allinchu rerqa, Tata Diospa contranpi oqharikusqanrayku. Payqa Tata Diospa Templonman yaykuspa, inciensota altarpi q'oshñicherqa.

2 Crónicas 32:25

Ezequiasrí Dios yanapasqanmanta mana yuyarispa, umanta oqharerqa. Chaymanta Tata Diosqa paypaj phiñakorqa, jinataj Jerusalenpaj, Judá suyupajpis.

Proverbios 16:18

Jatunchakuypa qhepanta mana allinpi kay jamun, runaykachaypa qhepantataj llakiylla.

Ezequiel 28:17

May k'achitu kasqaykirayku sonqoykipi jatunchakorqanki. May jatunchasqa kasqaykiraykutaj yachayniykita millayman tukucherqanki. Chayrayku noqa qanta pampaman wijch'umorqayki, kuraj kamachejkunaj rikunankuta p'enqaypi rikhurichisuspa.

Ezequiel 28:2

Runaj churin, Tiro llajtaj kuraj kamachejnintañataj kay jinata niy: Tukuyta Kamachej Tata Dios nisunki: Qan sonqoykipi jatunchakuspa, nerqanki: Noqa uj dios kani, dioskunaj kamachinanku tiyanapi tiyashani mama qocha chawpipi, nispa. Chaywanpis qanqa runalla kanki, manataj dioschu. Uj dios jina yachayniyoj kasqaykita yuyakunki.

Ezequiel 28:5

Qhatu ruwanapaj yuyayniyoj kasqaykirayku, mayta qhapajyarqanki. Chay jina ashkha kapuyniykiraykutaj sonqoyki jatunchakorqa.

Daniel (hebreo) 11:11

Jinapi wichaynejmanta kuraj kamachejpa churinkuna suyunman yaykusqankurayku, uraynejpi kaj kuraj kamachejqa manchayta phiñarikonqa. Chantá chay ashkha soldadokunaj contrankuta maqanakoj rispa, paykunata atipaykonqa.

Daniel (hebreo) 11:13

Aswan qhepamanqa wichaynejmanta kaj kuraj kamachej ujtawan ñawpajmanta nisqa astawan ashkhata soldadokunata tantaykonqa. Jinaytawantaj mana unayninmanchu ujtawan maqanakoj sayaykullanqataj sumaj wakichisqa ashkha soldadokunawan.

Daniel (hebreo) 5:23

Aswanqa janaj pachapi kaj Tukuyta Kamachej Diospa contranpi oqharikorqanki, kamacherqankitaj Templonmanta apamusqa vasokunata orqhomunankuta. Chantá chay vasokunapi warmiykikunawan, chantá waj warmiykikunawan, jinataj pikunatachus raymiman wajyarakorqanki, chaykunawan khuska vinota ujyarqankichej. Chay jawataj waj dioskunata, qorimanta, qolqe metalmanta, broncemanta, fierromanta, k'ullumanta, rumimanta ruwasqa dioskunata yupaycharqanki. Chay dioskunaqa mana rikunkuchu, manataj uyarinkuchu, nitaj imatapis yachankuchu. Diostatajrí mana jayk'ajpis yupaycharqankichu, pejpa makinpichus kawsayniyki, tukuy ruwasqayki ima kashan, chay Diosta.

Daniel (hebreo) 8:25

Ch'awkiyanapaj churasqa kasqanrayku, tukuy millay ruwasqanpi allin renqa, maytataj runaykachanqa. Ni imamanta llakiyniyoj tiyakojkunata wasanchaspa, ch'inllamanta wañurachenqa. Tukuy Kurajkunaj Kurajninkoj contranpipis sayaykullanqataj. Chay Kuraj Kajrí millay kuraj kamachejta atipanqa. Chaytaqa mana pi runachu ruwanqa.

Deuteronomio 8:14

ama wapuykachaspa jatunchakunkichejchu. Nillataj Tata Diosniykichejmanta qonqakapunkichejchu, imaraykuchus payqa Egiptopi wata runa kashajtiykichej, chaymanta orqhomusorqachej.

1 Timoteo 3:6

Jinallataj iglesiata pusarejqa mana kunallanraj Jesucristopi atinikojchu kanan tiyan, imajtinchus runaykachayta qallarinman. Chantataj, Kuraj Supay imamantachus juchachasqa karqa, chayllamantaj urmaykunman.

1 Pedro 5:5

Jinallataj waynakuna, qankunapis iglesiapi kurajkunawan k'umuykukoj sonqo kaychej. Chantá tukuy wawqe panakuna purajmanta kasunakuspa, llamp'u sonqo kaychej, imaraykuchus Diospa Qhelqachisqanpi nin: Diosqa runaykachajkunaman sayaykun, llamp'u sonqoyojkunatataj k'acha kayninwan yanapan, nispa.