Daniel (hebreo) 10:16 - DIOSPA QHELQACHISQ

¹⁶ Chantá runaman rijch'akojqa simiyta llankhariwarqa. Chantá, ñawpaqeypi kasharqa, chayman nerqani: Wiraqochíy, mosqoypi jina rikusqayqa mayta llakichiwan, mana kallpayojmantaj tukuchiwan.

Qheshwa Biblia DC

¹⁶ Chay rato, uj runaman rijch'akoj simiyta llankhariwarqa. Chanta, ñaupaqeypi kasharqa chayman nerqani: Señor, kay mosqoypi jina rikusqayqa mayta llakichiwan, mana kallpayojmantaj tukuchiwan.

DIOSPA QHELQACHISQAN DEUTEROCANONICAL

¹⁶ Chantá runaman rijch'akojqa simiyta llankhariwarqa. Chantá, ñawpaqeypi kasharqa, chayman nerqani: Wiraqochíy, mosqoypi jina rikusqayqa mayta llakichiwan, mana kallpayojmantaj tukuchiwan.

Daniel (hebreo) 10:16 ပူးပေါင်းရင်းမြစ်များ

Éxodo 4:10

Moisestajrí kuticherqa: Ay, Dios Tatáy, noqaqa mana sumajta parlayta yachanichu, mana qan parlawasqaykillamantachu, ni qaynallamantachu, nitaj kunallanmantachu. Noqaqa unaypuni jina karqani. Parlashajtiytaj, qalloyqa watakullawan, nispa.

Éxodo 4:13

Moisestajrí kuticherqa: Ay, Diosníy, wajllata kachawaj karqa ari, nispa.

Eclesiastés 1:18

Ashkhata yachanaqa uma nanayllata apamun. Astawan yachaspaqa, astawan llakiyllata tarikunchej.

Isaías 6:7

Chantá nina k'ajawan simiyman chayaykuchiwaspa, niwarqa: Kay nina simiykiman chayasqanrayku kunanqa juchayki pichasqaña, juchaykimantataj llimphuchasqa kanki, nispa.

Jeremías 1:9

Chaypacha Tata Dios makinwan simiyta llankhaykuwaspa, niwarqa:

Ezequiel 1:26

Chay qhatasqaj patanpitaj uj kamachina tiyanata jina rikorqani. Chay tiyanataj zafiro sutiyoj lliphipirishaj rumimanta ruwasqaman rijch'akorqa. Chay kamachina tiyanapitaj uj runaman rijch'akojta tiyasqata rikorqani.

Ezequiel 3:27

Chaywanpis maypachachus parlasuyta munasaj chaypacha, simiykita kicharisaj, noqaj nisqayta paykunaman willanaykipaj. Chantá nisqayta paykunaman willaytawan, ninki: Tukuyta Kamachej Tata Dios kay jinata nin, nispa. Uyariyta munajqa uyarisonqa, mana uyariyta munajtaj mana uyarisonqachu, imaraykuchus mana kasukoj ayllu kanku, nispa.

Ezequiel 33:22

Chaywanpis ayqemoj runa manaraj chayamushajtin, ñawpaj ch'isin Tata Dios makinwan llankhawaspa, qalluyta watarawasqaña. Chayrayku q'ayantin chay runa chayamunanpaj manaña opachu karqani.

Daniel (hebreo) 12:8

Noqa imatachus nishajta uyarerqani chaypis, mana imatapis entienderqanichu. Chantá tapurerqani: Wiraqochíy, kay tukuy imamanta qhepaman imataj kanqari? nispa.

Daniel (hebreo) 4:19

19 (16) Chantá Beltsasar sutiwan sutichasqa Daniel t'ukushaj qhepakorqa, tukuy imaymana yuyaykuna umanman jamojtintaj, mayta mancharikorqa. Noqa Nabucodonosortajrí, payta nerqani: Beltsasar, mosqokusqay imatachus niyta munasqanmanta ama manchariychu, nispa. Chantá Beltsasar kutichispa, niwarqa: Ay wiraqochíy, mosqokusqayki imatachus niyta munasqanqa qanta chejnisojkunapaj kachun.

Daniel (hebreo) 7:15

Chantá noqa Daniel, chay tukuyta rikuspa, mayta llakikorqani sonqoypitaj pawichikorqani.

Daniel (hebreo) 7:28

Kaypi willawasqan tukukun. Noqa Danielrí chay imakunapi yuyarispa, may phutisqa kasharqani, uyaypis waj jinaman tukorqa. Chaywanpis imatachus tukuy rikusqayta sonqollaypi jallch'arqani.

Daniel (hebreo) 8:15

Noqa Daniel, mosqoypi jina rikusqayta qhawashaspa, imatachus niyta munasqanta yachayta munarqani. Jinallapi ñawpaqeypi sayashaj runaman rijch'akoj rikhurerqa.

Daniel (hebreo) 8:17

Chantá Gabriel qayllaykamuwarqa. Noqataj mancharispa, pampakama k'umuykorqani. Paytajrí niwarqa: Runaj churin, kayta yachay: Chay mosqoypi jina rikusqaykeqa kay pachaj tukukuyninmanta willashan, nispa.

Daniel (hebreo) 8:18

Pay parlashawajtillanraj, yuyayniy chinkawarqa, pampapitaj wijch'usqa rikhurerqani. Chantá pay jamuspa, sayarichiwarqa.

Daniel (hebreo) 8:27

Chay qhepata noqa Daniel mana kallpayoj rikhurerqani, chantá unaysituta onqosqa karqani. Chaymanta jatarikuspa, imatachus Babiloniaj kuraj kamachejpaj ruwanay karqa, chayta ruwallarqanipuni. Chaywanpis imatachus rikusqaymanta anchata t'ukusharqani, nitaj imatachus niyta munasqanta sut'inchayta aterqanichu.

Daniel (hebreo) 9:21

Ajinata mañakushajtiy, ñawpajpiña mosqoypi jina rikusqay Gabriel phawaspa jamorqa, maypichus noqa kasharqani, chayman. Chay karqa ch'isiyaykuyta Diosman uywata ñak'aspa jaywana phanita jina.

San Lucas 1:64

Chay ratopachataj Zacariaspa qallun phaskarakaporqa, parlaspataj, Diosta yupaychayta qallarerqa.

San Lucas 21:15

imaraykuchus noqamin yachayta qosqaykichej, yuyaychasqaykichejtaj imatachus parlanaykichejta. Jinapi awqaykichejkuna chay parlasqaykichejta mana atipanqankuchu, nitaj kutichikuytapis atenqankuchu.

San Juan 20:28

Tomastaj kuticherqa: Qanmin Kuraj Kamachejniy kanki, Diosniytaj, nispa.

Josué 5:14

Chay runataj nerqa: Ni mayqenmanta, noqaqa Tata Diospa soldadonkunata kamachej jina jamuni, nispa. Chantá Josueqa pampakama k'umuykuspa, taporqa: Imatataj kunan Tata Dios kamachiyta munashawanri? nispa.

Apocalipsis 1:13

Chay qanchis lamparakunaj chawpinpitaj Runaj Churinman rijch'akojta rikorqani, qhoysu p'achayojta, qhasqontaj qorimanta ruwasqa chumpiwan chumpisqata.

Jueces 13:8

Chantá Manoaqa Tata Diosmanta mañakorqa: Mañarikuyki, Tukuyta Kamachej Diosníy, warmiyman kachamusqayki runata watej kachamunawaykuta. Ajinamanta pay willawasqayku imatachus ruwanaykuta, paqarinan kashan, chay qhari wawawan, nispa.

Jueces 6:13

Gedeonrí kuticherqa: Ay wiraqochíy, noqaykuwanchus Tata Dios kashan chayqa, imaraykutaj kay tukuy ima qhatirishawaykuri? Maytaj chay t'ukuna imakunata Egiptomanta orqhomushaspa, Tata Dios ruwasqanmanta ñawpa tataykukuna willawasqaykuri? Tata Diosqa madianitakunaj makinman jaywaykuwayku, nispa.

Jueces 6:15

Gedeontajrí nerqa: Wiraqochíy, ujtawan nirikusqayki: Imaynatataj israelitakunata kacharichiymanri? Aylloyqa Manasés ukhupi kaj ayllukunamanta mana kasu ruwana, noqataj, wasi aylluypi kajkunamanta aswan sullk'a kani, nispa.