Daniel (hebreo) 10:11 - DIOSPA QHELQACHISQ

¹¹ Chantá niwarqa: Daniel, Diospa manchay munakusqan kaj runa, allinta uyariway imatachus nisunayta: Sayarikuy, imaraykuchus Dios chaypajmin qanman kachamuwarqa, nispa. Chayta niwajtintaj, noqa mancharisqa kharkatitispa ima sayarerqani.

Qheshwa Biblia DC

¹¹ Chanta niwarqa: Daniel, Diospa may munasqa runan, uyariway allinta imatachus nisqayki chayta: Sayarikuy, noqaqa qanman kachamusqa kani. Chay palabrasta parlayta tukuchisqantawan, mancharisqa kharkatitispa sayarikorqani.

DIOSPA QHELQACHISQAN DEUTEROCANONICAL

¹¹ Chantá niwarqa: Daniel, Diospa manchay munakusqan kaj runa, allinta uyariway imatachus nisunayta: Sayarikuy, imaraykuchus Dios chaypajmin qanman kachamuwarqa, nispa. Chayta niwajtintaj, noqa mancharisqa kharkatitispa ima sayarerqani.

Daniel (hebreo) 10:11 ပူးပေါင်းရင်းမြစ်များ

Job 37:1

Chantá Eliú nillarqapuni: Sinch'i para jamushasqanta rikuspa, sonqoyqa may jinata tujtukiyarin, qhasqoymantapis phawarqoshanmanña jina.

Salmos 45:11

11 (12) K'achita kasqayki kuraj kamachejpa sonqonta suwan. Payqa wiraqochiyki, chayrayku payta kasunayki tiyan.

TAKIYKUNA 7:10

10 (11) Noqaqa munakuwajniypata kani, paytaj noqawan misk'irichikun.

Ezequiel 14:14

Sichus kay kinsa runakuna: Noé, Daniel, Job ima chay llajtapi kashankuman chayqa, noqa paykunallata wañunankumanta qhespichiyman cheqan runakuna kasqankurayku. Noqa Tukuyta Kamachej Tata Diosmin chayta nini.

Ezequiel 2:1

Chantá chay parlamoj niwarqa: Qan, runaj churin, parlasunaypaj sayarikuy, nispa.

Daniel (hebreo) 10:19

Paytaj niwarqa: Ama manchachikuychu, nitaj llakikuychu. Diosmin munakusunki. Kallpachakuspa, sonqochakuy, nispa. Chantá pay parlashawajtillanraj, reparakorqani watejmanta kallpayoj kasqayta. Chantá nerqani: Wiraqochíy, parlaykuway, imaraykuchus watej kallpayta kutichipuwankiña, nispa.

Daniel (hebreo) 10:3

Mana sumaj mikhuyta nitaj aychatapis mikhorqanichu, nillataj vinotapis ujyarqanichu. Nillataj, kinsa semana junt'akunankama sumaj q'apashaj jawinawanpis jawikorqanichu.

Marcos 16:8

Chay warmikuna aya p'ampanamanta llojsispa, imata jina ayqerqanku, imaraykuchus mancharikuspa kharkatitisharqanku. Chayrayku mana pimanpis imatapis willarqankuchu.

San Juan 13:23

Chaypacha Jesuspa yachachisqankunamanta ujnin, pitachus Jesús astawan munakorqa, chay qayllanpi kasharqa.

San Juan 21:20

Jinapi Pedro qhepata qhawarispa, rikorqa Jesuspa munasqa yachachisqanta jamushajta. Payllataj cenapi Jesusman atiykukuspa, tapusqa: Tukuyta kamachej, pitaj jap'ichisonqari? nispa.

Hechos 26:16

Kunantaj sayariy, imaraykuchus qanman rikhuriyki kunanmantapacha kamachiy jina munasqayta ruwanaykipaj. Ajinaqa kunan p'unchay imatachus rikusqaykimanta testigo jina wajkunaman willamunki, qhepanejman imatawanchus rikuchisqayki, chaymantawan.

Hechos 9:6

Saulotaj manchariywan kharkatitispa, nerqa: Tukuyta Kamachej, imatataj munanki ruwanaytari? nispa. Jesustaj kuticherqa: Jatarispa, llajtaman yaykuy, chaypitaj nisonqanku imatachus ruwanaykita, nispa.