Daniel (hebreo) 1:4 - DIOSPA QHELQACHISQ

⁴ allin rijch'ayniyoj waynakunata ajllananta. Paykunaqa mana imanku imanasqa, tukuy imapi sumaj yachayniyoj, allin yuyayniyoj ima kananku karqa, Babiloniata kuraj kamachejpa kamachinan wasipi ruwanaman churasqa kanankupaj jina. Chantá Aspenazqa Caldeamanta runakunaj yachayninkuta, parlayninkuta ima paykunaman yachachinan karqa.

DIOSPA QHELQACHISQAN DEUTEROCANONICAL

⁴ allin rijch'ayniyoj waynakunata ajllananta. Paykunaqa mana imanku imanasqa, tukuy imapi sumaj yachayniyoj, allin yuyayniyoj ima kananku karqa, Babiloniata kuraj kamachejpa kamachinan wasipi ruwanaman churasqa kanankupaj jina. Chantá Aspenazqa Caldeamanta runakunaj yachayninkuta, parlayninkuta ima paykunaman yachachinan karqa.

Daniel (hebreo) 1:4 ပူးပေါင်းရင်းမြစ်များ

Génesis 41:46

Maypachachus Joseta Egiptopi kuraj kamachejman pusarqanku chaypacha, pay kinsa chunka watayoj karqa. Chantá Joseqa faraonpa ñawpaqenmanta llojsispa, tukuy Egipto suyuta purimuyta qallarerqa.

2 Samuel 14:25

Absalonqa chaki puntanmanta uma puntankama ima munay junt'asqa karqa. Tukuynin Israel ayllu ukhupi pay jina alajitoqa mana karqachu. Paytaj sumaj uyarisqa runa karqa.

Proverbios 22:29

Pichus ruwananta k'uchitapuni ruwajqa kuraj kamachejkunaj kamachin kanqa, manataj pisipaj qhawasqa runakunajtachu.

Eclesiastés 7:19

Yachayqa yachayniyoj runata mayta kallpachan uj llajtapi chunka kallpayoj runakunamanta astawanraj.

Isaías 36:11

Chaymantaqa Eliaquinwan, Sebnawan, Yoajwan ima Asiriamanta soldadokunata kamachejta nerqanku: Ama jina kaychu, arameo rimayllapi parlariwayku, imaraykuchus noqaykoqa arameo rimayta yachayku. Amataj Judá suyoj rimaynin hebreopi parlawaykuchu, imaraykuchus kay perqa patapi kajkunaqa tukuyninku uyarimushanku, nispa.

Jeremías 5:15

Chantá Tata Dios nillarqataj: Israel, contraykipi karumantapacha waj llajtayojkunata kachamusaj. Chay llajtayojkunaqa manchay sinch'i runakuna kanku, may unayniyojtaj. Qanqa rimayninkuta mana parlankichu, nitaj parlasqankuta entiendenkichu.

Daniel (hebreo) 2:10

Jinapi chay yachayniyoj runakuna kutichispa, nerqanku: Kay pachapi mana pipis atinmanchu mosqokusqaykita willasuyta. Chantá mana jayk'ajpis mayqen kuraj kamachejpa may atiyniyoj kaspapis kayman rijch'akojta mañarqachu aysirimanta nitaj yatirimantapis nillataj yachayniyojkunamantapis.

Daniel (hebreo) 2:2

Chantá pay yachayniyojkunata, watojkunata, layqakunata, ch'askakunata qhawaspa watojkunatawan wajyacherqa, mosqokusqanta sut'inchanankupaj. Paykunataj kuraj kamachejpa ñawpaqenman rerqanku.

Daniel (hebreo) 3:8

Chaywanpis Caldeamanta wakin runakuna judiokunawan jap'inakuspa, kuraj kamachej Nabucodonosorman rerqanku, wakin judiokunata ch'ataykunankupaj.

Daniel (hebreo) 4:7

7 (4) Jinapi tukuy Babilonia suyumanta tukuy yatirikuna, yachayniyoj kajkuna, jinallataj ch'askakunata qhawaspa watojkunapis jamorqanku, noqataj mosqokusqayta paykunaman willarqani. Chaywanpis paykuna mosqokusqay imatachus niyta munasqanta mana sut'inchayta aterqankuchu.

Daniel (hebreo) 5:11

Suyuykipi uj runa tiyan, paypitaj may llimphu dioskunaj espiritunku paypi tiyakun. Tatayki kamachishajtin, chay runa manchay uyarisqa karqa dioskuna jina sumaj yuyayniyoj, yachayniyoj ima kasqanrayku. Chayrayku tatayki Nabucodonosor chay runata churarqa tukuy suyupi tukuy yachaysapakunata, yatirikunata, sumaj yachajkunata, ch'askakunata qhawaspa watojkunata ima kamachinanpaj.

Daniel (hebreo) 5:7

Chantá qhaparispa, kamachinkunata kamacherqa yatirikunata, yachayniyojkunata, ch'askakunata qhawaspa watojkunata ima pusamunankuta. Paykuna jamojtinkutaj, Belsasar nerqa: Sichus pillapis jaqay qhelqasqata ñawiriyta atin, sitajchus imatachus niyta munasqanta sut'inchawayta atinman chayqa, p'achallichisqa kanqa sumaj puka p'achawan, kunkanmantaj qori cadena k'achanchanata churanqanku. Chantá suyuypi kinsa kaj kamachejmin kanqa, nispa.

Daniel (hebreo) 9:1

Asueroj churin Darío Media suyumanta karqa, paytaj Caldea suyupi kamachisharqa.

Zacarías 2:4

4 (8) Jinataj pay nerqa: Usqhayta chay waynaman nimuy: Aswan qhepaman may chhika runakuna watej Jerusalenpi tiyakonqanku, paykunataj may chhika uywayoj kanqanku. Chayrayku llajtapis manaña perqawan muyuchisqachu kanqa, nispa.

Hechos 7:20

Chaypachallataj Moisés paqarikorqa, paytaj Diospajqa ima munay karqa. Kinsa killakamataj tatanpa wasinpi uywasqa karqa.

Hechos 7:22

Ajinamanta Moisesqa Egipto llajtayojkunaj yachasqankupi yachachisqa karqa. Chayraykutaj Moisesqa may yachaywan parlasqanpi, ruwasqanpi ima respetasqa karqa.

Efesios 5:27

Ajinata ruwarqa pay kikinman Iglesiata pusananpaj sumaj k'ancharishajta, mana ch'ichiyojta, mana k'usuyojta, nillataj iman imanasqata. Manachayqa juchamanta t'aqasqa kanqa, mana imamanta k'aminataj.

Jueces 8:18

Chantá Zebajta, Salmunatawan taporqa: Taborpi runakuna wañucherqankichej, chaykuna imaynataj karqanku? nispa. Paykunataj kuticherqanku: Qanman rijch'akorqanku. Sapa ujninku kuraj kamachejpa churinman rijch'akorqanku, nispa.