Daniel (hebreo) 1:2 - DIOSPA QHELQACHISQ

² Chantá Tukuyta Kamachej Dios nerqa Nabucodonosor Judá suyuta kuraj kamachej Joacinta jap'inanta, jinataj Diospa Templonpi kaj imakunamanta wakinta apakapunanta. Nabucodonosortaj Diospa Templonmanta imakunata Babiloniaman apaspa, lantinta yupaychana wasipi, lantinpa tiyapuyninta waqaychana wasiman churarqa.

Qheshwa Biblia DC

² Señor saqerqa Nabucodonosor rey Joacimta jap'iykunanta, Diospa templompi kaj imasta kuraj parteta apakapunantataj. Nabucodonosorqa presosta Babiloniaman aparqa, Diospa templonmanta orqhorqa chay imastarí, dioskunasnimpa waqaychasninmantaj churarqa.

DIOSPA QHELQACHISQAN DEUTEROCANONICAL

² Chantá Tukuyta Kamachej Dios nerqa Nabucodonosor Judá suyuta kuraj kamachej Joacinta jap'inanta, jinataj Diospa Templonpi kaj imakunamanta wakinta apakapunanta. Nabucodonosortaj Diospa Templonmanta imakunata Babiloniaman apaspa, lantinta yupaychana wasipi, lantinpa tiyapuyninta waqaychana wasiman churarqa.

Daniel (hebreo) 1:2 ပူးပေါင်းရင်းမြစ်များ

Génesis 10:10

Nimrodqa Sinarpi kay llajtakunapi kamacherqa: Babel, Erec, Acad, Calne ima.

Génesis 11:2

Maypachachus inti llojsimuynejmanta llojsimorqanku chaypacha, Sinarpi uj pampata tarerqanku, chaypitaj tiyakunankupaj qhepakorqanku.

2 Reyes 24:1

Joacín kamachishajtin, Babilonia suyuta kuraj kamachej Nabucodonosor Judá suyoj contranpi maqanakoj jamuspa, Joacinta atipaykorqa. Jinataj Judá suyoqa kinsa watata kuraj kamachej Nabucodonosorpa makinpi karqa. Chay kinsa wata pasaytataj Joacín kuraj kamachej Nabucodonosorpa contranpi oqharikorqa.

2 Crónicas 36:5

Joacinqa iskay chunka phishqayoj watayoj kashaspa, kamachiyta qallarerqa, Jerusalenmantapachataj chunka ujniyoj watata kamacherqa. Paytajrí mana Tata Diospa munayninman jinachu ruwarqa.

2 Crónicas 36:7

Chantá Nabucodonosorqa Tata Diospa Templonpi kaj wakin imakunatapis Babiloniaman apakapullarqataj. Chaykunatataj Babiloniapi diosninpa templonman churaykorqa.

Esdras 1:7

Maypachachus Nabucodonosor Jerusalenta atipasqa chaypacha, payqa Tata Diospa Templonmanta tukuy imata Babiloniaman apakapusqa diosninkunaj templonkuman churananpaj. Kuraj kamachej Cirotajrí chay tukuyta chay templokunamanta orqhochimorqa.

Isaías 11:11

Chaypacha Tata Dios ujtawan atiyninta rikuchillanqataj, maykunapichus ayllunmanta kajkuna puchorqanku, chaykunata kutichimunanpaj: Asiriamanta, Egiptomanta, Patrosmanta, Etiopiamanta, Elammanta, Sinarmanta, Jamatmanta, mama qochaj kantunmanta ima.

Isaías 42:24

Pitaj Jacobpa mirayninta jaywaykorqa waj suyuman apasqa kanankupajri? Pitaj Israel suyumanta tukuy imanta qhechojpa makinman churaykorqari? Manachu Tata Dios chayta ruwarqa israelitakuna contranta juchallikusqankurayku? Paykunaqa mana Tata Diospa ñannintachu purerqanku, manataj kamachisqantapis kasorqankuchu.

Jeremías 25:1

Josiaspa churin Joacín tawa watataña Judapi kamachishajtin, Tata Diosqa Jeremiasman willarqa Judá suyuman imachus jamunanta. Chay karqa Babiloniapi kuraj kamachej Nabucodonosor uj watallataraj kamachishajtin.

Jeremías 27:16

Chantá sacerdotekunata, tukuy runatapis nillarqanitaj: Tata Dios kayta nisunkichej: Chay sut'inchajkunata ama kasuychejchu. Paykunaqa nisunkichej: Babiloniamanta ñapis kutichimponqankuña Diospa Templonmanta apasqanku imakunata, nispa. Chay nisqankoqa llullalla.

Jeremías 28:3

Chantá iskay watamanta kuraj kamachej Nabucodonosorqa Diospa Templonmanta Babiloniaman apasqan imakunata kayman kutichimponqa.

Jeremías 35:11

Jinapis maypachachus Babiloniaj kuraj kamachejnin Nabucodonosor kay suyuman yaykuykamorqa chaypacha, nerqayku: Jaku Jerusalenman rinachej caldeo soldadokunamanta, chantá arameo soldadokunamantapis pakakunanchejpaj, nispa. Chayraykumin Jerusalenpi tiyakushayku, nispa.

Jeremías 50:2

Tukuy suyupi tiyakojkunapis yachanankupaj kayta willamuychej. Wiphalata señalta jina sayarichiychej, ama uj chhikanta pakarispataj, kay jinata niychej: Babiloniata atipaspa jap'enqanku. Bel diosninkoqa p'enqaypi rikhurichisqa kanqa. Merodac diosninkupis manchariywan junt'a kanqa. Lantinkukunataj phirisqa kanqanku.

Jeremías 51:44

Noqataj Babiloniaj diosnin Belta jasut'isaj, imatachus oqoykusqantataj lansachisaj. Manañataj waj suyukunapis payman jamonqankuchu. Babiloniaj perqankunapis thuñisqa kanqa.

Daniel (hebreo) 5:13

Chantá Danielta kuraj kamachejpaman pusajtinku, Belsasar payta taporqa: Qanchu Daniel kanki, pitachus tatay Nabucodonosor kuraj kamachej kashaspa, Judá suyumanta apachimorqa, chaykunamanta ujnin kaj?

Daniel (hebreo) 5:18

Kuraj kamachej Belsasar, Patapi Kaj Diosqa tatayki Nabucodonosorman kay suyuta, jatun atiyta, jatunpaj qhawasqa kayta ima qorqa.

Habacuc 1:16

Chayraykumin challwa jap'ejkuna anzuelonkuta, ch'ipankutapis mayta munakunku. Chayraykullataj jaywanata jaywanku, inciensotapis q'oshñichinku, chaykunanejta ashkha mikhunayoj kasqankurayku.

Zacarías 5:11

Paytaj kutichiwarqa: Babiloniapi uj templota sayachenqanku. Tukusqaña kajtintaj, chukuta ruwaspa, chayman chay chimputa churanqanku, nispa.

Deuteronomio 32:30

Imaynamantataj uj runalla waranqa runakunata qhatiykuyta atinmanri? Imaynatataj iskay runalla chunka waranqa runakunata ayqechiyta atinkumanri? Ajina kanqa paykunata jark'akoj Tata Diosninku awqankuman jaywaykunanta nisqanrayku.

Jueces 2:14

Chayrayku Tata Diosqa israelitakunaj contrankuta sinch'ita phiñakuspa, tukuy kapuyninkuta suwakunawan qhechucherqa. Jinaspataj, chay muyuyninkumanta kaj awqankunawan paykunata atipaykucherqa, nitaj paykuna kutichikuyta aterqankuchu.

Jueces 3:8

Chayraykutaj Tata Diosqa paykunaj contrankupi sinch'ita phiñakuspa, Mesopotamiamanta kuraj kamachej Cusán Risatayinman paykunata jaywaykorqa. Pusaj wata junt'ata israelitakunaqa kuraj kamachej Cusán Risatayinpa wata runan karqanku.

Jueces 4:2

Chantá Tata Diosqa Canaanta kuraj kamachej Jabinmanñataj israelitakunata jaywaykorqa. Payqa Jazor llajtapi kamacherqa. Soldadonkunata kamachejtaj Sísara sutiyoj karqa. Payqa Jaroset Goyinpi tiyakorqa.

1 Samuel 5:2

Chantá paykunaqa Diospa arcanta diosninku Dagonpa yupaychana wasinman aparqanku, chay diosninkoj ladonmantaj churarqanku.