Daniel (hebreo) 1:17 - DIOSPA QHELQACHISQ

¹⁷ Chantá Diosqa chay tawa waynakunaman sumaj yachayta, yuyayniyoj kayta ima qorqa, imaymana qhelqakunata rejsinankupaj chantá entiendenankupaj ima. Chantapis Diosqa Danielman yachayta qollarqataj mosqoypi jina rikuykunata, mosqoykunatapis sut'inchananpaj.

Qheshwa Biblia DC

¹⁷ Kay tawa waynasmantaj Dios qorqa sumaj yachaysapa umata, tukuy laya librosmanta yachayta, tukuy sumaj yachaytataj. Chantapis Daniel yachallarqataj rikuykunata, mosqoykunatawan sut'inchayta.

DIOSPA QHELQACHISQAN DEUTEROCANONICAL

¹⁷ Chantá Diosqa chay tawa waynakunaman sumaj yachayta, yuyayniyoj kayta ima qorqa, imaymana qhelqakunata rejsinankupaj chantá entiendenankupaj ima. Chantapis Diosqa Danielman yachayta qollarqataj mosqoypi jina rikuykunata, mosqoykunatapis sut'inchananpaj.

Daniel (hebreo) 1:17 ပူးပေါင်းရင်းမြစ်များ

1 Reyes 3:12

Chayrayku imatachus mañakuwasqaykita ruwasajpuni. Qosqayki sumaj yachayta, jatun sonqotawan, yuyayniyoj kaytapis. Ajinaqa mana ujpis karqachu qan jinaqa, nitaj qanmanta qhepamanpis kanqachu.

1 Reyes 3:28

Israelmanta tukuy runakunaqa chay jina cheqan justiciata ruwasqanta uyarispa, kuraj kamachej Salomonta may jatunpaj qhawarqanku, imaraykuchus paykuna repararqanku Diosmanta yachayniyoj kayqa paypi kasqanta, cheqanta ruwananpaj.

2 Crónicas 1:10

Kunanqa mañakuyki yachayta, yuyaytawan qonawaykita, kay aylluykita kamachinaypaj. Pitaj atinman kay jatun aylluykita kamachiytari? nispa.

2 Crónicas 1:12

Chayrayku yachayta, yuyaytapis qosqayki. Qollasqaykitaj qhapaj kayta, allinpaj qhawasqa kayta ima. Qan jinaqa ñawpajta mana pipis karqachu, nitaj qhepamanpis kanqachu, nispa.

2 Crónicas 26:5

Payqa Zacarías kawsanankama Diosta qhatikorqa, imaraykuchus Zacariasqa Uziasta yachacherqa Tata Diosta may respetowan qhawayta. Uziasqa Tata Diosllatapuni kasukuspa kawsakorqa, Diostaj payta yanaparqa.

Job 32:8

Chaywanpis tukuy runakuna yachayniyoj kanku, imaraykuchus yachayta Tukuy Atiyniyoj Dios samaykuspa qowarqanchej.

Proverbios 2:6

Tata Diosmin yachaytaqa qon. Tukuy yachay, yuyayniyoj kaypis siminmanta llojsimun.

Eclesiastés 2:26

Diosqa pichus payta kusichejman jatun yachayta, yuyayniyoj kayta, jinallataj kusikuytawan qon. Jinataj Diosqa saqellan juchasapa runa tukuy imata tantananta, qhapajyanantapis, pichus Diosta kusichejman qonanpaj. Chaypis qhasi manakajlla, wayra jap'iyta munay jinalla kasqanta repararqani.

Isaías 28:26

Tarpojqa imatachus ruwananta sumajta yachan, imaraykuchus Diosmin payman yachachin imaynatachus ruwananta.

Ezequiel 28:3

Danielmantapis aswan yachayniyojchu kanki? Qanqa tukuy imatachu yachanki?

Daniel (hebreo) 1:18

Jinapi kuraj kamachej Nabucodonosorpa nisqan p'unchay chayamorqa chay waynakuna ñawpaqenpi rikhurinankupaj. Chantá kamachikunaj kurajninku Aspenazqa paykunata Nabucodonosorman pusarqa.

Daniel (hebreo) 1:20

Kuraj kamachej tukuy imaymana yachaymanta paykunata tapojtin, chay tawantin waynakuna astawan yachayniyoj karqanku kuraj kamachejpa chay waj yachaysapa runankunamanta, chantá yatirinkunamanta nisqaqa.

Daniel (hebreo) 1:4

allin rijch'ayniyoj waynakunata ajllananta. Paykunaqa mana imanku imanasqa, tukuy imapi sumaj yachayniyoj, allin yuyayniyoj ima kananku karqa, Babiloniata kuraj kamachejpa kamachinan wasipi ruwanaman churasqa kanankupaj jina. Chantá Aspenazqa Caldeamanta runakunaj yachayninkuta, parlayninkuta ima paykunaman yachachinan karqa.

Daniel (hebreo) 10:1

Persiamanta kaj Ciro kinsa watataña kamachishajtin, noqa Beltsasar nisqa Daniel mosqoypi jina ujta rikorqani. Chay junt'akunanpuni karqa chaypis, imatachus niyta munasqan mana sut'inchanapaj jinallachu karqa. Chay tukuywanpis, noqa mosqoypi jina rikusqaypi sumajta unancharqani, jinataj yachayta aterqani imatachus niyta munasqanta.

Daniel (hebreo) 2:19

Chay tutapeqa Tata Dios mosqoypi jina Danielman parlaspa, rikucherqa imatachus kuraj kamachej mosqokusqanta. Jinallatataj pay sut'incharqa imatachus kuraj kamachejpa mosqokusqanta niyta munasqanta. Chayrayku Danielqa janaj pachapi kaj Diosta yupaycharqa:

Daniel (hebreo) 2:21

Paymin imachus kay pachapi kananta munayninman jina apaykachan. Kuraj kamachejkunata churantaj, orqhontaj. Paymin yachayniyojkunaman yachayta qon, tukuy imata yachajkunamanpis astawan yachayta qon.

Daniel (hebreo) 2:23

Ñawpa tataykunaj Diosnin, qanman pachis niyki, yupaychaykitaj, imaraykuchus qan yachayta, kallpatawan qowanki. Kunantaj imatachus mañakorqayku, chayta qan sut'ita rikuchiwanki, imaraykuchus kuraj kamachejpa mosqokusqanta sut'inchawanki, nispa.

Daniel (hebreo) 2:30

Noqamanpis chay pakasqa yachayta Dios sut'inchawarqa, mana tukuy runamanta astawan yachayniyoj kasqayraykuchu. Manachayqa Dios munan yachanaykita mosqoyniyki imatachus niyta munasqanta, ajinamanta sonqoykipi yuyaychakusqaykita yachanaykipaj.

Daniel (hebreo) 4:6

6 (3) Chantá kamacherqani Babiloniapi kaj tukuynin yachayniyoj runakuna jamuspa, sut'inchanawankuta mosqokusqay imatachus niyta munasqanta.

Daniel (hebreo) 5:14

Dioskunaj espíritun qanwan kasqanta niwanku, sut'i yuyayniyoj, sumaj yachayniyojtaj kasqaykita.

Daniel (hebreo) 7:1

Babilonia suyupi kuraj kamachej Belsasar kamachiyta qallarisqan watapi, Daniel ujta mosqokorqa, chay mosqoypitaj tukuy imata rikorqa. Rijch'arispataj, mosqoypi jina rikusqanta qhelqarqa. Kaymin chay qhelqasqanqa:

Daniel (hebreo) 8:1

Kuraj kamachej Belsasar kinsa watataña kamachishajtin, noqa, Daniel ñawpaj mosqoypi jina rikusqaymanta qhepata ujtawan mosqoypi jina ujta rikullarqanitaj.

Números 12:6

Tata Dios nerqa: Kay nisqayta allinta uyariwaychej: Qankuna ukhupi noqamanta sut'inchaj kajtenqa, noqa payman mosqoypi jina rikhurisaj, mosqoynejta ima parlasaj.

San Lucas 21:15

imaraykuchus noqamin yachayta qosqaykichej, yuyaychasqaykichejtaj imatachus parlanaykichejta. Jinapi awqaykichejkuna chay parlasqaykichejta mana atipanqankuchu, nitaj kutichikuytapis atenqankuchu.

Hechos 6:10

Chaywanpis paykuna Estebanman mana kutichiyta aterqankuchu, imaraykuchus payqa yachaywan chantá Santo Espíritoj atiyninwan parlarqa.

Hechos 7:10

Jinapi Diosqa Joseta tukuy ñak'ariyninpi yanaparqa, jinallataj payman yuyayta, yachaytawan qorqa Egiptopi kuraj kamachej faraón allin ñawiwan qhawananpaj. Chaymantataj faraonqa Joseta churarqa tukuy Egiptota kamachinanpaj, ajinallatataj kamachinan wasitapis.

Hechos 7:22

Ajinamanta Moisesqa Egipto llajtayojkunaj yachasqankupi yachachisqa karqa. Chayraykutaj Moisesqa may yachaywan parlasqanpi, ruwasqanpi ima respetasqa karqa.

Colosenses 1:9

Chayrayku noqayku tukuy chayta uyarisqaykumantapacha Dioswan parlarikuspa, qankunarayku mañapuyku, Tata Dios munayninta allintapuni rejsichisunaykichejpaj, jinataj Santo Espíritu yuyayta, yachayta ima qosunaykichejpaj.

Santiago 1:17

Tukuy ima allin kaj, jinataj k'acha kaj imaqa patamanta jamun, janajpi ch'askakunata ruwaj Tatamanta. Payqa mana uj jinayanchu, nitaj maychus kasqanmanta waj jinaman tukunchu.

Santiago 1:5

Sichus qankunamanta mayqellanpis pisi yachayniyoj kanman chayqa, Diosmanta mañakuchun. Diostaj yachayta payman qonqa, imaraykuchus Diosqa tukuy mañakojkunaman mana mich'akuspa nitaj rimakuspa qon.