Apocalipsis 8:5 - DIOSPA QHELQACHISQ

⁵ Chaymantataj angelqa incienso q'oshñichinata jap'ispa, altar patapi kaj ninawan junt'aykucherqa. Chaytataj kay pachaman jich'amorqa, chantá tukuynejpi qhon qhonkuna, lliuj lliujkuna, jallp'a ikhakuy ima karqa.

Qheshwa Biblia DC

⁵ Angeltaj incienso q'osñichinata jap'ispa, altar patapi kaj ninawan junt'aykucherqa. Chaytataj jallp'aman thalliykamorqa. Chaypacha karqanku qhon qhonkuna, lliuj lliujkuna, jallp'a kuyuriy ima.

DIOSPA QHELQACHISQAN DEUTEROCANONICAL

⁵ Chaymantataj angelqa incienso q'oshñichinata jap'ispa, altar patapi kaj ninawan junt'aykucherqa. Chaytataj kay pachaman jich'amorqa, chantá tukuynejpi qhon qhonkuna, lliuj lliujkuna, jallp'a ikhakuy ima karqa.

Quechua South Bolivia: Dios Parlapawanchej

⁵ Chay incensariota jap'ispa angelka altarmanta ninawan junt'acherka. Ninatataj cay pachaman jich'aycamorka. Chaymanta truenocuna, sonaycuna, relampagocunawan carka. Jallp'apis sinch'ita qharcatiterka.

Apocalipsis 8:5 ပူးပေါင်းရင်းမြစ်များ

1 Reyes 19:11

Tata Diostaj nerqa: Llojsimuy jawaman, kay orqo patapitaj ñawpaqeypi sayay, nispa. Chantá chaypacha Tata Diosqa chaynejta pasarqa. Uj sinch'i wayra orqokunata lajraspa, chhankata urmaracherqa. Tata Diostajrí mana chay wayrapichu kasharqa. Chay wayraj qhepantataj jallp'a ikhakuy karqa. Tata Diostajrí manallataj chay jallp'a ikhakuypichu kasharqa.

Salmos 18:13

13 (14) Tata Dios janaj pachamanta sinch'i parlasqanta uyarichimorqa, Patapi Kaj Diostaj qhaparimorqa chijchi para, nina k'ajay chawpimanta.

Éxodo 19:16

Minchhantin sut'iyamuyta lliuj lliujkuna, illapa ima karqa. Uj phuyutaj yanayarishaj orqoman tiyaykorqa. Pututu sinch'ita waqashajtintaj, israelitakunaqa manchachikuspa, kharkatiterqanku.

Isaías 29:6

noqa Tukuy Atiyniyoj Tata Dios paykunata jasut'isaj, qhon qhonkunawan, jallp'a ikhakuywan, manchay ch'ajwawan, sinch'i wayrawan, llojlla parawan, tukuyta q'olaj ninawan ima.

Isaías 30:30

Chaypacha Tata Dios jatunmanta parlasqanta uyarichenqa. Atiyniyoj makinwan k'araj phiñakuyninta rikuchenqa manchayta q'olarparej ninawan, chantá llojlla parawan, manchay muyoj wayrawan, jatuchaj rumi jina chijchi parawan ima. Ajinamanta pay atiyninta rikuchenqa.

Isaías 66:6

Llajta ukhupi ch'ajwa uyarikun, Templomantapis uj qhapariy uyarikun. Chayqa Tata Diospa qhapariynin, awqankunamanta vengakushajtin.

Jeremías 51:11

Tata Diosqa Babiloniata tukuchiyta munan. Media suyumanta kuraj kamachejkunata rijch'arichispa, tanqamun. Chaymin Tata Diospa vengakuynenqa, Templonta imatachus ruwasqankumanta. Flechanapaj arcoykichejta, jark'akuna escudoykichejtataj oqhariychej.

Levítico 16:12

Chaymantaqa incienso q'oshñichinata jap'ispa, Tata Diospa ñawpaqenpi kashan, chay altarmanta nina k'ajata churanqa. Jinallataj sumaj incienso kutasqamanta iskay pojtuta churaspa, veloj wasanman apanqa.

Zacarías 14:5

Chantá chay valleqa Azalkama chayanqa, qankunataj chay vallenta orqoman ayqenkichej, imaynatachus ñawpa tataykichejpis ayqerqanku jallp'a ikhakusqanrayku kuraj kamachej Uzías Judapi kamachishajtin, ajinata. Chantá Tata Diosniy jamonqa tukuy angelninkunawan.

San Mateo 24:7

Uj suyoqa waj suyoj contranta oqharikonqa, uj kamachejtaj waj kamachejpa contranta. Jinallataj tukuynejpi jallp'a ikhakuykuna kanqa, yarqhay ima.

San Lucas 12:49

Chantá Jesús nillarqataj: Noqaqa kay pachapi ninata jap'iykuchej jamuni. Jinataj mayta munayman lawrashanantaña.

Hechos 16:26

Chaypacha jallp'a ujllata sinch'ita ikhakorqa. Carcelpa cimientonkuna lajrarakorqa, chay ratopachataj punkukunapis kicharirakorqanku. Wisq'asqa tukuy runamantataj cadenanku t'akarakorqa.

Hechos 4:31

Chaypacha Jesucristota qhatikojkuna Dioswan parlarikuyta tukusqankutawan, maypichus kasharqanku, chaynej kharkatiterqa. Chaymantataj tukuyninku Santo Espíritoj kamachiyninpi kaspa, Diospa simi nisqanta mana manchachikuspa willallarqankupuni.

Apocalipsis 11:13

Chantá chay kikinpacha manchay jallp'a ikhakuy kanqa, Jerusalén llajta chunkaman t'aqasqamanta ujnin kaj t'aqataj thuñiykukonqa. Jallp'a ikhakusqanraykutaj 7.000 runakuna wañuranqanku, kawsashaj qhepakojkunataj mancharikuspa, janaj pachapi kaj Diosta jatunchanqanku.

Apocalipsis 11:19

Jinallapi janaj pachapi kashaj Diospa templon kicharikorqa, chaypitaj Diospa trato ruwasqan arca rikukorqa. Chaypachallataj lliuj lliujkuna, jatunmanta parlaykuna, qhon qhonkuna, jallp'a ikhakuy, chantá manchay chijchi para ima karqa.

Apocalipsis 4:5

Jatun kaj kamachina tiyanamanta lliuj lliujkuna llijusharqa, qhon qhonkunapis t'ojyasharqa. Jinataj qanchis nina jachonkuna kamachina tiyanaj ñawpaqenpi lawrasharqanku. Chayqa Diospa qanchis jinamanta rejsichikoj Santo Espíritun karqa.

Apocalipsis 6:12

Jayk'ajchus sojta kaj sellota Cordero llik'erqa chaypacha, rikorqani manchay jallp'a ikhakuyta. Inteqa yana tela jina yanayarqa, killataj yawar jina pukaman tukorqa.

Apocalipsis 8:3

Chaymantataj waj ángel jamuspa, altarpa ñawpaqenpi sayarqa, qorimanta incienso q'oshñichina jap'irisqa. Chantá chay angelman ashkha inciensota qorqanku, pay Diospa tukuy ajllakusqankunaj mañakusqankuman yapaspa, kamachina tiyanaj ñawpaqenpi, chay qori altarpi jaywananpaj.