Apocalipsis 8:11 - DIOSPA QHELQACHISQ

¹¹ Chay ch'askaj sutinrí Ajenjo karqa. Chay ch'aska urmasqanraykutaj, yaku kinsaman t'aqasqamanta ujnin kaj t'aqa jayaman tukorqa. Jaya yakuta ujyasqankuraykutaj ashkha runakuna wañorqanku.

Qheshwa Biblia DC

¹¹ Chay ch'askaj sutintaj Ajenjo nisqa karqa. Yakuspa kinsa kaj t'aqaynintaj ajenjoman tukuporqa; ashkha runastaj chay yakuswan wañurarqanku; yakustaj jayaman tukuporqanku.

DIOSPA QHELQACHISQAN DEUTEROCANONICAL

¹¹ Chay ch'askaj sutinrí Ajenjo karqa. Chay ch'aska urmasqanraykutaj, yaku kinsaman t'aqasqamanta ujnin kaj t'aqa jayaman tukorqa. Jaya yakuta ujyasqankuraykutaj ashkha runakuna wañorqanku.

Quechua South Bolivia: Dios Parlapawanchej

¹¹ Chay ch'asca c'arcu jaya Ajenjo sutiyoj carka. Yacusmanta quinsa caj partetaj c'arcu jayaman tucuporka. Chay yacus c'arcu jayaman tucupuskancuraycutaj ashqha runas wañurarkancu.

Apocalipsis 8:11 ပူးပေါင်းရင်းမြစ်များ

Éxodo 15:23

Mará nisqa cheqaman chayarqanku. Chaywanpis chaypi kaj yakuta mana ujyayta aterqankuchu, k'ara kasqanrayku. Chayrayku chay cheqata “Mará”, nispa, suticharqanku.

Proverbios 5:4

Chaywanpis, qhepanejman sunch'umantapis aswan jaya kanqa. Puraj lado filochasqa espadamantapis astawan khuchonqa.

Jeremías 23:15

Chayrayku noqa Tukuy Atiyniyoj Tata Dios chay sut'inchajkunaj contrankupi nini: Noqaqa k'allku mikhunata paykunaman mikhuchisaj, venenoyoj yakutataj ujyaykuchisaj, imaraykuchus Jerusalenpi kaj sut'inchajkunaj millay ruwasqankoqa tukuy suyumanña junt'aykun, nispa.

Jeremías 9:15

15 (14) Chayrayku noqa Israelpa Diosnin Tukuy Atiyniyoj Tata Dios kayta nini: Paykunaman jayaq'eta mikhuchisaj, venenoyoj yakutataj ujyachisaj.

Lamentaciones 3:19

Llakiyniyta, ñak'ariyniyta ima yuyarikuspaqa, may jaya jayaq'e jina kasqanta yuyarini.

Lamentaciones 3:5

Payqa llakiywan, ñak'ariywan ima perqawan jina muyuykuchiwan.

Amós 5:7

Ay, qankunamanta, justiciata ñak'arinaman tukuchejkuna, pikunachus cheqan kajta ruwanata pampaman wijch'ojkuna.

Amós 6:12

Caballokuna atinkumanchu chhankata wichariyta? Atinmanchu pipis mama qochapi yuntawan llank'ayta? Qankunarí justiciata wañunaman tukuchinkichej, justiciaj ruwasqantataj jayaman tukuchinkichej.

Zacarías 13:8

Kay suyupi tiyakojkunamanta kinsaman t'aqasqamanta iskay t'aqa wañonqanku. Ujnin t'aqalla kawsashaj qhepakonqa. Ajinata Tata Dios nin.

Zacarías 13:9

Chay qhepakojkunarí ninawan ch'uwanchasqa kanqanku. Imaynatachus runa qolqe metalta ninapi ch'uwanchan, chayrí qorita ch'uwanchan, ajinata noqapis paykunata llimphuchasaj. Chaypacha paykunaqa sutiyta oqharenqanku Diosninkupaj rejsikapuwasqankurayku, noqataj mañakuwasqankuta uyarisaj. Chantá paykunata nisaj: Qankuna aylluy kankichej, nispa. Paykunataj kutichiwanqanku: Tata Diosqa Diosninchej, nispa. Noqa Tata Diosmin chayta nini.

Deuteronomio 29:18

18 (17) Qankuna ukhupi qhari, warmi, wasi ayllu, chayrí ima ayllupis Tata Diosninchejta qhesachaspa, chay suyukunaj diosninkukunata yupaychaj ama kachunchu. Pikunachus jinata ruwajkunaqa jaya qhora jina, chayrí venenoyoj qhora jina kankuman.

Hebreos 12:15

Qankunamanta pipis Diospa qhasilla k'acha yanapayninta jap'ejtinña, ama saqeychejchu chaymanta karunchakunanta. Amallataj saqeychejchu pipis jaya sonqo kasqanrayku ch'ajwata sayarichinanta, imajtinchus chay ch'ajwa mana allin kawsayta apamusunkichejman, chaynejtataj ashkha pantachisqa kankuman.

Apocalipsis 12:4

Chupanqa janajpi ch'askakuna kinsaman t'aqasqamanta ujnin kaj t'aqata qharastaspa, kay pachaman wijch'uykamorqa. Chantá sierpeqa onqokushaj warmej ñawpaqenpi sayaykorqa, paqarichikojtinkama wawanta oqoykunanpaj.

Apocalipsis 8:7

Maypachachus ñawpaj kaj ángel trompetata waqacherqa chaypacha, chijchi para, ninawan, yawarwan ima chajrusqa kay pachaman urmamorqa. Chayrayku kay pacha kinsa t'aqasqamanta ujnin kaj t'aqa ruphaykorqa, jinallataj sach'akuna, chantá tukuy q'omer qhora ima.

Apocalipsis 9:15

Jinataj chay tawa angelkunata phaskaraspa kacharerqa, runakuna kinsaman t'aqasqamanta ujnin kaj t'aqata wañurachinankupaj. Chay angelkunaqa chay phanipaj, chay p'unchaypaj, chay killapaj, chay watapaj runata wañuchinankupaj wakichisqa karqanku.

Apocalipsis 9:18

Runakunataj kinsaman t'aqasqamanta ujnin kaj t'aqa kay ñak'ariykunawan wañuchisqa karqanku: Caballokunaj siminkumanta llojsimoj ninawan, q'oshñiwan, chantá azufrewan ima.

Rut 1:20

Noemitajrí kuticherqa: Amaña Noemí niwaychejchu, manachayqa Mara niwaychej, imajtinchus Tukuy Atiyniyoj Diosqa imaymana llakiykunata apachimuwan.