Apocalipsis 6:15 - DIOSPA QHELQACHISQ

¹⁵ Jinaqa kay pachapi kuraj kamachejkuna, kurajkuna, soldadokunata kamachejkuna ima qaqa jusk'upi, chantá orqo jusk'upi ima pakaykukorqanku. Jinallataj qhapajkuna, atiyniyojkuna, wata runakuna, mana wata runakunapis pakaykukullarqankutaj.

Qheshwa Biblia DC

¹⁵ Jallp'api reyes kajkuna, kurajkuna, soldadosta kamachejkuna, qhapajkuna, atiyniyojkuna, tukuy kamachis, mana kamachis kajkunapis, qaqa jusk'uspi, orqo jusk'uspi ima pakaykukorqanku.

DIOSPA QHELQACHISQAN DEUTEROCANONICAL

¹⁵ Jinaqa kay pachapi kuraj kamachejkuna, kurajkuna, soldadokunata kamachejkuna ima qaqa jusk'upi, chantá orqo jusk'upi ima pakaykukorqanku. Jinallataj qhapajkuna, atiyniyojkuna, wata runakuna, mana wata runakunapis pakaykukullarqankutaj.

Quechua South Bolivia: Dios Parlapawanchej

¹⁵ Cay pacha camachejcunaka, curajcunapis, capitancunapis, khapajcunapis, callpayojcunapis, tucuy runacunaka, camachispis, mana camachispis mancharicuywan pacacamorkancu. Paycunaka orko jusc'usman, kakasman pacacamorkancu.

Apocalipsis 6:15 ပူးပေါင်းရင်းမြစ်များ

Génesis 3:8

Chantá inti yaykuyta jina wayrarishajtin, qhari warmi huertapi Tata Diospa purishasqanta uyarerqanku. Paykunatajrí usqhay usqhayta huertapi sach'a ukhuman pakaykukorqanku.

Salmos 76:12

12 (13) imaraykuchus payqa kurajkunata k'umuykuchin, kay pachapi kuraj kamachejkunatataj manchachin.

Isaías 2:10

Israelitakuna, chhanka jusk'uman chinkaykuychej. Tata Diospa manchana jina kayninmanta pakakuychej, jatun kayninpa lliphipiyninmantawan.

Isaías 2:19

Chaypacha tukuy runakuna chhanka jusk'ukunaman ayqekonqanku. Jinallataj jallp'aj lajrakusqanman chinkaykonqanku, Tata Diospa k'araj phiñakuyninmanta, jatun kayninpa lliphipiyninmantawan ayqespa, maypachachus pay kay pachata jasut'ej jamonqa, chaypacha.

Isaías 2:21

Paykuna qaqa jusk'ukunaman, chhanka jusk'ukunaman ima sat'ikonqanku, Tata Diospa k'araj phiñakuyninmanta, jatun kayninpa lliphipiyninmanta ima pakakuspa, maypachachus Tata Dios kay pachata jasut'ej jamonqa, chaypacha.

Isaías 42:22

Chaywanpis wajkuna Israelta atipaykuspa, imanchus kaj chhikata qhechunku. Jinallataj wata runa kanapaj churanku, paykunata presochaspataj, carcelpi wisq'aykunku. Awqankoqa israelitakunawan munayninkuta ruwanku, nitaj pipis kacharichinanpaj kanchu. Paykunata wajnejman apakapunku, nitaj pipis paykunata kacharichej kanchu.

Miqueas 7:17

Katari jina, pampata qhatatakuspa khuru jina jallp'ata llajwachunku. Thapankumanta kharkatitishaj llojsimuchunku. Manchachikuspataj, qan Tata Diosniykuman, chimpamuchunku.

Hebreos 11:38

Kay pachaqa mana chay jina sumaj sonqoyoj runakunapaj jinachu karqa. Chaywanpis paykuna ayqekuspa ch'innejpi, orqokunapi ima purerqanku. Chantá qaqa jusk'upi, jallp'a t'oqopi ima kawsarqanku.

Apocalipsis 18:23

Manallataj qanpi lamparaj k'anchasqan rikukonqachu, nillataj casarakojkunaj kusikusqankupis uyarikonqañachu, imaraykuchus qhatojniykikunaqa ancha atiyniyoj karqanku, qantaj layqeriyoykiwan tukuy runata q'otiyaspa pantacherqanki.

Jueces 6:2

Madianitakunaqa sinch'itapuni israelitakunata ñak'aricherqanku. Israelitakunataj madianitakunata manchachikuspa, orqokunapi pakakunata ruwarakamorqanku, chhanka jusk'ukunapi, maymanchus runakuna mana yaykullankuchu, chaynejpi.

1 Samuel 13:6

Filisteokuna tukuynejmanta maqanakoj sayaykusqankurayku, israelitakuna imatachus ruwanankuta mana yachashaj rikhurerqanku. Chayraykutaj chhanka jusk'uman, t'oqoman, qaqa k'ajllukunaman, allasqa jusk'ukunaman chantá ch'aki pujyukunaman ima pakakamorqanku.