Apocalipsis 6:12 - DIOSPA QHELQACHISQ

¹² Jayk'ajchus sojta kaj sellota Cordero llik'erqa chaypacha, rikorqani manchay jallp'a ikhakuyta. Inteqa yana tela jina yanayarqa, killataj yawar jina pukaman tukorqa.

Qheshwa Biblia DC

¹² Sojta kaj sellota kicharejtintaj, rikorqani manchay jallp'a ikhakuyta; intitaj yanayarqa uj qhashqa yana p'acha jina, killataj yawarman tukorqa.

DIOSPA QHELQACHISQAN DEUTEROCANONICAL

¹² Jayk'ajchus sojta kaj sellota Cordero llik'erqa chaypacha, rikorqani manchay jallp'a ikhakuyta. Inteqa yana tela jina yanayarqa, killataj yawar jina pukaman tukorqa.

Quechua South Bolivia: Dios Parlapawanchej

¹² Ricorkanitaj chay sojta caj sellota quicharishajta. Cay pachataj sinch'ita qharcatiterka, intipis yanayaycorka mana c'anchananpaj, quillapis tucuynin yawarjina tucuporka.

Apocalipsis 6:12 ပူးပေါင်းရင်းမြစ်များ

Isaías 24:23

Jerusalenpi, jinataj Sión orqopi Tukuy Atiyniyoj Tata Dios kamachiyta qallarejtin, intiwan, killawan p'enqakuspa laqhayaykonqanku. Chay llajtamanta kurajkunataj Tata Diospa jatun kayninpa lliphipiyninta rikonqanku.

Isaías 29:6

noqa Tukuy Atiyniyoj Tata Dios paykunata jasut'isaj, qhon qhonkunawan, jallp'a ikhakuywan, manchay ch'ajwawan, sinch'i wayrawan, llojlla parawan, tukuyta q'olaj ninawan ima.

Isaías 34:4

Janajpi ch'askakunapis phirikuspa chinkaraponqanku, kikin janajpis papel jina mayt'uykakaponqa. Tukuy ch'askakuna urmaramonqanku, uva sach'aj qawisqa laqhenkuna urmaran jinata, chayrí higoj laqhenkuna jina.

Isaías 50:3

Noqaqa janajta laqhayaywan p'achallichini, llakiy p'achawan jinataj qhataykuni, nispa.

Joel 2:10

Jallp'a kharkatitin paykunaj ñawpaqenkupi. Janajpis chujchurin. Intipis, killapis laqhayaykunku, ch'askakunataj ayphuyaykunku.

Joel 3:15

15 (4.15) Intipis, killapis laqhayaykonqanku. Ch'askakunaj lliphipiyninpis ayphuyaykonqa.

Amós 1:1

Kaymin Amospa willasqan. Payqa Tecoa llajtamanta karqa, uywata mirachej runataj. Diosqa mosqoypi jina Amosman nerqa israelitakunaman sut'inchananpaj, jallp'a ikhakuymanta iskay wata ñawpajta, Judapi Uzías kuraj kamachej kashajtin, Israelpitaj Joaspa churin Jeroboán kamachishajtin.

Amós 8:9

Tukuyta Kamachej Tata Dios nillantaj: Chaypachaqa chawpi p'unchay kashajtin, noqa intita laqhayachisaj, chay p'unchayllataj kay pachata laqhayachisaj.

Zacarías 14:5

Chantá chay valleqa Azalkama chayanqa, qankunataj chay vallenta orqoman ayqenkichej, imaynatachus ñawpa tataykichejpis ayqerqanku jallp'a ikhakusqanrayku kuraj kamachej Uzías Judapi kamachishajtin, ajinata. Chantá Tata Diosniy jamonqa tukuy angelninkunawan.

San Mateo 11:21

Nerqataj: Ay, Corazín llajtayojkuna, qankunamanta imallachus kanqa. Ay imallachus kanqa qankunamantapis, Betsaida llajtayojkuna. Sichus Tiro llajtapi, jinataj Sidón llajtapi pipis qankuna ukhupi kay ruwasqay t'ukunata ruwanman karqa chayqa, maypachaña Diosman kutirikunkuman karqa. Paykunaqa qhashqa p'achata churakuspa, ushpha patapi tiyaspataj, Diosman kutirikusqankumanta yachayta qonkuman karqa.

San Mateo 24:29

Jesús yachachillarqataj: Ñak'ariy p'unchaykunaj qhepanta, inti laqhayaykaponqa. Killapis manaña k'anchanqachu, ch'askakunapis urmaranqanku. Jinallataj janaj pacha atiykunapis kharkatitenqanku.

San Mateo 24:7

Uj suyoqa waj suyoj contranta oqharikonqa, uj kamachejtaj waj kamachejpa contranta. Jinallataj tukuynejpi jallp'a ikhakuykuna kanqa, yarqhay ima.

San Mateo 27:45

Chantá chawpi p'unchaymanta kinsa kaj phanikama tukuy chay cheqa laqhayaykorqa.

San Mateo 27:54

Chaypacha romano soldadokunaj kuraj kamachejninku, chantá Jesusta qhawasharqanku, chay soldadokunawan ima jallp'ata ikhakojta, chay waj imakunatawan ima rikorqanku. Chayrayku maytapuni mancharikuspa, nerqanku: Kay runaqa Diospa Churinpuni, nispa.

San Mateo 28:2

Kaymanta jinataj jallp'aqa ikhakorqa, imaraykuchus Tukuyta Kamachej Diospa uj angelnin janaj pachamanta urayk'amorqa. Aya p'ampanata wisq'aj rumita tijraspataj, chay patapi tiyaykukorqa.

Marcos 15:33

Chawpi p'unchay kashajtin, tukuy kay pacha laqhayaykorqa kinsa kaj phanikama.

Apocalipsis 11:13

Chantá chay kikinpacha manchay jallp'a ikhakuy kanqa, Jerusalén llajta chunkaman t'aqasqamanta ujnin kaj t'aqataj thuñiykukonqa. Jallp'a ikhakusqanraykutaj 7.000 runakuna wañuranqanku, kawsashaj qhepakojkunataj mancharikuspa, janaj pachapi kaj Diosta jatunchanqanku.

Apocalipsis 16:18

Chantá lliuj lliujkuna, qhapariykuna, qhon qhonkuna ima karqa. Jallp'aqa manchayta ikhakorqa. Runa kay pachapi kasqanmantapacha, chay jina jallp'a ikhakoyqa mana jayk'ajpis karqachu.

Apocalipsis 16:8

Chaymantataj tawa kaj angelñataj vasonmanta intiman jich'aykorqa. Ajinata ruwaspataj, intiman atiyta qorqa, sinch'ita k'ajarispa runakunata ruphaykunanpaj.

Apocalipsis 8:12

Chantá tawa kaj angelñataj trompetata waqacherqa. Chaypachataj inti, killa, chantá ch'askakuna ima kinsaman t'aqasqamanta ujnin kaj t'aqa mana allinman tukorqanku, laqhayaporqankutaj. Chayrayku p'unchaypis, tutapis kinsaman t'aqasqamanta ujnin kaj t'aqa mana k'anchayniyojchu karqa.

Apocalipsis 8:5

Chaymantataj angelqa incienso q'oshñichinata jap'ispa, altar patapi kaj ninawan junt'aykucherqa. Chaytataj kay pachaman jich'amorqa, chantá tukuynejpi qhon qhonkuna, lliuj lliujkuna, jallp'a ikhakuy ima karqa.