Apocalipsis 6:10 - DIOSPA QHELQACHISQ

¹⁰ Chantá paykuna jatunmanta qhaparispa, nerqanku: Tukuyta Kamachej Jesús, may llimphu kaj, cheqa kajtaj, jayk'ajkamataj kay pachapi tiyakojkunata mana juzgankichu, nitaj wañuchiwasqaykumanta vengakunkichuri? nispa.

Qheshwa Biblia DC

¹⁰ Sinch'itataj qhaparisharqanku nispa: Jayk'ajkamataj Señor, santo, cheqa kaj, jallp'a patapi tiyakojkunata mana juzgankichu, nitaj yawarniykumanta cuentata mañankichu?

DIOSPA QHELQACHISQAN DEUTEROCANONICAL

¹⁰ Chantá paykuna jatunmanta qhaparispa, nerqanku: Tukuyta Kamachej Jesús, may llimphu kaj, cheqa kajtaj, jayk'ajkamataj kay pachapi tiyakojkunata mana juzgankichu, nitaj wañuchiwasqaykumanta vengakunkichuri? nispa.

Quechua South Bolivia: Dios Parlapawanchej

¹⁰ Paycunataj sinch'iwan khaparerkancu: —Tucuyta camachej santo cheka Diosniycu ¿mayc'ajcamataj suyanquirí? ¿Mayc'ajtaj nokaycuta wañuchej cay pacha sajra runasta juchachanquirí?

Apocalipsis 6:10 ပူးပေါင်းရင်းမြစ်များ

Génesis 4:10

Tata Diostajrí nerqa: Imatataj ruwarqankiri? Wawqeykej yawarnenqa jallp'amantapacha justicia ruwanayta qhaparimushawan.

Salmos 119:84

Mayk'ajkamataj suyasajri? Mayk'ajtaj qhatiykachawajkunata juzgaspa juchachankiri?

Salmos 13:1

1 (2) Tata Dios, jayk'ajkamataj qonqawankiri? Wiñaypajchu qonqarpariwanki? Jayk'ajkamataj noqamanta pakakunkiri?

Salmos 35:17

Tukuyta Kamachej Dios, mayk'ajkamataj kay jina kananta qhawallankiri? Kay k'ata kawsayniyta qhespichiway ari, phiña leonkuna jina purejkunamanta.

Salmos 79:10

Imaraykutaj qanta mana qhatisojkuna noqaykumanta ninkuman kasqa: Maypitaj Diosninku kashan? nisparí? Kamachiykikunata wañuchisqankumanta pagachikusqaykita tukuy yachachunku.

Salmos 9:12

12 (13) Tata Dios pichus runata wañuchejkunamanta cuentata mañanqa, ñak'arichisqa kajkunamantataj qhawarenqa. Jinallataj payqa llakiyniyojkunaj qhaparikusqankuta mana qonqanchu.

Isaías 61:2

Jinallataj Tata Diospa k'acha yanapaynin wata chayamusqantaña willanaypaj kachamuwan. Chay p'unchaypi Tata Dios awqanchejkunamanta vengakonqa, tukuy llakisqakunatataj sonqochanqa.

Lamentaciones 3:64

Kunanqa, Tata Dios, paykunaman imatachus ruwasqankuman jina kutichipuy.

Daniel (hebreo) 12:6

Ujnintaj taporqa linomanta p'achayoj runata, pichus yaku patapi sayashajta: Mayk'ajtaj kay t'ukuna imakuna tukukonqari? nispa.

Daniel (hebreo) 8:13

Chay qhepata uj angelqa waj angelta tapurishajta uyarerqani: Mayk'ajtaj tukukonqa imachus sapa p'unchay jaywana altarpi rikukushan, chayri? Mayk'ajkamataj Templopi millayta juchallispa kanqankuri? Mayk'ajkamataj Diosta qhatejkunata saronqankuri? nispa.

Zacarías 1:12

Chantá Tata Diospa angelnin nerqa: Tukuy Atiyniyoj Tata Dios, Jerusalenpaj chantá Judapi kaj llajtakunapajpis qanchis chunka watataña phiñasqa kanki. Mayk'ajkamataj paykunamanta mana khuyarikunkichuri? nispa.

San Lucas 2:29

Kunanqa Tukuyta Kamachej Dios, sonqoy junt'asqata pusakapuway, imaraykuchus niwasqaykeqa junt'akun.

San Lucas 21:22

imaraykuchus ñak'ariy p'unchaykuna kanqa ñawpa qhelqasqapi nisqanman jina junt'akunanpaj.

Romanos 12:19

Munasqa wawqe panakuna, ama qankuna kikiykichej vengakuychejchu, manachayqa saqeychej Dios millayta ruwajkunata jasut'inanta. Diospa Qhelqachisqanpi nin: Tukuyta Kamachej Dios nin: Vengakunaqa noqajta. Ruwasqankuman jina jasut'ispa, noqa pagachikusaj, nispa.

Hebreos 12:24

Aswanpis Jesusman qayllaykorqankichej, pinejtachus Dios mosoj tratota qankunawan ruwarqa, chayman. Jinallataj Jesuspa yawarnin ch'ajchusqaman qayllallankichejtaj. Chaywanpis chay yawarqa runaj juchan pampachasqa kananmanta parlan, mana Abelpa yawarnin jinachu wañuchisqa kasqanmanta vengakunamanta.

2 Pedro 2:1

Unay israelitakuna ukhupi mana cheqanta yachachej sut'inchajkuna rikhurerqanku. Ajinallatataj qankuna ukhupipis mana cheqanta yachachejkuna rikhurenqanku. Paykuna mana reparaylla, pantachej yachachiyninkuta yachachenqanku, jinataj Tukuyta Kamachej Jesucristotapis qhesachanqanku, pichus ashkha preciowan paykunata ranterqa, chayta. Chayrayku paykuna manaraj imapi chinkachisqa kanqanku.

Apocalipsis 11:18

Chayrayku tukuy suyumanta runakuna phiñarikorqanku. Chaywanpis qanpa phiñakunayki p'unchay chayamunña. Wañusqakunata juzganayki p'unchaypis chayamullantaj. Jinallataj p'unchay chayamun qan, pikunachus qanmanta sut'inchajkunaman, qanpaj ajllakusqaykikunaman, sutiykita jatunchajkunaman ima ruwasqankuman jina t'inkata qopunaykipaj, mana kasu ruwana kachunku, chayrí maypaj qhawasqa kachunku. Chantá kay pachata phirejkunatapis tukuchinaykipaj p'unchay chayamullantaj, nispa.

Apocalipsis 18:20

Chaymanta janaj pachapi tukuy tiyakojkuna kusikuychej. Jinallataj qankuna Diospa ajllakusqankuna, Diospa kachankuna, chantá Diosmanta sut'inchajkuna ima kusikullaychejtaj, imaraykuchus Dios qankunarayku justiciata ruwaspa, chay llajtaman tukuy millayta ruwasqanman jina kutichipun, nispa.

Apocalipsis 18:24

Dios jasut'isunki, imajtinchus Diosmanta sut'inchajkunaj, chantá Diospa ajllakusqankunaj yawarninku, calleykikunata mayu jina purerqa, tukuy kay pachapi wañuchisqa kajkunaj yawarninkuwan khuska, nispa.

Apocalipsis 19:2

Diospa justicia ruwasqanqa cheqan, cheqataj. Chayrayku chay manchay uyarisqa phisu warmita juchacharqa, pichus khuchichakusqanwan kay pachata pierdecherqa, chayta. Diosqa kamachinkunata wañuchisqanmanta chay warmiwan pagachikorqa, nispa.

Apocalipsis 3:10

Qanqa pacienciawan suyanaykita kamachisqayta kasorqanki. Chayrayku noqapis ñak'ariy p'unchaypi qanta waqaychasqayki. Chay ñak'arinaqa tukuy kay pachapi kaj chhika runakunaman jamonqa imayna sonqoyojchus kasqanku yachakunanpaj.

Apocalipsis 3:7

Filadelfia llajtapi iglesiaj angelninman kay nisqayta qhelqay: Kay jinata nin May Llimphu Kaj, Cheqa Kaj, pichus kuraj kamachej Davidpa llaventa jap'in, chay. Pay punkuta kicharejtin, mana pipis wisq'ayta atinchu, punkuta wisq'ajtintaj, mana pipis kichariyta atinchu.

Jueces 16:28

Chantá Sansonqa Tata Diosmanta mañakorqa: Tukuyta Kamachej Tata Diosníy, mañarikuyki kay kutillatawanpis noqamanta yuyarikunaykita, jinataj kallpata qorinawaykita, iskaynin ñawiyta orqhowasqankumanta filisteokunawan pagachikunaypaj, nispa.

1 Samuel 24:12

12 (13) Qanwan noqawan pichus juchayoj kasqanchejta Tata Dioslla nichun. Imatachus ruwawasqaykimantaqa Tata Dioslla yachachun. Chaywanpis noqaqa mana jayk'ajpis kuraj kamachejniypa contranta makiyta oqharisajchu.