Apocalipsis 5:8 - DIOSPA QHELQACHISQ

⁸ P'anqata jap'isqantawantaj, chay tawa kawsajkuna, chantá chay iskay chunka tawayoj kurajkuna ima Corderoj ñawpaqenpi pampakama k'umuykorqanku. Sapa ujninku arpata jap'isharqanku, chantá qorimanta copapi inciensowan junt'asqata. Copapi inciensoqa Diospa ajllakusqanpa mañakusqankuwan ninakorqa.

Qheshwa Biblia DC

⁸ Librota jap'isqantawantaj, chay tawa animales, chay iskay chunka tawayoj kurajkuna ima, Corderoj ñaupaqenman qonqoriykukorqanku. Sapa ujninkutaj arpasniyoj karqanku, copasninkutaj inciensowan junt'asqas karqanku. Chaykunaqa ajllasqaspa mañakuynin.

DIOSPA QHELQACHISQAN DEUTEROCANONICAL

⁸ P'anqata jap'isqantawantaj, chay tawa kawsajkuna, chantá chay iskay chunka tawayoj kurajkuna ima Corderoj ñawpaqenpi pampakama k'umuykorqanku. Sapa ujninku arpata jap'isharqanku, chantá qorimanta copapi inciensowan junt'asqata. Copapi inciensoqa Diospa ajllakusqanpa mañakusqankuwan ninakorqa.

Quechua South Bolivia: Dios Parlapawanchej

⁸ Kelka c'uyuta jap'ejtincama chay tawa causajcuna, chay iscay chunca tawayoj curajcunawan ima, Corderoman pampacama c'umuycorkancu yupaychanancupaj. Chay curajcunataj sapa ujnincu arpasniyoj carkancu, incienso junt'a kori vasosniyoj ima. Inciensori runasninpa Diosmanta mañacuynincumin.

Apocalipsis 5:8 ပူးပေါင်းရင်းမြစ်များ

Salmos 141:2

Mañakususqayqa inciensoj q'apaynin jina qanman chayamusuchun. Makiyta oqharispa mañakusqaytaj inti yaykuyta q'olachisqa jaywana jina kachun.

Salmos 150:3

Trompetata waqachispa, payta jatunchaychej. Arpata, charangota ima tocaspa, payta yupaychaychej.

Salmos 33:2

Arpata tocaspa, Tata Diosta pachis niychej, lirata tocaspataj, payta yupaychaychej.

Salmos 43:4

Chaypi Diosníy, altarniykiman qayllasaj. Chaypitaj arpata tocarispa, yupaychasqayki, imaraykuchus qan, Diosníy, sonqoyta kusiywan junt'achinki.

Salmos 81:2

2 (3) Panderowan takiychej, arpawan, salterioj misk'i waqasqanwan ima.

Números 7:62

Chantapis qorimanta ruwasqa uj jatun wisllata qollarqataj, inciensowan junt'ata. Chaytaj 110 gramo pesarqa.

San Juan 1:29

Q'ayantin, Bautizaj Juan Jesusta payman jamushajta rikuspa, nerqa: Kaymá Diospa Corderonqa, pichus runakunaj juchankuta pampachaj.

San Juan 5:23

Ajinamanta tukuy runakuna Churinta maypaj qhawanqanku, imaynatachus Tata Diosta maypaj qhawanku, ajinata. Pillapis Diospa Churinta mana maypaj qhawajrí nillataj kachamoj Tatantapis maypaj qhawanchu.

Hebreos 1:6

Jinallataj kuraj kaj Churinta kay pachaman kachamuspa, Dios nerqa: Diospa tukuy angelninkuna payta yupaychachunku, nispa.

Apocalipsis 13:8

Kay pachapi tukuy runataj chay waj sierpeta yupaycharqanku. Kay pacha manaraj ruwasqa kashajtin, pichus wañuchisqa kanan karqa, chay Corderoqa kawsay p'anqapi qhelqasqa, pikunachus wiñay kawsayniyoj kananku karqa, chay sutinkuta. Kay ujkunaj sutinkurí mana chay p'anqapi qhelqasqachu karqa.

Apocalipsis 15:2

Rikullarqanitaj cristalmanta jina uj mama qochata ninawan chajrusqata. Chay cristal mama qochapitaj sayasharqanku, pikunachus ñawpa sierpeta, lantintawan mana yupaycharqankuchu, nitaj marcanwan marcachikorqanku, chaykuna. Tukuyninkutaj Diospa qosqan arpata jap'isharqanku.

Apocalipsis 15:7

Chantá chay tawa kawsajkunamanta ujnin kaj chay qanchis angelkunaman qorimanta ruwasqa qanchis vasota jaywarqa. Chay vasokunaqa Diospa phiñakuyninwan junt'asqa karqanku, pichus wiñay wiñaypaj kawsan, chaypata.

Apocalipsis 19:4

Chaymantá chay iskay chunka tawayoj kuraj runakuna, chantá chay tawa kawsajkuna ima pampakama k'umuykuspa, Diosta yupaycharqanku, pichus kamachina tiyanapi tiyasqa kasharqa, chayta. Nerqankutaj: Ajina kachun, Tata Dios jatunchasqa kachun, nispa.

Apocalipsis 4:10

Ajinata chay kawsajkuna ruwashajtinku, chay iskay chunka tawayoj kuraj runakunaqa kamachina tiyanapi tiyasqa kajpa ñawpaqenpi qonqoriykukuspa, wiñay wiñaypaj Kawsajta yupaychallankutaj. Chantá pillunkukunata kamachina tiyanaj ñawpaqenman churaspa, ninku:

Apocalipsis 4:4

Rikullarqanitaj chay kamachina tiyanaj muyuyninpi iskay chunka tawayoj kamachina tiyanakunata. Chaykunapitaj iskay chunka tawayoj kuraj runakuna tiyasharqanku. Paykuna yuraj p'achayoj, chantá umankupi qori pilluyoj karqanku.

Apocalipsis 4:6

Kamachina tiyanaj ñawpaqenpitaj vidriomanta mama qocha jina cristalman rijch'akoj karqa. Kamachina tiyanaj chawpinpi, chantá muyuyninpi ima tawa kawsajkuna karqanku. Paykuna ñawpaqenkupi, qhepankupipis ashkha ñawiyoj karqanku.

Apocalipsis 4:8

Chay tawantin kawsajkunaqa sapa ujninku sojta lijrayoj karqanku, lijrankunataj patanpi ukhunpi ashkha ñawiwan junt'a karqa. Chantá tuta p'unchay mana sayk'uspa, nisharqanku: May llimphu, may llimphu, may llimphupuni Tukuy Atiyniyoj Diosqa, pichus karqapuni, kashantaj, jamonqataj, chay, nispa.

Apocalipsis 5:11

Chantá ujtawan qhawaspa, noqa kamachina tiyanaj muyuyninpi ashkha angelkunaj parlasqankuta uyarerqani, chay angelkunataj waranqa waranqa karqanku. Uyarillarqanitaj kawsajkunaj, chantá kurajkunaj parlasqankuta.

Apocalipsis 5:12

Tukuyninku jatunmanta parlaspa, nisharqanku: Pichus wañuchisqa karqa, chay Corderoqa tukuy atiyniyoj, may jina qhapaj, tukuy yachayniyoj, chantá sinch'i kallpayoj kasqanta tukuy rimarichunku. Chayrayku maypaj qhawasqa, jatunchasqa, yupaychasqataj ima kachun, nispa.

Apocalipsis 5:14

Tawantin kawsajkunataj kuticherqanku: Ajina kachun, nispa. Chay iskay chunka tawayoj kurajkunataj pampakama k'umuykuspa, Corderota yupaycharqanku.

Apocalipsis 5:6

Jinapi noqaqa uj Corderota rikorqani, wañuchisqapis kanman karqa jinaman rijch'akojta. Payqa kamachina tiyanaj chawpinpi, chantá tawa kawsajkunaj chawpinkupi, kurajkunaj chawpinkupiwan sayasharqa. Paytaj qanchis wajrayoj, chantá qanchis ñawiyoj ima karqa. Chayqa Diospa qanchis jinamanta rejsichikoj Santo Espíritun, pitachus Dios tukuy kay pachaman kachamusqa, chay.

Apocalipsis 6:1

Chay qhepata qhawashajtillay, Corderoqa ñawpaj kaj sellota llik'erqa. Chantá noqa tawa kawsajkunamanta ujninta nejta uyarerqani, qhon qhonpis kanman jina jatunmanta parlajta: Chimpamuy, nispa.