Apocalipsis 5:13 - DIOSPA QHELQACHISQ

¹³ Jinallataj noqa tukuy ima ruwasqa kajta janaj pachapi, kay pachapi, jallp'a urapi, mama qochapi ima ajinata takejta uyarillarqanitaj: Kamachina tiyanapi tiyasqa kajman, Corderomanpis wiñay wiñaypaj kachun maypaj qhawasqa kay, jatunchasqa kay, tukuy atiy ima, nispa.

Qheshwa Biblia DC

¹³ Tukuy ima ruwasqa kajpata, janaj pachapi, jallp'a patapi, jallp'a urapi, mar qochapi, tukuy ima paykunapi kajkunata ima uyarerqani nejta: Tronopi tiyasqa kajman, Corderomampis yupaychay, allimpaj qhawasqa kay, janaj pachaj k'anchaynin, atiytaj wiñay wiñaypaj kachun.

DIOSPA QHELQACHISQAN DEUTEROCANONICAL

¹³ Jinallataj noqa tukuy ima ruwasqa kajta janaj pachapi, kay pachapi, jallp'a urapi, mama qochapi ima ajinata takejta uyarillarqanitaj: Kamachina tiyanapi tiyasqa kajman, Corderomanpis wiñay wiñaypaj kachun maypaj qhawasqa kay, jatunchasqa kay, tukuy atiy ima, nispa.

Quechua South Bolivia: Dios Parlapawanchej

¹³ Tucuy causashajcuna, janaj pachapi caj, cay pachapi caj, cay pachaj uranpi caj, kochaspi caj, tucuy chaycunapi cajcunatapis yupaychajta uyarerkani: —Atiyninwan camachinanpaj tiyananpi tiyaska cajman, Corderomanpis yupaychana cachun. May sumajpaj may jatunpaj khawaska, atiyniyojpis cachun, wiñaypa wiñayninpaj, —nispa.

Apocalipsis 5:13 ပူးပေါင်းရင်းမြစ်များ

1 Crónicas 29:11

Tata Dios, qanpatamin jatunchasqa kana, atiypis, sumaj kayniykej lliphipiyninpis, atipanapis, maypaj qhawana kaypis. Qanpatamin kay pachapi, janaj pachapi tukuy ima kajpis. Tata Dios, qanlla tukuyta kamachinapaj jina kanki, qanllataj tukuymanta aswan jatun atiyniyoj kanki.

Isaías 24:14

Chaywanpis chay ñak'ariymanta puchojkuna manchay kusiywan jatunmanta qhaparenqanku. Tata Diospa may jina jatun kayninta rikuspa, inti yaykuynejmantapacha takenqanku.

Isaías 42:10

Tata Diosman mosoj takiyta takiychej. Kay pachaj aswan karu k'uchunmantapacha payta yupaychaychej. Mama qochapi barcota purichejkuna, chay qochapi kawsajkuna ima payta yupaychaychej. Jinallataj mama qocha chawpipi kaj churukunapis, chaypi tiyakojkuna ima yupaychallaychejtaj.

San Mateo 6:13

Chantá juchallinaman tanqasqa kashajtiyku, ama kasojta saqewaykuchu, manachayqa jark'awayku Supayta kasunaykumanta. Kayta mañarikuyku, imaraykuchus qanmin Tukuyta Kamachej kanki, tukuy atiyniyojtaj, tukuypaj jatunchasqataj wiñay wiñaynintinpaj. Ajina kachun, nispa.

San Lucas 2:14

Janaj pachapi Dios jatunchasqa kachun, kay pachapitaj allinpi kawsay kachun, pikunawanchus Dios sonqo junt'asqa kashan, chaykunapaj, nispa.

San Juan 1:29

Q'ayantin, Bautizaj Juan Jesusta payman jamushajta rikuspa, nerqa: Kaymá Diospa Corderonqa, pichus runakunaj juchankuta pampachaj.

Romanos 11:36

Tukuy ima Diospa ruwasqanmin, paytaj chay tukuyta sayachin, jinataj tukuy imaqa paypajmin. Chayrayku pay wiñay wiñaynintinpaj jatunchasqa kachun. Ajina kachun.

Romanos 16:27

Uj k'ata Dios, tukuy imata yachaj, yachayniyojtaj wiñay wiñaynintinpaj Jesucristonejta yupaychasqa kachun. Ajina kachun.

Romanos 9:5

Jinallataj paykuna ñawpa tataykukunaj mirayninmanta kanku, chay miraymantataj Cristo jamorqa. Payqa tukuy ima kaj chhikata kamachej Dios, chayraykutaj wiñay wiñaypaj yupaychasqa kachun. Ajina kachun.

Efesios 3:21

Cristoj Iglesianmanta tukuy kajkuna, Cristoman ujchasqa kasqanchejrayku Diosta wiñay wiñaypaj yupaychana. Ajina kachun.

Filipenses 2:10

Ajinamanta Jesús Tukuyta Kamachej kasqanta rimarispa tukuy qonqorikonqanku, janaj pachapi kajkuna, kay pachapi kajkuna, chantá ukhu pachapi kajkunapis.

Colosenses 1:23

Chaywanpis chay ajina kananpaj Cristopi atinikuspa sinch'ita sayanaykichej tiyan. Jinallataj Jesusmanta sumaj willayta jap'ikusqaykichejrayku imatachus tukuy sonqo suyashankichej, chaymanta mana karunchakunaykichejchu tiyan. Chay sumaj willayqa tukuynejpi willasqa kashan, noqataj chay sumaj willaymanta willaranaypaj churasqa kani.

1 Timoteo 4:16

Qan imaynatachus purisqaykita allinta qhawakuy, jinallataj wajkunaman imatachus yachachisqaykitapis. Chantá imachus cheqan kajpi sinch'ita sayay qhespichisqa kasqaykej allinninpaj, jinallataj uyarisojkunapis qhespichisqa kanankupaj.

1 Pedro 4:11

Pichus Diospa nisqanmanta parlananpaj atiyta jap'ejqa Dios kikinpis paynejta parlashanman jina parlachun. Pichus wajkunata yanapananpaj atiyta jap'ejqa Dios kallpa qosqanman jina yanapachun, Jesucristonejta tukuy imapi Tata Dios jatunchasqa kananpaj. Chantá Jesucristopis tukuy atiyniyoj kasqanrayku wiñay wiñaynintinpaj jatunchasqallataj kachun. Ajina kachun.

1 Pedro 5:11

Paypaj kachun kamachina tukuy atiy wiñaypa wiñayninkama. Ajina kachun.

Judas 1:25

Tukuyta Kamachej Jesucristonchejnejta uj k'ata Qhespichej Dios jatunchasqa kachun, yupaychasqataj. Chantá pay wiñay wiñaynintinpaj jatun atiyniywan tukuy imapi kamachichun. Ajina kachun.

Apocalipsis 1:6

Chay jawa Cristoqa noqanchej kamachejkuna jina kamachinanchejta munarqa, chantá Tata Diosninta yupaychanapaj sacerdotekunata jina churawarqanchej. Chayrayku pay jatunchasqa kachun, chantá wiñay, wiñaynintinpaj paymin kamachichun. Ajina kachun.

Apocalipsis 13:8

Kay pachapi tukuy runataj chay waj sierpeta yupaycharqanku. Kay pacha manaraj ruwasqa kashajtin, pichus wañuchisqa kanan karqa, chay Corderoqa kawsay p'anqapi qhelqasqa, pikunachus wiñay kawsayniyoj kananku karqa, chay sutinkuta. Kay ujkunaj sutinkurí mana chay p'anqapi qhelqasqachu karqa.

Apocalipsis 5:1

Chantá noqa chay kamachina tiyanapi tiyasqa kajpa paña makinpi rikorqani uj k'uyusqa p'anqata. Chay k'uyusqa p'anqaqa ukhunpi jawanpi ima qhelqasqa karqa, qanchis sellowantaj sellasqa.

Apocalipsis 5:12

Tukuyninku jatunmanta parlaspa, nisharqanku: Pichus wañuchisqa karqa, chay Corderoqa tukuy atiyniyoj, may jina qhapaj, tukuy yachayniyoj, chantá sinch'i kallpayoj kasqanta tukuy rimarichunku. Chayrayku maypaj qhawasqa, jatunchasqa, yupaychasqataj ima kachun, nispa.

Apocalipsis 5:3

Chaywanpis mana pipis janaj pachapi, kay pachapi, nitaj jallp'a urapipis p'anqata kicharinanpaj jina karqachu chaypi qhelqasqata ñawirinanpaj.

Apocalipsis 5:6

Jinapi noqaqa uj Corderota rikorqani, wañuchisqapis kanman karqa jinaman rijch'akojta. Payqa kamachina tiyanaj chawpinpi, chantá tawa kawsajkunaj chawpinkupi, kurajkunaj chawpinkupiwan sayasharqa. Paytaj qanchis wajrayoj, chantá qanchis ñawiyoj ima karqa. Chayqa Diospa qanchis jinamanta rejsichikoj Santo Espíritun, pitachus Dios tukuy kay pachaman kachamusqa, chay.

Apocalipsis 5:9

Chantá paykuna uj mosoj takiyta takispa, nerqanku: Qanllamin chay k'uyusqa p'anqata jap'inaykipaj jina kanki, sellonkunatataj llik'inaykipaj, imaraykuchus qan wañuchisqa karqanki. Jinallataj qanmin cruzpi wañuspa yawar jich'asqaykiwan runakunata ranterqanki Diospata kanankupaj tukuy ayllumanta, tukuy imaymana rimayniyojta, tukuy imaymana rijch'aj runata, chantá tukuy suyumanta ima.

Apocalipsis 6:16

Chantá orqokunata, qaqatapis qhaparikorqanku: Pataykuman urmaykamuspa, pakaykuwayku jaqay kamachina tiyanapi tiyashaj Cordero ama rikunawaykupaj. Jinataj Corderoj k'araj phiñakuyninmanta pakallawaykutaj,