Apocalipsis 5:11 - DIOSPA QHELQACHISQ

¹¹ Chantá ujtawan qhawaspa, noqa kamachina tiyanaj muyuyninpi ashkha angelkunaj parlasqankuta uyarerqani, chay angelkunataj waranqa waranqa karqanku. Uyarillarqanitaj kawsajkunaj, chantá kurajkunaj parlasqankuta.

Qheshwa Biblia DC

¹¹ Chantá qhawarqani, uyarerqanitaj ashkha angelespa parlayninta, chay animalespatapis, kuraj runaspatapis tronoj muyuynimpi. Paykunaqa waranqa waranqa karqanku.

DIOSPA QHELQACHISQAN DEUTEROCANONICAL

¹¹ Chantá ujtawan qhawaspa, noqa kamachina tiyanaj muyuyninpi ashkha angelkunaj parlasqankuta uyarerqani, chay angelkunataj waranqa waranqa karqanku. Uyarillarqanitaj kawsajkunaj, chantá kurajkunaj parlasqankuta.

Quechua South Bolivia: Dios Parlapawanchej

¹¹ Ricorkani uyarerkanitaj may ashqha angelesta, jatun tiyanaj, chay causajcunaj, chay curajcunaj muyuyninpi. Paycunataj chunca waranka cutis chunca warankas, waranka cutis warankastaj carkancu.

Apocalipsis 5:11 ပူးပေါင်းရင်းမြစ်များ

1 Reyes 22:19

Chantá Micaías nillarqataj: Chayta nisqaykirayku Tata Diospa nisqanta uyariy ari: Noqaqa Tata Diosta rikorqani kamachinan tiyanapi tiyasqata, paña ladonpi, lloq'e ladonpiwan angelkunata ima.

Salmos 103:20

Angelkuna, Tata Diosta yupaychaychej, pikunachus atiyniyojkuna, kamachisqanta junt'ajkuna, chantá nisqanta usqhayllata kasojkuna ima kankichej.

Salmos 148:2

Qankuna tukuy angelninkuna, payta yupaychaychej. Janaj pachapi tukuy soldadokuna, payta jatunchaychej.

Salmos 68:17

17 (18) Diospa carretankunaqa yupay mana atina kanku, chay carretakunapitaj Tukuyta Kamachej Dios Sinaí orqonmanta yupaychana wasinman jamun.

Daniel (hebreo) 7:10

ñawpaqenmantataj uj nina mayu llojsisqa. Waranqa waranqa angelkuna munayninta ruwanankupaj wakichisqa kashasqanku, ñawpaqenpi sayashajkunataj mana yupay atina kasqanku. Chantá chay Juezqa juzgayta qallarinanpaj tiyaykusqa, qhelqakunataj kicharisqa kasqa.

Deuteronomio 33:2

Tata Diosqa Sinaimanta jamorqa. Seirmantapacha k'anchamorqa, Parán orqomantataj lliphipimorqa. Cades Meribamantapacha jamushan, paña makinpi kamachisqankunata ninata jina aparisqa. Waranqa waranqa ajllasqakunawan ima jamushan.

Hebreos 12:22

Qankunatajrí Sión orqoman, jinataj kawsaj Diospa llajtanman qayllaykunkichej. Chay llajtaqa janaj pachapi kaj Jerusalén, chaypitaj mana yupay atina angelkuna Diosta yupaychashanku.

Judas 1:14

Adanmantapacha qanchis kaj runa Enocqa chay jina runakunamanta kay jinata sut'incharqa: Tata Diosta waranqa waranqa angelninkunawan jamushajta rikorqani

Apocalipsis 19:6

Jinallataj ashkha runaj parlasqanta jina uyarillarqanitaj, ashkha yakoj phajchasqanta jina, chantá ashkha qhon qhonkunaj manchay sinch'i t'ojyasqanta jina. Paykunataj nisharqanku: Tata Dios jatunchasqa kachun, imaraykuchus Tukuyta Kamachej, Tukuy Atiyniyoj Diosninchej kamachishanña.

Apocalipsis 4:4

Rikullarqanitaj chay kamachina tiyanaj muyuyninpi iskay chunka tawayoj kamachina tiyanakunata. Chaykunapitaj iskay chunka tawayoj kuraj runakuna tiyasharqanku. Paykuna yuraj p'achayoj, chantá umankupi qori pilluyoj karqanku.

Apocalipsis 4:6

Kamachina tiyanaj ñawpaqenpitaj vidriomanta mama qocha jina cristalman rijch'akoj karqa. Kamachina tiyanaj chawpinpi, chantá muyuyninpi ima tawa kawsajkuna karqanku. Paykuna ñawpaqenkupi, qhepankupipis ashkha ñawiyoj karqanku.

Apocalipsis 5:14

Tawantin kawsajkunataj kuticherqanku: Ajina kachun, nispa. Chay iskay chunka tawayoj kurajkunataj pampakama k'umuykuspa, Corderota yupaycharqanku.

Apocalipsis 5:6

Jinapi noqaqa uj Corderota rikorqani, wañuchisqapis kanman karqa jinaman rijch'akojta. Payqa kamachina tiyanaj chawpinpi, chantá tawa kawsajkunaj chawpinkupi, kurajkunaj chawpinkupiwan sayasharqa. Paytaj qanchis wajrayoj, chantá qanchis ñawiyoj ima karqa. Chayqa Diospa qanchis jinamanta rejsichikoj Santo Espíritun, pitachus Dios tukuy kay pachaman kachamusqa, chay.

Apocalipsis 5:8

P'anqata jap'isqantawantaj, chay tawa kawsajkuna, chantá chay iskay chunka tawayoj kurajkuna ima Corderoj ñawpaqenpi pampakama k'umuykorqanku. Sapa ujninku arpata jap'isharqanku, chantá qorimanta copapi inciensowan junt'asqata. Copapi inciensoqa Diospa ajllakusqanpa mañakusqankuwan ninakorqa.

Apocalipsis 7:11

Chantá tukuy angelkuna kamachina tiyanaj muyuyninpi sayasharqanku, kurajkunaj, chantá tawa kawsajkunaj muyuyninpi ima. Jinallataj kamachina tiyanaj ñawpaqenpi pampakama k'umuykuspa, Diosta yupaycharqanku.

Apocalipsis 9:16

Chantá uyarerqani Abadonpa caballokunapi purej soldadonkukunaqa 200.000.000 kasqankuta.