Apocalipsis 3:7 - DIOSPA QHELQACHISQ

⁷ Filadelfia llajtapi iglesiaj angelninman kay nisqayta qhelqay: Kay jinata nin May Llimphu Kaj, Cheqa Kaj, pichus kuraj kamachej Davidpa llaventa jap'in, chay. Pay punkuta kicharejtin, mana pipis wisq'ayta atinchu, punkuta wisq'ajtintaj, mana pipis kichariyta atinchu.

Qheshwa Biblia DC

⁷ Filadelfia iglesiaj angelninman escribiy: Kayta nin llimphu kaj, cheqa kaj, pichus Davidpa llaventa jap'in, chay. Pay punkuta kichajtin mana pipis wisq'ayta atinchu. Punkuta wisq'ajtintaj, mana pipis kichayta atinchu. Chaymin kayta nin:

DIOSPA QHELQACHISQAN DEUTEROCANONICAL

⁷ Filadelfia llajtapi iglesiaj angelninman kay nisqayta qhelqay: Kay jinata nin May Llimphu Kaj, Cheqa Kaj, pichus kuraj kamachej Davidpa llaventa jap'in, chay. Pay punkuta kicharejtin, mana pipis wisq'ayta atinchu, punkuta wisq'ajtintaj, mana pipis kichariyta atinchu.

Quechua South Bolivia: Dios Parlapawanchej

⁷ ‘Filadelfiapi iglesia tantacojcunaj willajnincuman kelkay: Noka cani cheka caj, Diospa ajllaskan caj. [Imaynatachus Davidka llajtanpa llaventa jap'erka, ajinallatataj nokapis Diospa mosoj llajtanpa] llaventa jap'iniña. Quichariskayman yaycojtaka ni pi jarc'ayta atinchu. Wisk'askaymantaj ni pi yaycuyta atinchu. Nishayquitaj:

Apocalipsis 3:7 ပူးပေါင်းရင်းမြစ်များ

Job 11:10

Sichus Dios jamuspa jap'isunkiman, chantá juzgasunanpaj wajyasunkiman chayqa, pitaj payta jark'ayta atinmanri?

Job 12:14

Diospa thuñisqantaqa ni pipis watej sayarichiyta atinchu. Sichus Dios pitapis jap'in chayqa, mana pipis kacharichiyta atinchu.

Salmos 145:17

Tata Dios tukuy imata cheqanta ruwan, chay ruwasqantaj k'acha sonqowan ruwasqa.

Salmos 16:10

Qanqa jallp'aj sonqonpi mana saqerpariwankichu, nitaj pichus kasusojpa ukhun asnapunantapis.

Salmos 89:18

18 (19) Tata Diosqa jark'akuwajninchej. Israelpa Llimphu Kaj Diosnin, qan kuraj kamachejniyku kanki.

Isaías 22:22

Davidpa wasinta kicharina llavetapis kunkanman warkhuykusaj. Pay kicharejtin, ni pipis wisq'ayta atenqachu, wisq'ajtintaj, nillataj pipis kichariyta atenqachu.

Isaías 30:11

Ñanmanta t'aqakuychej, cheqan chaki ñantataj saqeychej. Israelpa May Llimphu Kaj Diosninwan amaña uyapurachiwaykuchu, nispa ninku paykunaqa.

Isaías 41:14

Jacob ayllu, khuritu jinalla kanki, qanqa Israel pisi runakunayoj kanki. Chaywanpis ama manchachikuychu, imaraykuchus noqamin yanapasqayki. Noqa Tata Dios pagowan kacharichisoj Dios kani, Israelpa May Llimphu Kaj Diosnintaj.

Isaías 41:16

Chaykunata wayrachinki, wayrataj apakaponqa, sinch'i muyoj wayra kayman jaqayman t'akaranqa. Qantajrí Tata Diosniykimanta kusikunki. Israel, May Llimphu Kaj Diosniykirayku may kusisqa kanki.

Isaías 41:20

Chayta ruwasaj tukuy runaj rikunanta, allinta reparaspa umachakunankupaj. Paykuna yachanqanku noqa Tata Dios jatun atiyniywan chaykunata ruwasqayta. Yachallanqankutaj noqa, Israelpa May Llimphu Kaj Diosnin chay imakunata rikhurichisqayta, nispa.

Isaías 47:4

Tukuy Atiyniyoj Tata Diosqa qhespichiwajninchej. Israelpa May Llimphu Kaj Diosnenqa kay jinata nin:

Isaías 48:17

Israelpa May Llimphu Kaj Diosnin, pagota qospa kacharichisoj Tata Dios ajinata nin: Noqamin Tata Diosniyki kani. Noqa yachachiyki imachus qanpaj allin kasqanta, jinataj may ñantachus purinaykita rikuchiyki.

Isaías 49:7

Israelpa May Llimphu Kaj Diosnin, qhespichej Tata Dios kay jinata nin pisipaj qhawasqa kajman, waj llajtakunaj chejnikusqankuman, ñak'arichejkunaj wata runanman ima: Kuraj kamachejkuna, kurajkuna ima qanta rikususpa, sayarikonqanku. Qanman k'umuykukonqanku, Israelpa May Llimphu Kaj Diosnin Tata Diosrayku, pichus nisqanta junt'anpuni, pitajchus ajllakusorqa, payrayku, nispa.

Isaías 54:5

Pichus qanta ruwasorqa, chaymin qanpa qosaykeqa, sutintaj Tukuy Atiyniyoj Tata Dios. Israelpa May Llimphu Kaj Diosninmin pagota qospa kacharichisojniykeqa. Payqa tukuy kay pachaj Diosnin.

Isaías 55:5

Qanpis mana rejsisqa suyukunata wajyallankitaj. Qanta mana rejsisoj suyukuna usqhayta qanman jamusonqanku Tata Diosniykirayku, Israelpa May Llimphu Kaj Diosnin qanta pataman oqharisusqanraykutaj, nispa.

Isaías 6:3

Chantá purajmanta ninakusharqanku: Tukuy Atiyniyoj may llimphu, llimphu, llimphu Tata Diosqa. Tukuy kay pacha jatun kayninpa lliphipiyninwan junt'a kashan, nispa.

San Mateo 16:19

Noqataj qanman qosqayki Diospa janaj pacha kamachiyninman yaykunapaj llavekunata. Imatachus kay pachapi mana ruwanachu nispa ninki chayqa, janaj pachapipis chay nisqayki jinallataj kanqa. Imatachus kay pachapi ruwana walejlla nispa ninki chayqa, janaj pachapipis nisqaykiman jinallataj kanqa, nispa.

San Mateo 24:35

Janajpis, kay pachapis tukukaponqanku. Chaywanpis nisqayqa mana jayk'ajpis pasanqachu, manachayqa junt'akonqapuni.

Marcos 1:24

Nazaretmanta Jesús, ima nispa noqaykuwan jap'inakoj jamunkiri? Noqaykuta tukuchejchu jamunki? Noqa yachani pichus kasqaykita. Qanqa Diospa May Llimphu Kaj Ajllakusqan kanki, nispa.

San Lucas 1:32

Pay allin rejsisqa kanqa, paytataj, Patapi Kaj Diospa Churin, nispa sutichanqanku. Tukuyta Kamachej Diostaj ñawpa tatan Davidpa kamachinan tiyanata payman qonqa.

San Lucas 4:34

Saqewayku ari. Nazaretmanta Jesús, ima nispa noqaykuwan jap'inakoj jamunki? Noqaykuta chinkachejchu jamunki? Noqa yachani pichus kasqaykita: Qanqa Diospa May Llimphu Ajllakusqan kanki, nispa.

San Juan 14:6

Chantá Jesús kuticherqa: Noqa ñan kani, cheqa kajtaj, kawsaytaj. Mana pipis Tata Diosman chayayta atinchu, mana noqanejta rispaqa.

Hechos 3:14

Aswanpis qankunaqa mana juchayoj cheqan kajta ruwajta qhesacharqankichej, cuentanmantataj uj runa wañuchi kacharisqa kananta mañarqankichej.

1 Juan 5:20

Yachallanchejtaj Diospa Churin jamuspa yuyayta, yachayta ima qowasqanchejta, cheqa kaj Diosman kutirikunanchejpaj. Kunantaj cheqa kaj Dioswan ujchasqa kawsashanchej, imajtinchus Churin Jesucristowan ujchasqa kawsashanchej. Paymin uj k'ata Diosqa, payllataj wiñay kawsayta qon.

Apocalipsis 1:11

Chantá kay jinata niwarqa: Imatachus rikusqaykita uj p'anqaman qhelqaykuy, chaytataj Asiapi kaj kay qanchis llajtakunapi iglesiaman apachiy: Efesoman, Esmirnaman, Pergamoman, Tiatiraman, Sardisman, Filadelfiaman, Laodiceaman ima, nispa.

Apocalipsis 1:18

chantá pichus kawsaj. Wañusqa karqani, kunantajrí wiñay wiñaypaj kawsashani. Noqallataj runakunata wañusqamanta kawsarichinaypaj atiyniyoj kani, jinallataj ukhu pachaj llaventawan jap'ishani.

Apocalipsis 1:5

Jesucristoqa cheqanta willaj testigomin. Paymin wañusqamanta ñawpajta kawsarimporqa, payllataj kay pachapi tukuy kuraj kamachejkunata kamachin. Jesucristo munakuwarqanchej, jinataj wañuspa yawar jich'asqannejta juchanchejta pampacharqa.

Apocalipsis 15:3

Jinapi paykuna Diospa kamachin Moisespa takiyninta, chantá Corderoj takiyninta ima takisharqanku: Tukuyta Kamachej, Tukuy Atiyniyoj Dios, ruwasqaykeqa ancha jatun, t'ukunapajtaj. Tukuy imatachus ruwasqaykeqa cheqanmin, cheqataj. Qanqa tukuy suyuta Kamachejmin kanki.

Apocalipsis 16:7

Chantá noqa altarmanta ajinata nejta uyarillarqanitaj: Arí, Tukuyta Kamachej, Tukuy Atiyniyoj Dios, qanqa cheqan kasqaykiman jina, chantá cheqa kajman jina juzganki, nispa.

Apocalipsis 19:11

Chaypacha, noqa janaj pachata kicharisqata rikorqani. Uj runa yuraj caballopi lloq'asqa kasharqa, sutintaj karqa Nisqanta Junt'aj Kaj, chantá Cheqa Kaj ima, imaraykuchus payqa justiciata ruwan, chantá cheqa kajta ruwaspa maqanakun.

Apocalipsis 19:2

Diospa justicia ruwasqanqa cheqan, cheqataj. Chayrayku chay manchay uyarisqa phisu warmita juchacharqa, pichus khuchichakusqanwan kay pachata pierdecherqa, chayta. Diosqa kamachinkunata wañuchisqanmanta chay warmiwan pagachikorqa, nispa.

Apocalipsis 2:1

Chantá pay niwarqa: Éfeso llajtapi iglesiaj angelninman kay nisqayta qhelqay: Pichus paña makinpi qanchis ch'askakunata jap'ej, chantá qanchis qorimanta lamparakunaj chawpinpi purej kay jinata nisunki:

Apocalipsis 21:5

Chantá kamachina tiyanapi tiyasqa kaj nerqa: Noqa tukuy imata mosojyachini, nispa. Nillarqataj: Kayta qhelqay, imaraykuchus kay simi nisqaqa maychus kajpuni, cheqataj, nispa.

Apocalipsis 3:14

Laodicea llajtapi iglesiaj angelninman kay nisqayta qhelqay: Ajina kachun nej, cheqanta willaj, mana llullakoj testigo, pinejtachus Dios tukuy imata qallariypi ruwarqa, chay nisunki:

Apocalipsis 4:8

Chay tawantin kawsajkunaqa sapa ujninku sojta lijrayoj karqanku, lijrankunataj patanpi ukhunpi ashkha ñawiwan junt'a karqa. Chantá tuta p'unchay mana sayk'uspa, nisharqanku: May llimphu, may llimphu, may llimphupuni Tukuy Atiyniyoj Diosqa, pichus karqapuni, kashantaj, jamonqataj, chay, nispa.

Apocalipsis 5:9

Chantá paykuna uj mosoj takiyta takispa, nerqanku: Qanllamin chay k'uyusqa p'anqata jap'inaykipaj jina kanki, sellonkunatataj llik'inaykipaj, imaraykuchus qan wañuchisqa karqanki. Jinallataj qanmin cruzpi wañuspa yawar jich'asqaykiwan runakunata ranterqanki Diospata kanankupaj tukuy ayllumanta, tukuy imaymana rimayniyojta, tukuy imaymana rijch'aj runata, chantá tukuy suyumanta ima.

Apocalipsis 6:10

Chantá paykuna jatunmanta qhaparispa, nerqanku: Tukuyta Kamachej Jesús, may llimphu kaj, cheqa kajtaj, jayk'ajkamataj kay pachapi tiyakojkunata mana juzgankichu, nitaj wañuchiwasqaykumanta vengakunkichuri? nispa.