Apocalipsis 3:14 - DIOSPA QHELQACHISQ

¹⁴ Laodicea llajtapi iglesiaj angelninman kay nisqayta qhelqay: Ajina kachun nej, cheqanta willaj, mana llullakoj testigo, pinejtachus Dios tukuy imata qallariypi ruwarqa, chay nisunki:

Qheshwa Biblia DC

¹⁴ Laodicea iglesiaj angelninman escribiy: Kayta nin Amén nisqa, allinta junt'aj, cheqa kajtaj, pichus tukuy ima Diospa ruwasqasninmanta qallariynin, chay:

DIOSPA QHELQACHISQAN DEUTEROCANONICAL

¹⁴ Laodicea llajtapi iglesiaj angelninman kay nisqayta qhelqay: Ajina kachun nej, cheqanta willaj, mana llullakoj testigo, pinejtachus Dios tukuy imata qallariypi ruwarqa, chay nisunki:

Quechua South Bolivia: Dios Parlapawanchej

¹⁴ ‘Laodiceapi iglesia tantacojcunaj willajnincuman kelkay: Noka Diospa niskanta junt'aj caj, cheka caj chekata willaj. Diospa ruwaskasninpa kallaricuynin cajpis nishayqui:

Apocalipsis 3:14 ပူးပေါင်းရင်းမြစ်များ

Génesis 49:3

Rubén, qan kuraj kaj waway kanki. Qan kuraj kaj churiy kanki, kallpaypi kashaspa yumasqay. Maypaj qhawasqa kanapi, atiypipis ñawpajllapipuni karqanki.

Proverbios 14:5

Cheqan testigoqa manapuni llullakunchu. Llulla testigorí imata parlaspapis llullakun.

Proverbios 8:22

Tata Dios kay pachata ruwayta qallarishaspa, noqataraj ñawpajta ruwawarqa, manaraj tukuy imatapis ruwashaspa.

Isaías 55:4

Noqa Davidta tukuy suyupaj testigo kananpaj churarqani, chantá kuraj kamachej jina paykunaman yachachinanpaj.

Isaías 65:16

Pipis kay suyupi wajta saminchayta munajqa noqa cheqa kaj Diospa sutinpi payta saminchanqa. Pichus tiluyta munajqa noqa cheqa kaj Diospa sutinrayku tilonqa. Qallariymantapacha ima llakiykunachus karqa, chaykuna qonqasqa kanqanku, manataj ujtawan rikunaypaj pakasqa kanqa.

Jeremías 42:5

Chaypacha paykuna Jeremiasta nerqanku: Sichus Tata Diosniyki noqaykuman qannejta imatachus nisqanta mana junt'aykumanchu chayqa, Tukuyta Kamachej Tata Diosniyki noqaykoj contraykupi cheqanta parlaj testigo kachun.

San Juan 1:3

Diostaj tukuy imata paynejta ruwarqa, ruwasqa kajmantataj mana paywanqa mana imapis ruwasqachu karqa.

San Juan 8:14

Jesustajrí paykunata kuticherqa: Noqa kikiymanta willasqayqa cheqapuni, imaraykuchus noqaqa maymantachus jamusqayta yachani, maymantajchus rishasqaytapis. Qankunarí mana chayta yachankichejchu.

2 Corintios 1:20

Jinapi Cristo Jesusnejta imatachus Dios qonawanchejta nisqanta, arí nispa, nisqanta junt'an. Chayrayku Jesucristonejta Diosta jatunchaspa, noqanchej ninchej: Ajina kachun, nispa.

Deuteronomio 21:17

Chejnisqa warmej churintapuni kuraj kaj churinpaj qhawanan tiyan, tukuy kapuyninmantataj payman iskay jinatawan qonan tiyan. Chay churenqa ñawpaj kaj yumasqan kasqanrayku, kuraj kaj chayaqeta jap'inan kashan, chaytapuni jap'inan tiyan.

Colosenses 1:15

Cristoqa mana rikukoj Dios imaynachus, ajinallataj. Chaytataj runaman rejsicherqa. Payqa manaraj Dios tukuy imata ruwashajtin, karqañapuni.

Colosenses 1:18

Payllataj Iglesiaj uman jina, Iglesiataj ukhunmin. Paymin tukuy imaj qallariynin, payllataj wañusqakunamanta ñawpaj kaj kawsarimpoj, tukuy kaj chhika patapi kananpaj.

Colosenses 2:1

Noqa yachanaykichejta munani qankunarayku may jinatachus kallpakuspa llank'ashasqayta, jinallatataj Laodiceapi kajkunarayku, chantá noqata manaraj rejsiwajkunaraykupis.

Colosenses 4:16

Chantá qankuna kay cartata ñawirispa, Laodiceaman apachiychej, paykunapis ñawirinankupaj. Laodiceapi kajkunaman apachisqay cartata apachimojtinkutaj, qankunapis ñawirillaychejtaj.

Apocalipsis 1:11

Chantá kay jinata niwarqa: Imatachus rikusqaykita uj p'anqaman qhelqaykuy, chaytataj Asiapi kaj kay qanchis llajtakunapi iglesiaman apachiy: Efesoman, Esmirnaman, Pergamoman, Tiatiraman, Sardisman, Filadelfiaman, Laodiceaman ima, nispa.

Apocalipsis 1:5

Jesucristoqa cheqanta willaj testigomin. Paymin wañusqamanta ñawpajta kawsarimporqa, payllataj kay pachapi tukuy kuraj kamachejkunata kamachin. Jesucristo munakuwarqanchej, jinataj wañuspa yawar jich'asqannejta juchanchejta pampacharqa.

Apocalipsis 19:11

Chaypacha, noqa janaj pachata kicharisqata rikorqani. Uj runa yuraj caballopi lloq'asqa kasharqa, sutintaj karqa Nisqanta Junt'aj Kaj, chantá Cheqa Kaj ima, imaraykuchus payqa justiciata ruwan, chantá cheqa kajta ruwaspa maqanakun.

Apocalipsis 2:1

Chantá pay niwarqa: Éfeso llajtapi iglesiaj angelninman kay nisqayta qhelqay: Pichus paña makinpi qanchis ch'askakunata jap'ej, chantá qanchis qorimanta lamparakunaj chawpinpi purej kay jinata nisunki:

Apocalipsis 21:6

Nillawarqataj: Noqa Tukuy Imaj Qallariynin, Tukukuynintaj kani. Tukuy ima ruwasqaña. Noqataj ch'akichikojmanqa kawsachej yaku juturimanta yakuta qhasilla ujyachisaj.

Apocalipsis 22:13

Noqa Tukuy Imaj Qallariynin, Tukukuynintaj kani, jinallataj Ñawpaj Kaj, Qhepa Kaj ima.

Apocalipsis 22:6

Chantá chay ángel niwarqa: Kay tukuy imata uyarisqayki, chantá rikusqayki imaqa jap'ikunapaj jina kanku. Tukuyta Kamachej Dios, pichus paymanta sut'inchajkunata yuyaychan chay, angelninta kamachinkunaman kachamun, chaykuna usqhayta junt'akunanmanta yachayta qonanpaj.

Apocalipsis 3:7

Filadelfia llajtapi iglesiaj angelninman kay nisqayta qhelqay: Kay jinata nin May Llimphu Kaj, Cheqa Kaj, pichus kuraj kamachej Davidpa llaventa jap'in, chay. Pay punkuta kicharejtin, mana pipis wisq'ayta atinchu, punkuta wisq'ajtintaj, mana pipis kichariyta atinchu.