Apocalipsis 21:23 - DIOSPA QHELQACHISQ

²³ Llajtataqa mana intichu k'anchanan karqa, nitaj killachu, imaraykuchus Diospa jatun kayninpa lliphipiynin k'anchan, chay k'anchajtaj Cordero.

Qheshwa Biblia DC

²³ Llajtaqa mana necesitanchu intita, nitaj killatapis chaypi k'anchanampaj. Diospa k'anchaynin llajtata k'anchaykun, k'anchanantaj Cordero.

DIOSPA QHELQACHISQAN DEUTEROCANONICAL

²³ Llajtataqa mana intichu k'anchanan karqa, nitaj killachu, imaraykuchus Diospa jatun kayninpa lliphipiynin k'anchan, chay k'anchajtaj Cordero.

Quechua South Bolivia: Dios Parlapawanchej

²³ Diospa cheka caynenka llajtata c'ancharka, Corderopis c'anchaynin carka. Chayraycu manaña tiyarkachu ni inti nitaj quilla.

Apocalipsis 21:23 ပူးပေါင်းရင်းမြစ်များ

Salmos 84:11

11 (12) Tata Dios k'anchawanchej, waqaychawanchejtaj. Payqa mana k'amina kawsajkunata munakun, jatunchantaj, tukuy ima allin kajtataj paykunaman qon.

Isaías 2:10

Israelitakuna, chhanka jusk'uman chinkaykuychej. Tata Diospa manchana jina kayninmanta pakakuychej, jatun kayninpa lliphipiyninmantawan.

Isaías 2:19

Chaypacha tukuy runakuna chhanka jusk'ukunaman ayqekonqanku. Jinallataj jallp'aj lajrakusqanman chinkaykonqanku, Tata Diospa k'araj phiñakuyninmanta, jatun kayninpa lliphipiyninmantawan ayqespa, maypachachus pay kay pachata jasut'ej jamonqa, chaypacha.

Isaías 2:21

Paykuna qaqa jusk'ukunaman, chhanka jusk'ukunaman ima sat'ikonqanku, Tata Diospa k'araj phiñakuyninmanta, jatun kayninpa lliphipiyninmanta ima pakakuspa, maypachachus Tata Dios kay pachata jasut'ej jamonqa, chaypacha.

Isaías 24:23

Jerusalenpi, jinataj Sión orqopi Tukuy Atiyniyoj Tata Dios kamachiyta qallarejtin, intiwan, killawan p'enqakuspa laqhayaykonqanku. Chay llajtamanta kurajkunataj Tata Diospa jatun kayninpa lliphipiyninta rikonqanku.

Isaías 30:26

Chaypacha killaj k'anchaynenqa intej k'anchaynin jina kanqa. Inteqa k'anchasqanmanta qanchis jinatawan jina k'anchanqa, qanchis intikunapis ujllapi k'anchamushanman jina. Chaypachallataj Tata Diosqa ayllunpa k'irisqanta jampenqa, mayqenkunatachus payllataj k'iriykorqa, chayta.

Habacuc 3:3

Diosqa Temán chaynejmanta jamun. Parán orqomanta May Llimphu Kaj Dios jamushan. Jatun kayninpa lliphipiynenqa kay pachaman junt'aykun, kay pachapis payta jatunchaywan junt'a kashan.

San Mateo 16:27

Aswan qhepaman Runaj Churenqa Tatanpa jatun kayninpa lliphipiyninpi jamonqa, angelninkunawan khuska. Chaypachataj pay sapa ujman ruwasqanman jina qoponqa.

Marcos 8:38

Sichus pipis noqamanta chantá nisqaymantawan kay khuchichakoj juchasapakunaj ñawpaqenkupi p'enqakun chayqa, noqa Runaj Churinpis chay runamanta p'enqakullasajtaj, maypachachus Tata Diosniypa jatun kayninpa lliphipiyninpi, ajllasqa angelninkunawan kutimusaj, chaypacha, nispa.

San Lucas 2:32

Payqa tukuy suyupi kajkunaman k'anchanqa, jinallataj Israel aylluyki jatunchasqa kananpaj kanqa, nispa.

San Juan 1:14

Chay Simi Nisqaqa runaman tukorqa, jinataj noqayku ukhupi tiyakorqa. Chantá noqayku jatun kayninpa lliphipiyninta rikorqayku, chaytaj Tata Diospa uj k'ata Churin jatun kayninpa lliphipiynin karqa. Paypitaj munakuywan, chantá cheqa kajwan ima may jinapuni karqa.

San Juan 1:18

Mana pipis Diosta jayk'ajpis rikorqachu. Chaywanpis uj k'ata Churin, pichus Diosmin, pitajchus Tata Dioswan ujchasqa kawsan, paymin Tata Diosta rejsichiwanchej.

San Juan 1:4

Simi Nisqa sutiyojtaj tukuy ima ruwasqa kajman kawsayta qorqa, chay kawsaynintaj k'anchay jina runakunaman Diosmanta sut'ita rikuchin.

San Juan 1:9

Cheqa k'anchayrí tukuy runaman k'anchananpaj kay pachaman jamusharqa.

San Juan 17:24

Tatáy, munani qowasqayki kajkuna, maypichus noqa kasaj, chaypi noqawan kanankuta. Chaypacha qowasqayki jatun kayniypa lliphipiyninta rikuyta atenqanku, imaraykuchus manaraj kay pacha ruwasqa kashajtin, qan munakuwarqanki.

San Juan 5:23

Ajinamanta tukuy runakuna Churinta maypaj qhawanqanku, imaynatachus Tata Diosta maypaj qhawanku, ajinata. Pillapis Diospa Churinta mana maypaj qhawajrí nillataj kachamoj Tatantapis maypaj qhawanchu.

Hechos 22:11

Chay k'anchayqa ñawsayachiwarqa. Chayrayku noqawan rejkuna makiymanta aysarispa, Damasco llajtaman pusaykuwarqanku.

Apocalipsis 14:4

Paykunaqa mana jayk'aj warmikunawan puñuykorqankuchu, jinallataj Corderoj qhepanta rej kanku mayllamanpis rejtin. Jinallataj paykunaqa runakuna ukhumanta rantisqa karqanku Diospaj, Corderopaj ima ñawpaj kaj jaywana jina kanankupaj.

Apocalipsis 18:1

Chay qhepata noqa waj angelta rikorqani janaj pachamanta urayk'amushajta. Payqa manchay atiyniyoj karqa, kay pachataj paypa k'anchasqanwan lliphiperqa.

Apocalipsis 21:11

Mosoj Jerusalén llajtaqa Diospa jatun kayninpa k'anchayninwan lliphipisharqa, lliphipisqantaj sumaj k'achitu jaspe nisqa rumiman rijch'akorqa. Chaytaj cristal jina sut'i karqa.

Apocalipsis 21:25

Jinallataj chay llajtaj punkunkuna sapa p'unchay kicharisqallapuni kanqanku, imaraykuchus manaña tuta kanqachu.

Apocalipsis 22:5

Chaypi tutaqa manaña kanqachu. Manataj lamparaj k'anchananqa kanqañachu, nitaj inti k'anchananpis, imaraykuchus Dios, pichus Tukuyta Kamachej Kajqa paykunata k'anchanqa. Chantá Diospa kamachinkuna wiñaypa wiñaynintinpaj kamachenqanku.

Apocalipsis 5:6

Jinapi noqaqa uj Corderota rikorqani, wañuchisqapis kanman karqa jinaman rijch'akojta. Payqa kamachina tiyanaj chawpinpi, chantá tawa kawsajkunaj chawpinkupi, kurajkunaj chawpinkupiwan sayasharqa. Paytaj qanchis wajrayoj, chantá qanchis ñawiyoj ima karqa. Chayqa Diospa qanchis jinamanta rejsichikoj Santo Espíritun, pitachus Dios tukuy kay pachaman kachamusqa, chay.

Apocalipsis 7:17

Kamachina tiyanapi tiyashaj Corderoqa paykunata michenqa, kawsayta qoj yaku juturinkunamantaj pusanqa. Diostaj paykunaj ñawinkumanta waqasqankuta pichanqa, nispa.