Apocalipsis 21:2 - DIOSPA QHELQACHISQ

² Rikullarqanitaj Diospa wakichisqan llimphu kaj llajta mosoj Jerusalenta. Chay llajtaqa janaj pachamanta urayk'amusharqa casarakoj sipas jina parlakusqan qhariwan casarakunanpaj k'achanchasqata.

Qheshwa Biblia DC

² Noqa Juanqa ajllasqa llimphu llajtata rikorqani, mosoj Jerusalenta, janaj pachamanta uraykamushajta, Diosmanta novia jina wakichisqata, qosampaj k'achanchasqatataj.

DIOSPA QHELQACHISQAN DEUTEROCANONICAL

² Rikullarqanitaj Diospa wakichisqan llimphu kaj llajta mosoj Jerusalenta. Chay llajtaqa janaj pachamanta urayk'amusharqa casarakoj sipas jina parlakusqan qhariwan casarakunanpaj k'achanchasqata.

Quechua South Bolivia: Dios Parlapawanchej

² Ricorkanitaj Diospa mosoj santa llajtan Jerusalenta janaj pachamanta uraycamushajta. Novionpaj c'achachaska noviajina waquichiska carka.

Apocalipsis 21:2 ပူးပေါင်းရင်းမြစ်များ

Salmos 87:3

Diospa llajtan, ima sumajta qanmanta parlanku.

Isaías 1:21

Unay Jerusalenqa noqata kasuwaj llajta karqa, kunantaj phisu warmiman jina tukun. Ñawpajtaqa justiciatawan, chantá cheqanta ruwaj runakunawan junt'a karqa. Kunanrí mana juchayoj kajta wañuchejkunawan junt'a kashan.

Isaías 52:1

Sión llajta, rijch'ariy, rijch'arikuy, kallpachakuytaj. Diospa ajllakusqan Jerusalén llajta, sumaj k'achitu p'achaykita churakullayña, imaraykuchus millayta ruwajkuna, Tata Diosta mana manchachikojkuna ima punkuykinejta manaña yaykumusonqankuchu.

Isaías 54:5

Pichus qanta ruwasorqa, chaymin qanpa qosaykeqa, sutintaj Tukuy Atiyniyoj Tata Dios. Israelpa May Llimphu Kaj Diosninmin pagota qospa kacharichisojniykeqa. Payqa tukuy kay pachaj Diosnin.

Isaías 61:10

Noqaqa Tata Diospa ruwasqanpi mayta kusikuni. Diosniy yanapawasqanmanta sinch'itapuni kusikuni, imaraykuchus payqa qhespichiwan, cheqan kayninwantaj qhataykuwan. Imaynatachus casarakoj wayna sumajta p'achallikun, casarakoj sipastaj jaluchunwan sumajta k'achanchakun, ajinata noqapis Tata Diospa ruwasqanpi kusikuni.

Isaías 62:4

Manaña jayk'ajpis “Saqerpayasqa Llajta”, nispa nisonqankuchu, suyuykipis manaña “Ch'in Jallp'a” nisqachu kanqa. Manachayqa Tata Dios “Kusikunay Llajta”, nispa sutichasonqa, jallp'aykitataj “Warmisitáy”, nispa nenqa, imaraykuchus Tata Diosqa qanwan may kusisqa kanqa, paytaj suyuykipaj qosayki jina kanqa.

Jeremías 31:23

Israelpa Tukuy Atiyniyoj Tata Diosnin kayta nin: Waj suyuman apasqa kasqankumanta paykunata kutichimojtiy, Judá suyu ujtawan paykunaj jallp'ankupi, llajtankupi ima tiyakonqankuña. Chantá nenqanku: Tata Dios saminchachun Diospaj t'aqasqa llajtata, jinallataj Diospa Templonta, maypichus justicia ruwakun, chayta, nispa.

San Juan 3:29

Noqaqa casarakoj qharejpa kawsaqen jina kani. Casarakupi noviayojqa qharilla jinataj casarakoj qharej kawsaqen paypa parlasqanta uyarispa, paywan khuska kusikun. Ajinata noqapis Jesuspa ruwasqanmanta kusikushani.

2 Corintios 11:2

Qankunamanta celosakusqayqa Tata Diosmanta. Qankunaqa qharej mana chayasqan sipas jina kankichej, noqataj uj qharillawan casaranaykichejpaj parlacherqaykichej, chaytaj Cristo.

Hebreos 11:10

Jinaqa Abraham tukuy sonqo suyasharqa sumaj churasqa cimientoyoj llajtaman chayananta. Chay llajtata Diosmin wakicherqa, sayaricherqataj.

Hebreos 11:16

Chaywanpis, paykuna aswan sumaj llajtata moq'erisharqanku, mayqenchus janaj pachapi kashan, chayta. Chayrayku Diosqa paykunaj Diosninku kayta mana p'enqakunchu, imaraykuchus paykunapaj uj llajtata wakichipunña.

Hebreos 12:22

Qankunatajrí Sión orqoman, jinataj kawsaj Diospa llajtanman qayllaykunkichej. Chay llajtaqa janaj pachapi kaj Jerusalén, chaypitaj mana yupay atina angelkuna Diosta yupaychashanku.

Hebreos 13:14

Kay pachaqa mana wiñaypaj tiyakunanchej llajtachu. Aswanpis jamoj p'unchaykunapi kaj llajtata tukuy sonqo suyashanchej.

Apocalipsis 1:1

Kayqa Jesucristoj sut'inchasqan, mayqentachus Dios payman qorqa kamachinkunaman rejsichinanpaj imachus askamalla kananmanta, chay. Jesusqa angelninnejta chaykunata kamachin Juanman rejsicherqa.

Apocalipsis 1:4

Noqa Juan kayta Asiapi kaj qanchis iglesiakunaman qhelqamuykichej: Wiñaypaj kawsaj Dios wiñaymantapacha karqapuni, paytaj uj p'unchay ujtawan jamunan kashan. Pay, jinataj Tukuyta Kamachej Jesucristo, chantá kamachinan tiyanaj ñawpaqenpi qanchis jinamanta rejsichikoj Santo Espíritu ima qankunaman qhasilla k'acha yanapayninta, sonqo tiyaykuytataj qochun.

Apocalipsis 1:9

Noqa Juan qankunaj wawqeykichej kani, Jesuswan ujchasqa kasqayraykutaj Diospa kamachiyninpi qankunawan khuska kashani. Jinallataj tukuy imaymana ñak'ariykunapi, chantá chay ñak'ariykunata Jesucristoj paciencia qosqanwan awantanapaj qankunawan khuska kashallanitaj. Noqaqa Patmos sutiyoj churupi wijch'usqa kasharqani Diospa simi nisqanmanta, chantá Jesucristomanta ima willasqayrayku.

Apocalipsis 11:2

Temploj jawanpi kaj patiotarí ama midinkichu, imaraykuchus chay patiota qoni noqata mana qhatiwajkunaman, paykunataj noqapaj ajllakusqay llajtata kinsa wata khuskanniyojta saronqanku.

Apocalipsis 21:10

Chantá angelqa Santo Espíritoj atiyninpi uj manchay jatun orqoman pusawarqa, chantá Diospa ajllakusqan Jerusalén llajtata rikuchiwarqa. Chay llajtaqa janaj pachapi Diospa ñawpaqenmanta urayk'amusharqa.

Apocalipsis 21:9

Chantá chay qhepata qanchis angelkunamanta, pikunachus qhepata jamoj manchay ñak'ariykunawan junt'asqa vasokunata jap'isharqanku, chaykunamanta ujnin jamuwarqa. Niwarqataj: Chimpamuy, noqataj rikuchisqayki casarakunanpaj parlasqa sipasta, Corderoj warminta, nispa.

Apocalipsis 22:17

Santo Espirituwan, casarakoj sipaswan ima ninku: Jamuy, nispa. Chayta uyarejpis nillachuntaj: Jamuy, nispa. Ch'akichikojqa jamuchun, ujyayta munajtaj kawsayta qoj yakumanta qhasilla ujyachun, nispa.

Apocalipsis 22:19

Sitajchus pillapis kay p'anqapi imachus qhelqasqamanta imallatapis qhechunman chayqa, Diosqa kawsay sach'amanta mana mikhojta saqenqachu, nitaj ajllakusqan llajtaman yaykuchenqachu, mayqenmantachus kay p'anqapi willan, chayman.

Apocalipsis 3:12

Jinataj tukuy atipajkunataqa Diosniypa Templonpi sayanta jina kanankuta ruwasaj, manataj jayk'ajpis chaymanta kuyurichisqachu kanqanku. Jinallataj noqaqa Diosniypa sutinta paykunapi qhelqasaj, Diosniypa llajtanpa sutintawan ima. Chayqa mosoj Jerusalén, mayqenchus janaj pachamanta, chantá Diosniymanta ima urayk'amonqa, chay. Mosoj sutiytapis paypi qhelqallasajtaj.