Apocalipsis 21:1 - DIOSPA QHELQACHISQ

¹ Chaymantataj noqaqa mosoj janajta, mosoj kay pachatawan rikorqani, imaraykuchus ñawpaj kaj janaj, chantá ñawpaj kaj kay pachapis tukukaporqanku. Mama qochapis manaña karqañachu.

Qheshwa Biblia DC

¹ Uj mosoj janaj pachata, uj mosoj jallp'atawan rikorqani. Ñaupaj kaj janaj pachaqa, ñaupaj kaj jallp'apis chinkarerqankuña, mar qochapis manaña karqachu.

DIOSPA QHELQACHISQAN DEUTEROCANONICAL

¹ Chaymantataj noqaqa mosoj janajta, mosoj kay pachatawan rikorqani, imaraykuchus ñawpaj kaj janaj, chantá ñawpaj kaj kay pachapis tukukaporqanku. Mama qochapis manaña karqañachu.

Quechua South Bolivia: Dios Parlapawanchej

¹ Ricorkanitaj mosoj cielotawan mosoj jallp'atawan. Ñaupaj caj cielo ñaupaj caj jallp'awanka manaña carkañachu. Kochapis manaña carkañachu.

Apocalipsis 21:1 ပူးပေါင်းရင်းမြစ်များ

Isaías 27:1

Chay p'unchaypi Tata Diosqa jatun, manchay atiyniyoj espadanwan Leviatán sierpeta jasut'enqa, may jinata suchoj, ch'uwirakoj Leviatán sierpeta, mayqenchus mama qochapi tiyakun, chayta.

Isaías 51:11

Pikunatachus Tata Dios pagota qospa kacharicherqa, chaykuna kutimponqankupuni. May kusiywan takirispa, Sión llajtaman yaykonqanku, chaypitaj wiñaypaj kusisqa tiyakonqanku. Paykunaqa kusisqallapuni kanqanku, nanaywan, waqaywantajrí chinkaponqa.

Isaías 57:20

Mana allinta ruwajkunarí sinch'i wayraj qhollchoqeyachisqan mama qocha jina kanku. Kayman jaqayman q'opata, t'urutapis wijch'un, nitaj tiyaykuyta atinchu.

Isaías 66:22

Mosoj janajta, mosoj kay pachatawan ruwasqayqa ñawpaqeypipuni wiñaypaj kanqanku. Ajinallatataj mirayniykichejqa unayta kanqanku, sutiykichejpis mana jayk'ajpis chinkanqachu. Ajinata noqa Tata Dios nini.

Daniel (hebreo) 7:3

Chayllaman, mama qochamanta tawa jatuchaj animalkuna llojsimusqanku, sapa ujtaj waj jina rijch'ayniyoj kasqa.

Romanos 8:21

Chaypacha Diospa tukuy ruwasqan ismuypa atiyninmanta kacharichisqa kanqa, Diospa kacharichisqa wawankunawan khuska jatun kusiypi kananpaj.

2 Pedro 3:10

Tukuyta Kamachej Jesucristoj kutimunan chay p'unchayqa suwa jina chayamonqa. Chaypachataj, janajpis manchayta t'ojyaspa chinkarenqa, tukuy kaj chhikataj ninawan q'olaykusqa kanqa. Jinallataj kay pachapis, tukuy imantin kantumanta tukuchisqa kanqa.

2 Pedro 3:13

Noqanchejrí Diospa nisqanman jina mosoj janajta, mosoj jallp'atawan suyashanchej, maypichus Dios justiciata ruwaspapuni kamachenqa, chayta.

Apocalipsis 13:1

Chantá noqa mama qochamanta waj sierpeta rikhurimojta rikullarqanitaj. Chayqa chunka wajrayoj karqa, qanchis umayojtaj. Chay sierpej wajrankuna patapi chunka pillukuna karqa, umankuna patapitaj Diosta phiñachinapaj jina millay sutikuna karqa.

Apocalipsis 20:11

Chay qhepata noqa uj jatun yuraj kamachina tiyanata rikorqani, chaypi tiyasqa kashajtawan ima. Paypa ñawpaqenmantataj kay pacha, janajpis chinkasqata chinkarqanku.

Apocalipsis 21:5

Chantá kamachina tiyanapi tiyasqa kaj nerqa: Noqa tukuy imata mosojyachini, nispa. Nillarqataj: Kayta qhelqay, imaraykuchus kay simi nisqaqa maychus kajpuni, cheqataj, nispa.

Apocalipsis 6:14

Janajpis papel jina k'uyukuspa, chinkariporqa. Tukuy orqokunataj, mama qochapi churukunapis kasqankumanta kuyurichisqa karqanku.