Apocalipsis 20:8 - DIOSPA QHELQACHISQ

⁸ Paytaj tukuy suyupi tiyakojkunata q'otiyaj llojsenqa, kay pachaj tawantin k'uchupi kashanku, chaykunata. Chay suyukuna Gog, chantá Magog ima sutichasqa kanku. Chaykunapi tiyakojkunatataj maqanakupaj tantanqa, paykunataj yupay mana atina kanqanku, mama qocha kantupi t'iyu jinapuni.

Qheshwa Biblia DC

⁸ Paytaj llojsenqa runasta ch'aukiyaj, kay jallp'aj tawantin k'uchupi kashanku chaykunata; Gogta, Magogtawan. Chaykunatataj maqanakupaj tantanqa. Paykunaj yupayninrí, mar qochaj t'iyun jina ashkha.

DIOSPA QHELQACHISQAN DEUTEROCANONICAL

⁸ Paytaj tukuy suyupi tiyakojkunata q'otiyaj llojsenqa, kay pachaj tawantin k'uchupi kashanku, chaykunata. Chay suyukuna Gog, chantá Magog ima sutichasqa kanku. Chaykunapi tiyakojkunatataj maqanakupaj tantanqa, paykunataj yupay mana atina kanqanku, mama qocha kantupi t'iyu jinapuni.

Quechua South Bolivia: Dios Parlapawanchej

⁸ Tucuy cay pachapi caj llajtasta pantachinanpaj llojsimonka. Chay llajtaska Gog Magogwan cancu. Paycunata tantayconka Diospa contranpi makanacunanpaj. Paycunaka kocha cantopi t'iyujina ashqha mana yupay atina cankancu.

Apocalipsis 20:8 ပူးပေါင်းရင်းမြစ်များ

1 Reyes 4:20

Judapi, Israelpiwan ima ashkha runapuni karqanku, mama qochaj kantunpi t'iyu jina, may chhika. Paykunapajqa mana piserqachu mikhuna nitaj ujyana, kusikuspataj chhika patapi kawsakusharqanku.

2 Crónicas 18:21

Chay espiritutaj nerqa: Noqaqa rispa, kuraj kamachejpa tukuynin sut'inchajninkunata llullata parlachisaj, nispa. Tata Diostaj nerqa: Rispa, Ajabta q'otiyamuy. Chayta ruwaspa, maqanakuman rinanpaj yuyaychayta atinki, nispa.

Isaías 10:22

Israel, aylluyki mama qocha kantupi t'iyu chhikapis kachun. Chaywanpis chaymanta pisi puchojkunalla kutimonqanku. Tukuchisqa kananku nisqaqa junt'akonqapuni, ajinamantataj justicia ruwakonqa.

Jeremías 33:22

Kamachiy Davidpa mirayninta, Levijpa mirayninmanta sacerdoteykunatapis may chhikaman mirachisaj janajpi ch'askakuna chhikata, chantá mama qochaj t'iyun chhikata, mana yupay atinata, nispa.

Ezequiel 38:1

Tata Dios niwarqa:

Ezequiel 38:2

Runaj churin, Magog suyuman qhawarispa, Gogpa contranpi sut'inchay. Payqa Mesecpata, Tubalpatawan kuraj kamachejnin.

Ezequiel 39:1

Qan, runaj churin, Gogpa contranpi sut'inchaspa, niy: Tukuyta Kamachej Tata Dios kay jinata nisunki: Mesecpata, Tubalpatawan kuraj kamachejninku Gog, noqa contraykipi kashani.

Ezequiel 39:6

Magogman, chantá pikunachus mama qocha kantupi ni imamanta manchachikuspa tiyakushanku, chaykunamanpis ninata kachaykusaj. Chaypachataj tukuyninku yachanqanku noqa Tata Dios kasqayta.

Ezequiel 7:2

Runaj churin, uyariway. Noqa Tukuyta Kamachej Tata Dios Israel aylluman nini: Kay suyoj tukukunan qayllapiña kashan, chayamushanña.

Hebreos 11:12

Ajinaqa Abraham wañusqa jinaña karqa chaypis, miraynin may chhika mana yupay atina karqa janajpi ch'askakuna jina, mama qocha kantupi t'iyu jinataj.

Apocalipsis 12:9

Ajinata chay jatun sierpe jawaman wijch'usqa karqa. Chay sierpeqa unay ñawpa katari, pichus Kuraj Supay, Satanastaj sutichasqa kashan, chay. Payqa llullakuspa, kay pachapi tukuy runata loq'eyan. Chantá sierpeta, angelninkunatawan ima kay pachaman wijch'umorqanku.

Apocalipsis 16:14

Chay supaykuna runaj mana jayk'aj rikusqan t'ukunata ruwaspa, tukuy kay pachapi kuraj kamachejkunaman rinku. Jinaspataj, runakunata tantanku Tukuy Atiyniyoj Diospa contranpi maqanakunankupaj. Chay kanqa, maypachachus Dios tukuy runata juzganqa, chay p'unchayta.

Apocalipsis 20:10

Jinapi paykunata q'otiyaj, chay Kuraj Supayqa azufrewan lawrashaj nina qochaman wijch'uykusqa karqa, maypichus chay ñawpaj kaj sierpe, chantá llulla sut'inchaj ima kasharqanku, chayman. Chaypitaj paykuna tuta p'unchay, wiñaypa wiñayninkama ñak'arenqanku.

Apocalipsis 20:3

Chantá angelqa sierpeta ukhu pachaman wijch'uykorqa, wisq'aykuytawantaj llaveykorqa, sellaykorqataj, waranqa wata junt'akunankama amaña runakunata q'otiyananpaj. Chaywanpis qhepanejman uj pisi p'unchayllapaj kacharisqa kanqa.

Apocalipsis 7:1

Chay qhepata noqa tawa angelkunata rikorqani, chay angelkunataj kay pachaj tawantin k'uchupi sayasharqanku. Paykuna kay pachapi tawantin ladomanta phukumoj wayrata jark'asharqanku, ama jallp'a pataman wayramunanpaj, nitaj mama qocha pataman, nillataj ima sach'a patamanpis.

Jueces 7:12

Madianitakunawan, amalecitakunawan, chantá inti llojsimuynejmanta chay runakunapis phinki phinkikuna jina chay pampapi mast'alla kasharqanku. Camellonkunapis may chhika karqanku, mama qocha kantupi t'iyu chhikapuni.

1 Samuel 13:5

Jinallataj filisteokunapis israelitakunawan maqanakunankupaj tantaykukorqanku. Filisteokunajpata 30.000 carretakuna karqa, 6.000 caballopi maqanakojkuna. Soldadokunataj mama qochaj t'iyun jina may chhikapuni karqanku. Chantá Micmas llajtaman kachaykukorqanku, chaypitaj Bet Avenmanta inti llojsimuynejpi jarakorqanku.