Apocalipsis 20:2 - DIOSPA QHELQACHISQ

² Payqa sierpeta, pichus ñawpa katari karqa chayta, wisq'ananpaj jap'erqa. Payqa Kuraj Supay, chayrí Supay Satanás sutiyoj, paytataj waranqa watapaj wataykorqa.

Qheshwa Biblia DC

² Sierpetaj presocharqa chay ñaupa katarita, pichus supay, Satanás karqa. Paytataj waranqa watapaj wataykorqa.

DIOSPA QHELQACHISQAN DEUTEROCANONICAL

² Payqa sierpeta, pichus ñawpa katari karqa chayta, wisq'ananpaj jap'erqa. Payqa Kuraj Supay, chayrí Supay Satanás sutiyoj, paytataj waranqa watapaj wataykorqa.

Quechua South Bolivia: Dios Parlapawanchej

² Dragontataj jap'iycorka. Dragonka chay ñaupa catari, diablo, Satanás sutiyoj. Paytataj angelka cadenawan wataycorka waranka watapaj.

Apocalipsis 20:2 ပူးပေါင်းရင်းမြစ်များ

Génesis 3:1

Katareqa Tata Dios tukuy imaymana k'ita animalkunata ruwasqanmanta may jina yuyaysapa karqa. Chantá uj kuti payqa warmita taporqa: Huertapi kaj tukuy sach'aj poqoyninta ama mikhunkichejchu, nispachu Dios nisorqachej? nispa.

Génesis 3:15

Noqataj qantawan, warmitawan jap'inachisqaykichej. Jinallataj mirayniykiwan, mirayninwanpis chejninakonqanku. Warmej mirayninmanta kajqa umaykita sarusonqa, qantaj chaki talonninmanta khaninki, nispa. Ajinata Diosqa katarita nerqa.

Job 1:7

Chantá Tata Diosqa ch'ataykoj angelta taporqa: Maymantataj jamushankiri? nispa. Ch'ataykoj angeltaj kuticherqa: Tukuy kay pachata muyumusqaymanta jamushani, nispa.

Isaías 24:22

Ujllaman tantaykuspa, paykunata wisq'aykonqa, chaypitaj wisq'asqa qhepakonqanku. Unaymanta orqhomuspatajrí, paykunata jasut'enqa.

Isaías 27:1

Chay p'unchaypi Tata Diosqa jatun, manchay atiyniyoj espadanwan Leviatán sierpeta jasut'enqa, may jinata suchoj, ch'uwirakoj Leviatán sierpeta, mayqenchus mama qochapi tiyakun, chayta.

Ezequiel 47:5

Jinallataj uj 500 metrotawan miderqa, chay kutipitaj uj jatun mayuña karqa mana chimpay atina. Mayoqa may ukhu wayt'aspa chimpanapaj jinaña karqa.

San Mateo 19:29

Pillapis noqata qhatinawanrayku wasinta saqerparin, wawqenkunata, panankunata, chayrí tatanta, mamanta, warminta, jinallataj wawankunata, jallp'ankunata ima, chay runamanqa Dios pachaj kutita qoponqa, chay runataj wiñay kawsayniyoj kanqa.

San Mateo 8:29

Paykunataj kay jinata qhapariyta qallarerqanku: Diospa Churin, ima ruwanayki tiyan noqaykuwanri? Manaraj ñak'arinayku kashajtin, noqaykuta ñak'arichejchu jamunki? nispa.

Marcos 4:15

Wakin runaqa ñan patapi urmasqa muju jina kanku. Paykunaqa Diospa nisqanta uyarinku. Chaywanpis Supay Satanás jamuytawan, runaj sonqonpi tarpusqa Diospa nisqanta qonqachin.

Marcos 5:7

Sinch'ita qhaparispataj, nerqa: Jesús, Patapi Kaj Diospa Churin, imá ruwanayki tiyan noqawanri? Diospa sutinpi mañakuyki ama ñak'arichinawaykita, nispa.

San Juan 12:31

Kunan kay pachapi tukuy runata Dios juzganan p'unchay chayamun. Kay pachapi kamachej Kuraj Supaytaj kay pachamanta wijch'usqa kanqa.

San Juan 16:11

Jinallatataj Santo Espiritoqa runata reparachenqa Diosqa pichus kay pachapi kamachejta ñapis juchachasqantaña.

Romanos 16:20

Mana unaymantachu sonqo tiyaykuyta qoj Diosqa Supay Satanasta chakiykichej uraman churanqa. Tukuyta Kamachej Jesucristonchej qhasilla k'acha yanapaynin qankunawan kachun.

Hebreos 2:14

Chay wawakunaqa aychayoj, yawarniyojtaj kanku. Ajinallataj Cristopis paykuna jina kananpaj aychallikorqa, cruzpi wañuspa Kuraj Supayta atipananpaj, pichus runakunata wañuchinanpaj atiyniyoj karqa, chayta.

1 Pedro 5:8

Jinallataj allin yuyayniyoj jina, allinta qhawakuspa puriychej, imaraykuchus awqaykichej Kuraj Supayqa phiña león jina qhaparirispa, muyuykachashasunkichej, mayqellantapis oqoykunanpaj.

2 Pedro 2:4

Diosqa wakin juchallikoj angelkunaj juchankuta mana pampacharqachu. Aswanpis paykunata ukhu pachaman wijch'uykorqa, tuti laqhapi wisq'asqa kanankupaj juzgasqa kananku p'unchay chayamunankama.

Judas 1:6

Jinallataj wakin angelkunapis Tata Dios qosqan kamachinapaj atiyta mana waqaychasqankuchu. Manachayqa maynejmanchus churasqa karqanku, paykuna chayta saqesqanku. Diostajrí chay angelkunata tuti laqhayaypi wiñaypaj wisq'aykusqa, jatun juicio p'unchaypi juchachasqa kanankupaj.

Apocalipsis 12:13

Chay sierpe kay pachaman wijch'umusqa kaspaqa, qhari wawata paqarichikoj warmita qhatiykacharqa.

Apocalipsis 12:15

Chantá sierpeqa warmej qhepanta siminmanta ashkha yakuta phullchichimorqa, chay warmita yaku apananpaj.

Apocalipsis 12:17

Chantá sierpeqa warmipaj mayta phiñakorqa. Chayrayku warmej mirayninmanta wakinkunawan maqanakoj rerqa. Paykuna Diospa kamachisqanta kasunku, Jesusmanta willaspataj sinch'ita sayanku.

Apocalipsis 12:3

Jinallataj janaj pachapi runaj mana jayk'aj rikusqan waj t'ukuna rikhurillarqataj: Uj jatun puka sierpe rikhurerqa. Chay sierpeqa qanchis umayoj, chunka wajrayoj karqa, sapa umanpitaj pilluyoj.

Apocalipsis 12:4

Chupanqa janajpi ch'askakuna kinsaman t'aqasqamanta ujnin kaj t'aqata qharastaspa, kay pachaman wijch'uykamorqa. Chantá sierpeqa onqokushaj warmej ñawpaqenpi sayaykorqa, paqarichikojtinkama wawanta oqoykunanpaj.

Apocalipsis 12:9

Ajinata chay jatun sierpe jawaman wijch'usqa karqa. Chay sierpeqa unay ñawpa katari, pichus Kuraj Supay, Satanastaj sutichasqa kashan, chay. Payqa llullakuspa, kay pachapi tukuy runata loq'eyan. Chantá sierpeta, angelninkunatawan ima kay pachaman wijch'umorqanku.

Apocalipsis 13:2

Chay waj sierpe rikusqayqa ch'ejchi leonman rijch'akorqa, chakenqa jukumarejta jina karqa, simintaj leonpa simin jina. Chantá puka sierpe atiyninta, kamachina tiyanata, chantá kamachinanpaj atiyniyoj kayta ima chay waj sierpeman qorqa.

Apocalipsis 13:4

Runakunataj puka sierpeta yupaycharqanku, mayqenchus mama qochamanta llojsimoj chay waj sierpeman atiyta qorqa, chayta. Jinallataj chay waj sierpetapis yupaychaspa, nerqanku: Pitaj kay waj sierpe jina kanmanri? Pitaj paywan maqanakuyta atinmanri? nispa.

Apocalipsis 20:10

Jinapi paykunata q'otiyaj, chay Kuraj Supayqa azufrewan lawrashaj nina qochaman wijch'uykusqa karqa, maypichus chay ñawpaj kaj sierpe, chantá llulla sut'inchaj ima kasharqanku, chayman. Chaypitaj paykuna tuta p'unchay, wiñaypa wiñayninkama ñak'arenqanku.

Apocalipsis 20:7

Waranqa wata junt'akojtin, Satanasqa watasqa kasqanmanta kacharichisqa kanqa.

Apocalipsis 9:11

Phinki phinkikunata kamachejqa ukhu pachaj angelnin karqa, sutintaj hebreo parlaypi Abadón, griego parlaypitaj Apolión. Chay niyta munan “chinkachej”, nispa.