Apocalipsis 20:11 - DIOSPA QHELQACHISQ

¹¹ Chay qhepata noqa uj jatun yuraj kamachina tiyanata rikorqani, chaypi tiyasqa kashajtawan ima. Paypa ñawpaqenmantataj kay pacha, janajpis chinkasqata chinkarqanku.

Qheshwa Biblia DC

¹¹ Rikorqanitaj uj jatun yuraj tronota, chaypi tiyasqa kashajtawan. Paypa ñaupaqenmantataj kay pacha, janaj pachapis ayqerqanku, manañataj ni mayman riyta aterqankuchu, chinkarerqankutaj.

DIOSPA QHELQACHISQAN DEUTEROCANONICAL

¹¹ Chay qhepata noqa uj jatun yuraj kamachina tiyanata rikorqani, chaypi tiyasqa kashajtawan ima. Paypa ñawpaqenmantataj kay pacha, janajpis chinkasqata chinkarqanku.

Quechua South Bolivia: Dios Parlapawanchej

¹¹ Ricorkanitaj uj jatun yuraj tiyanata chaypi tiyaska cajtawan. Paypa ñaupakenmantaka jallp'apis cielopis aykecorkancu chincaporkancutaj.

Apocalipsis 20:11 ပူးပေါင်းရင်းမြစ်များ

Génesis 18:25

Qanqa mana atiwajchu mana juchayojta juchayojtawan khuska wañuchiyta, iskayninkupis kikinta juchallinkuman karqa jinataqa. Ama chayta ruwaychu ari. Tukuy kay pachapi justiciata ruwaj kashaspa, manachu cheqan kajta ruwawaj? nispa. Ajinata Abraham nerqa.

Job 9:6

Payqa jallp'ata thalarin, jallp'aj tijsinkunatapis kharkatichin.

Salmos 102:26

26 (27) Tukuy chaykunaqa chinkaponqanku. Qantajrí wiñaypaj sayanki. Tukuynin p'acha jina mawk'ayaponqa. Qantajrí chaykunata p'achata jina lluch'uspa, wajta churanki.

Salmos 47:8

8 (9) Diosqa tukuy suyuta kamachin. Diosqa may llimphu kamachinan tiyanapi tiyasqa kashan.

Salmos 89:14

14 (15) Kamachinayki tiyanaqa justicia patapi, cheqan kaj patapi ima sayachisqa. Munakuywan, cheqa kajwantaj ñawpaqeykita rinku.

Salmos 97:2

Sinch'i yanayarishaj phuyu paypa muyuyninpi kashan, paytaj cheqa kajwan, justiciawan ima kamachin.

Isaías 6:1

Kuraj kamachej Uziaspa wañupusqan watapi, noqaqa Tukuyta Kamachej Diosta chhika patapi sumaj kamachinan tiyanapi tiyashajta rikorqani, may jatunchasqata. P'achanpa kantuntaj Templonman junt'aykorqa.

Daniel (hebreo) 2:35

Chantá ujllata fierropis, t'urupis, broncepis, qolqe metalpis, qoripis ima ñut'u jallp'a jina rikhurisqa. Jinataj imaynatachus trigota wayrajtinchej wayraqa pajata apakapun, ajinata wayraqa chay tukuyta oqharisqa mana imata puchuchispa. Lantita phiriykusqa, chay rumitajrí jatun orqoman tukusqa, tukuy kay pachamantaj junt'aykusqa.

Daniel (hebreo) 7:10

ñawpaqenmantataj uj nina mayu llojsisqa. Waranqa waranqa angelkuna munayninta ruwanankupaj wakichisqa kashasqanku, ñawpaqenpi sayashajkunataj mana yupay atina kasqanku. Chantá chay Juezqa juzgayta qallarinanpaj tiyaykusqa, qhelqakunataj kicharisqa kasqa.

San Mateo 11:22

Chayrayku niykichej: Juicio p'unchaypeqa, Tiro llajtayojkunapaj, Sidón llajtayojkunapaj ima aswan pisi ñak'ariy kanqa. Qankunapajrí aswan sinch'i ñak'ariy kanqa.

San Mateo 24:35

Janajpis, kay pachapis tukukaponqanku. Chaywanpis nisqayqa mana jayk'ajpis pasanqachu, manachayqa junt'akonqapuni.

San Mateo 25:31

Maypachachus Runaj Churin kuraj kamachej jina jatun kayninpa lliphipiyninpi, tukuy angelninkuwan jamonqa chaypacha, lliphipej kamachinan tiyanapi tiyaykukonqa.

Romanos 2:5

Qanrí mana uyarikuyta munasqaykirayku, Diosman mana kutirikuyta munankichu. Chayrayku qan kikiykipaj k'araj phiñakuyta tantakushanki k'araj phiñakuy p'unchaypaj, maypachachus Diospa cheqan kaj juicion sut'inchasqa kanqa, chaypaj.

2 Pedro 3:7

Kunan kashaj janajpis, kay pachapisrí Diospa nisqannejta ninapi q'olachisqa kanankupaj waqaychasqa kashanku Diospa juzganan p'unchaykama. Chaypachallataj Diosqa paywan churanakojkunata juzgaspa, chinkarparichenqa.

Apocalipsis 12:8

Chaywanpis Miguelta mana atipayta aterqankuchu. Chayrayku sierpewan, angelninkunawan ima janaj pachamanta wijch'umusqa karqanku.

Apocalipsis 16:20

Chantá mama qochapi tukuy churukuna ayqerqanku, orqokunataj yakuman chinkaykorqanku.

Apocalipsis 19:11

Chaypacha, noqa janaj pachata kicharisqata rikorqani. Uj runa yuraj caballopi lloq'asqa kasharqa, sutintaj karqa Nisqanta Junt'aj Kaj, chantá Cheqa Kaj ima, imaraykuchus payqa justiciata ruwan, chantá cheqa kajta ruwaspa maqanakun.

Apocalipsis 20:2

Payqa sierpeta, pichus ñawpa katari karqa chayta, wisq'ananpaj jap'erqa. Payqa Kuraj Supay, chayrí Supay Satanás sutiyoj, paytataj waranqa watapaj wataykorqa.

Apocalipsis 21:1

Chaymantataj noqaqa mosoj janajta, mosoj kay pachatawan rikorqani, imaraykuchus ñawpaj kaj janaj, chantá ñawpaj kaj kay pachapis tukukaporqanku. Mama qochapis manaña karqañachu.

Apocalipsis 21:5

Chantá kamachina tiyanapi tiyasqa kaj nerqa: Noqa tukuy imata mosojyachini, nispa. Nillarqataj: Kayta qhelqay, imaraykuchus kay simi nisqaqa maychus kajpuni, cheqataj, nispa.

Apocalipsis 4:2

Chantá chay kikinpacha Santo Espíritoj kamachiyninpi kaspa, noqa janaj pachapi kamachina tiyana churasqata rikorqani. Chay kamachina tiyanapitaj uj runa tiyasqa kasharqa.

Apocalipsis 6:14

Janajpis papel jina k'uyukuspa, chinkariporqa. Tukuy orqokunataj, mama qochapi churukunapis kasqankumanta kuyurichisqa karqanku.