Apocalipsis 20:10 - DIOSPA QHELQACHISQ

¹⁰ Jinapi paykunata q'otiyaj, chay Kuraj Supayqa azufrewan lawrashaj nina qochaman wijch'uykusqa karqa, maypichus chay ñawpaj kaj sierpe, chantá llulla sut'inchaj ima kasharqanku, chayman. Chaypitaj paykuna tuta p'unchay, wiñaypa wiñayninkama ñak'arenqanku.

Qheshwa Biblia DC

¹⁰ Paykunata ch'aukiyaj supaytaj nina qochaman wijch'uykusqa karqa, maypichus chay phiña animal, llulla profetawan kasharqanku chayman; tuta p'unchaytaj, wiñaypa wiñayninkama ñak'arenqanku.

DIOSPA QHELQACHISQAN DEUTEROCANONICAL

¹⁰ Jinapi paykunata q'otiyaj, chay Kuraj Supayqa azufrewan lawrashaj nina qochaman wijch'uykusqa karqa, maypichus chay ñawpaj kaj sierpe, chantá llulla sut'inchaj ima kasharqanku, chayman. Chaypitaj paykuna tuta p'unchay, wiñaypa wiñayninkama ñak'arenqanku.

Quechua South Bolivia: Dios Parlapawanchej

¹⁰ Paycunata pantachej diablotaj azufrewan laurashaj nina kochaman wijch'uycuska canka. Chay nina kochallamantaj millay animalka llulla willajninwan wijch'uycuskasña carkancu. Chaypi paycuna tuta p'unchay wiñaypa wiñayninpaj ñac'arichiskas cankancu.

Apocalipsis 20:10 ပူးပေါင်းရင်းမြစ်များ

Daniel (hebreo) 7:11

Ajinata qhawashaspapuni, noqa chay juch'uy wajrata uyarerqani mayta jatunchakuspa t'ukuna imakunata parlashajta. Chantá qhawashajtillayraj, manchachikuna animalta wañuchisqanku. Chaymantataj ukhunta mitharaytawan, ninaman choqaykusqanku q'olachisqa kananpaj.

San Mateo 25:41

Chantá Kuraj Kamachejqa lloq'enpi kajkunatañataj nenqa: Qankunaqa millayta ruwaj kankichej. Chayrayku kaymanta wiñaypaj nina lawrayman riychej, mayqenchus wakichisqa kashan Kuraj Supaypaj, chantá angelninkunapaj ima, chayman.

San Mateo 25:46

Chaymantataj paykuna wiñay ñak'ariyman renqanku, cheqan kajta ruwajkunatajrí wiñay kawsayman yaykonqanku, nispa. Ajinata Jesús yachacherqa.

San Mateo 7:15

Qankunaqa allinta qhawakuychej pikunachus llullakuspa: Diosmanta sut'inchaj kani, nispa nejkunamanta. Paykunaqa oveja jina jamusunkichej, sonqonkupitajrí suwa atoj jina kanku.

Marcos 9:44

Chaypeqa khurukunapis mana wañunkuchu, nitaj jayk'ajpis nina wañunchu.

Apocalipsis 16:13

Chantá chay qhepata rikorqani puka sierpej siminmanta, ñawpajta rikhurimoj sierpej siminmanta, chantá llullakuspa sut'inchajpa siminmanta ima llojsimojta, k'aylankulaman rijch'akoj kinsa millay supaykunata.

Apocalipsis 19:20

Chantá sierpeqa jap'ichisqa karqa, jinallataj llullakuspa sut'inchajpis. Chay sut'inchajqa sierpej sutinpi runa mana jayk'aj rikusqan t'ukunata ruwaspa, sierpej marcanta apajkunata q'otiyasqa, lantinta yupaychanankupaj. Jinataj sierpewan, llulla sut'inchajninwan ima azufrewan lawrashaj nina qochaman kawsashaj wijch'uykusqa karqanku.

Apocalipsis 20:8

Paytaj tukuy suyupi tiyakojkunata q'otiyaj llojsenqa, kay pachaj tawantin k'uchupi kashanku, chaykunata. Chay suyukuna Gog, chantá Magog ima sutichasqa kanku. Chaykunapi tiyakojkunatataj maqanakupaj tantanqa, paykunataj yupay mana atina kanqanku, mama qocha kantupi t'iyu jinapuni.

Apocalipsis 9:17

Ajinata mosqoypi jina rikorqani caballokunata, chantá caballokunapi lloq'asqa kajkunata: Caballokunapi purejkunaj pecherankoqa nina jina puka karqa, zafiro rumi jina anqa, azufre jina q'ellu ima. Caballokunaj umankutaj leonkunaj uman jina karqa, siminkumantataj ninata, q'oshñita, chantá azufreta ima thoqaj kanku.