Apocalipsis 2:22 - DIOSPA QHELQACHISQ

²² Chayrayku noqa payta sinch'ita onqochisaj. Pikunachus paywan khuchichakunku, chaykunapis mayta ñak'arenqanku, manachus millay ruwasqankumanta noqaman kutirikamonqanku chayqa.

Qheshwa Biblia DC

²² Payta noqa onqoykuchisaj. Pikunachus paywan qhenchachakunku chaykunapis, jatun ñak'ariyman chayanqanku, manachus sajra ruwasqankumanta kutirikonqanku chayqa.

DIOSPA QHELQACHISQAN DEUTEROCANONICAL

²² Chayrayku noqa payta sinch'ita onqochisaj. Pikunachus paywan khuchichakunku, chaykunapis mayta ñak'arenqanku, manachus millay ruwasqankumanta noqaman kutirikamonqanku chayqa.

Quechua South Bolivia: Dios Parlapawanchej

²² Chayraycu payta onkoywan llaquichisaj. Khenchachacojmasisnintapis quiquillantataj sinch'ita ñac'arichisaj, sichus sajra ruwaskasnincuta mana sakencumanchu chayka.

Apocalipsis 2:22 ပူးပေါင်းရင်းမြစ်များ

Jeremías 36:3

Ichapis Judá suyupi tiyakojkuna ñak'ariykunata kachaykamunayta uyarispa, tukuy mana allin purisqankuta saqenkuman, noqataj millay ruwasqankuta, juchankutapis qhespichiyman, nispa.

Ezequiel 23:29

Paykunataj chejnikususpa, qhechurparisonqanku, imatachus llank'aspa tarerqanki, chaykunata. Q'alallata mana imayojta saqerpayasonqanku, jinataj khuchichakuspa purisqayki, q'oñirisqayki ima sut'iman orqhosqa kanqa.

Ezequiel 33:11

Chayrayku paykunata niy: Noqa Tukuyta Kamachej Tata Dios sutiyrayku tiluspa nini: Mana munanichu mana allinta ruwaj runa juchanrayku wañunanta. Astawanpis munani millay ruwananmanta kutirikuspa, kawsananta. Israelitakuna, millay kawsayniykichejmanta kutirikamuychej. Imaraykutaj qankuna wañuyta munankichejri? nispa.

Sofonías 3:7

Jinapi noqa yuyarqani: Jerusalén llajtapi tiyakojkuna manchachikuwanqanku, k'amisqaytapis jap'ikonqanku. Jinamantataj mana paykunata jasut'isajchu, nitaj tiyakunanku wasikunata thuñirparichisajchu, nispa. Paykunatajrí usqhayllata tukuy imaymana millay ruwanaman qokorqanku.

San Lucas 13:3

Manapuni, aswanpis ajinallataj qankunawanpis kanqa, manachus Diosman kutirikunkichej chayqa.

San Lucas 13:5

Noqarí niykichej mana jinachu kasqanta. Manachus Diosman kutirikunkichej chayqa, ajinallataj qankunawanpis kanqa, nispa.

2 Corintios 12:21

Manchachikullanitaj, qankunaman watukoj kutimojteyqa, Tata Dios qankunaj ñawpaqeykichejpi p'enqaypi rikhurichinawanmanta. Ichapis waqanay kanqa, pikunachus unayña juchallinku, manataj Diosman kutirikunkuchu, chaykunamanta. Paykuna mana Diosman kutirikunkuchu ch'ichi kawsayninkumanta, khuchichakuspa qhenchachakusqankumanta, munasqankuta ruwaspa kawsasqankumanta ima.

Apocalipsis 17:2

Kay pachapi kaj kuraj kamachejkunaqa paywan khuchichakorqanku, kay pachapi tiyakojkunapis paywan khuchichakuypi purispa vinowan jina machaykorqanku, nispa.

Apocalipsis 18:3

Kay pachapi tukuy suyumanta runakuna chay phisu warmi jina Babilonia llajtawan khuchichakuspa machaykorqanku. Kay pachapi kuraj kamachejkunapis paywan khuchichakullarqankutaj, qhatojkunataj qhapajyarqanku, imajtinchus pay sonqonpa tukuy munasqanta rantikorqa, nispa.

Apocalipsis 18:9

Kay pachapi kuraj kamachejkuna chay phisu warmiwan khuchichakorqanku, paywantaj chhika patapi kawsaspa, millayta kawsanaman qokorqanku. Chayrayku paykuna ruphaykusqan q'oshñisqanta rikuspa, llakisqa qhaparenqanku, maytataj waqanqanku.

Apocalipsis 2:5

Chayrayku imapichus pantasqaykita qhawarikuy, chaymanta kutirikamuspataj, watej noqata kasuwaspa puriy. Chantá imatachus qallariypi ruwaj kanki, chayta ujtawan ruway. Manachus noqaman kutirikamunki chayqa, noqa jamuspa, lamparaykita maypichus kananmanta qhechusaj.