Apocalipsis 2:20 - DIOSPA QHELQACHISQ

²⁰ Chaywanpis kayta niyki: Qanqa Jezabel sutiyoj warmita, pichus Diosmanta sut'inchaj kasqanta nin, chay warmej millay yachachisqanta qhawakushallanki. Chay warmeqa noqata qhatiwajkunaman yachachin khuchichakuyta atillasqankuta, chantá lantikunaman jaywasqa mikhunatapis mikhuyta atisqankuta ima.

Qheshwa Biblia DC

²⁰ Chaywampis uj ima qampa contraykipi tiyapuwan: Chay Jezabel warmita, Diosmanta sut'inchaj kani nikojta saqenki yachachinanta, kamachisniytataj ch'aukiyananta, qhenchachakunankupaj, chay lantikunaman jaywasqasta mikhunankupaj ima.

DIOSPA QHELQACHISQAN DEUTEROCANONICAL

²⁰ Chaywanpis kayta niyki: Qanqa Jezabel sutiyoj warmita, pichus Diosmanta sut'inchaj kasqanta nin, chay warmej millay yachachisqanta qhawakushallanki. Chay warmeqa noqata qhatiwajkunaman yachachin khuchichakuyta atillasqankuta, chantá lantikunaman jaywasqa mikhunatapis mikhuyta atisqankuta ima.

Quechua South Bolivia: Dios Parlapawanchej

²⁰ Astawanrí caymanta contrayquipi cashani: Chay Jezabel warmita mana jarc'aspa kancuna uqhuman yaycumunanta sakeshallanqui. Chay warmeka, “Diospa willajnin cani”, nispa, pantaskata yachachishan. Nokaj ajllacuskasniytataj pusashan khenchachacuyman, ruwaska dioscunaman jaywaskata miqhuymanwan.

Apocalipsis 2:20 ပူးပေါင်းရင်းမြစ်များ

1 Reyes 16:31

Payqa Nabatpa churin Jeroboanpa jucha ruwasqanmantapis astawanraj juchallerqa. Casarakorqataj sidoniokunaj kuraj kamachejninku Etbaalpa ususin Jezabelwan. Chantá manaraj imapi Baal lantita yupaycharqa.

1 Reyes 17:13

Chantá Elías nerqa: Ama llakikuychu. Rispa, nisqaykiman jina ruwamullay. Chaywanpis ñawpajta uj t'antata ruwaytawan, noqapajraj apamuway. Chantá wawaykipaj, qanpajpis ruwallanki.

1 Reyes 17:4

Chay wayq'omanta yakuta ujyanki, mikhunkitaj imatachus noqa churapusqayki, chayta, imaraykuchus qharqañakunata kamachiniña mikhuchisunankupaj, nispa.

2 Reyes 9:22

Chantá Joranqa Jehuta taporqa: Allin sonqowanchu jamushanki? nispa. Paytajrí kuticherqa: Imaynatá allin sonqo jamushayman, mamayki Jezabel lantikunata yupaychaspallapuni, chantá layqeriyoman qokuspallapuni kashajtinri? nispa.

2 Reyes 9:7

Wiraqochiyki Ajabpa ayllunta tukuyninta wañuchispa tukuchinki. Ajinata pagachikusaj Jezabel noqamanta sut'inchajkunata, jinataj kamachiykunata wañuchisqanmanta.

Éxodo 34:15

Chayrayku chay cheqanejpi tiyakojkunawan amapuni ima tratotapis ruwakunkichejchu. Paykunaqa millayta ruwaspa, diosninkuta yupaychayta yachanku. Chantá uywa ñak'asqata diosninkuman jaywashaspa, qankunata wajyasunkichejman. Qankunataj rispa, paykunawan khuska diosninkuman jaywasqa mikhunata mikhuspa wasanchawankichejman.

Ezequiel 13:17

Tata Dios nillawarqapuni: Kunanqa runaj churin, Israelpi kaj warmikunaj contrankuta parlay, pikunachus noqaj sutiypi yuyasqankuman jinalla sut'inchanku, chaykunata.

Hechos 15:20

Manachayqa uj cartata paykunaman apachispa, kayllata nisunman: Qhasi dioskunaman jaywasqamantaqa ama mikhunankuta, ama khuchichakunankuta, amataj jeq'eqasqa chayrí sipisqa uywaj aychanta mikhunankuta, nillataj yawartapis mikhunankuta, nispa.

Hechos 15:29

Ama lantikunaman jaywasqa aychata mikhuychejchu, nitaj yawarta, nillataj jeq'eqasqa chayrí sipisqa uywakunaj aychantapis. Amallataj khuchichakuychejchu. Chaykunamanta karunchakuspa, allinta ruwankichej. Tinkunakama kachun, nispa.

1 Corintios 10:28

Chaywanpis mikhushajtiykichej, sichus pipis willasunkichejman: Kay aychaqa lantikunaman jaywasqa karqa, nispa chayqa, willasqanrayku ama mikhuychejchu, willasojpa sonqon ama nanachisqa kananpaj.

Apocalipsis 2:14

Chaywanpis contraykipi noqa kayta nini: Qanqa Balaampa yachachisqanta qhatejkunata qhawakushallanki. Balaamqa kuraj kamachej Balacta yuyaychasqa israelitakunata juchallichinanta, lantikunaman jaywasqata mikhunankupaj, chantá khuchichakunankupaj ima.

Apocalipsis 2:4

Chaywanpis, kayta contraykipi nini: Qanqa manaña ñawpajta jinachu munakuwanki.