Apocalipsis 2:14 - DIOSPA QHELQACHISQ

¹⁴ Chaywanpis contraykipi noqa kayta nini: Qanqa Balaampa yachachisqanta qhatejkunata qhawakushallanki. Balaamqa kuraj kamachej Balacta yuyaychasqa israelitakunata juchallichinanta, lantikunaman jaywasqata mikhunankupaj, chantá khuchichakunankupaj ima.

Qheshwa Biblia DC

¹⁴ Chaywampis uj pisi imas contraykipi tiyapuwan: Balaampa yachachiyninwan kajkunata chaypi jap'ikushanki. Payqa Balacta yachacherqa Israelpa churisnimpa ñaupaqenman misk'anata churananta, lantikunaman jaywasqata mikhunankupaj, qhenchachakunankupaj ima.

DIOSPA QHELQACHISQAN DEUTEROCANONICAL

¹⁴ Chaywanpis contraykipi noqa kayta nini: Qanqa Balaampa yachachisqanta qhatejkunata qhawakushallanki. Balaamqa kuraj kamachej Balacta yuyaychasqa israelitakunata juchallichinanta, lantikunaman jaywasqata mikhunankupaj, chantá khuchichakunankupaj ima.

Quechua South Bolivia: Dios Parlapawanchej

¹⁴ Astawanrí cay imasmanta contrayquipi cashani: Kancuna uqhupi waquinta Balaampa sajra yachachiyninta khatejta sakeshanqui. Balaamka yachacherka camachej Balacta israelcunata juchaman urmachiyta. Ajinapi israelcunaka ruwaska dioscunaman jaywaskata miqhorkancu khenchachacorkancupis.

Apocalipsis 2:14 ပူးပေါင်းရင်းမြစ်များ

Isaías 57:14

Tata Dios nillantaj: Ñanta pichaychej. Ñanmanta rumikunata wijch'uychej aylluy chayninta karu suyumanta kutimpunanpaj.

Jeremías 6:21

Chayrayku Tata Dios nin: Noqa kay aylluyta misk'achinaypaj tojllata churasaj. Tukuy tatakuna, wawakuna, qayllankupi kajkuna ima, jinallataj kawsaqenkupis, tukuyninku wañonqanku, nispa.

Ezequiel 3:20

Ichapis mayqen cheqan runa allinta ruwaspa puriyta saqespa, millay kajta ruwanman. Sichus noqa payta wañuy pataman churayman, qantaj mana reparachiwajchu chayqa, pay juchanrayku wañonqa. Noqataj ñawpajpi allinta ruwasqanta mana cuentanman churasajchu. Chaywanpis chay runa wañusqanmanta qanmanta cuentata mañasqayki.

Ezequiel 44:12

Chaywanpis paykuna israelitakunata lantita yupaychanaman tanqasqankurayku, noqa tiluspa nini paykuna juchankumanta jasut'isqa kanankuta. Noqa Tukuyta Kamachej Tata Diosmin chayta nini.

Números 24:14

Jinaqa, llajtayman kutipusaj. Manaraj ripushasparí, qhepanejman israelitakuna runaykikunata imatachus ruwanankuta willasqayki.

Números 31:16

Kay warmikuna Balaam yuyaychasqanrayku israelitakunata Tata Diospa contranpi juchallicherqanku, Baal Pegor lantinta yupaychanaman pusaspa. Chayrayku Tata Dios israelitakunata millay onqoywan ñak'aricherqa.

Números 31:8

Paykunatawan khuska Madianmanta kay phishqa kuraj kamachejkunata wañuchillarqankutaj: Evita, Requenta, Surta, Jurta, Rebata ima. Beorpa churin Balaamtapis espadawan wañuchillarqankutaj.

San Mateo 18:7

Ay, kay pachapi juchallinaman tanqajkunamanta. Juchallinaman tanqajkunaqa kallanqankupuni. Chaywanpis ay, imapichus tukukonqa, pichus ujkunata juchallinaman tanqajqa.

Hechos 15:29

Ama lantikunaman jaywasqa aychata mikhuychejchu, nitaj yawarta, nillataj jeq'eqasqa chayrí sipisqa uywakunaj aychantapis. Amallataj khuchichakuychejchu. Chaykunamanta karunchakuspa, allinta ruwankichej. Tinkunakama kachun, nispa.

Hechos 21:25

Jinallataj noqayku uj cartata apacherqaykuña, pikunachus mana judío kajkunamanta Jesuspi atinikorqanku, chaykunaman. Chantá chay cartapi kamacherqayku paykuna lantikunaman jaywasqa aychata ama mikhunankuta, nitaj yawarta, nillataj jeq'eqasqa chayrí sipisqa uywaj aychantapis. Nillarqaykutaj ama khuchichakunankuta, nispa.

Romanos 11:9

Davidpis nillantaj: Jatun mikhuyninkupis paykunapaj tojlla jina kachun, ch'ipa jinataj urmanankupaj. Misk'anapipis misk'achunku, ruwasqankuman jinataj jasut'isqa kachunku.

Romanos 14:13

Chayrayku amaña ujkuna ujkuna juchachanakunachu. Aswanpis sonqomanta munana allinta puriyta ama wawqenchejta misk'achinapaj, nitaj payta juchallichinapaj.

Romanos 14:21

Aswan walej aychata mana mikhuna, nitaj vinota ujyana, nillataj imachus wawqenchejta misk'achispa juchallichinman chaykunata ruwana.

Romanos 9:32

Imarayku? Imaraykuchus paykuna ruwasqankunejta cheqanpaj qhawasqa kayta mask'arqanku, manataj Diospi atinikusqankuraykuchu. Chayrayku Cristoqa paykunapaj misk'ana rumi jina karqa.

1 Corintios 1:23

Noqaykurí Cristo cruzpi chakatasqa kasqanmanta willayku. Judiokunata chay willayqa phiñarichin, mana judío kajkunapajtaj wampu runaj thawtisqan jina.

1 Corintios 7:2

Chaywanpis, ama khuchichakuspa purinaman urmaykunapaj aswan allin kanman qhareqa warmiyoj kanan, jinallataj warmipis qosayoj kanan.

Hebreos 13:4

Casarakunata tukuylla manchay sumaj kasqanta qhawaychej. Jinallataj qhari warmi kajkunapis mana wasanchanakuspa kawsakuychej, imaraykuchus Diosqa khuchichakojkunata, chantá millayta purejkunata ima juzgaspa juchachanqa.

Josué 24:9

Chaymantaqa Moab suyuta kuraj kamachej Siporpa churin Balacñataj qankunawan maqanakoj llojsimorqa. Paytaj qankunata maldicisunaykichejpaj Beorpa churin Balaamta wajyachimorqa.

1 Pedro 2:8

Wajnejpi nillantaj: Chay rumeqa misk'achej rumiman tukun, urmachej rumimantaj, nispa. Chay rumipi ashkha misk'anku, imaraykuchus Diospa nisqanta mana jap'ikuyta munankuchu. Chayraykumin misk'anankupaj churasqa karqanku.

2 Pedro 2:15

Mana cheqanta yachachejkunaqa cheqan ñanmanta pantaykuspa, Beorpa churin Balaampa sarusqanta sarushanku. Payqa millay kajta ruwasqanmanta, qolqeta ganakuyta maytapuni munasqa.

Judas 1:11

Ay mana cheqanta yachachejkunamanta imallachus kanqapis. Paykuna Cainpa ruwasqanta ruwaspa purinku. Jinallataj qolqerayku Balaam jina runata q'otiyanku, Chantá Coré jina Diospa contranpi oqharikullasqankupitaj chinkachisqa kanqanku.

Apocalipsis 2:20

Chaywanpis kayta niyki: Qanqa Jezabel sutiyoj warmita, pichus Diosmanta sut'inchaj kasqanta nin, chay warmej millay yachachisqanta qhawakushallanki. Chay warmeqa noqata qhatiwajkunaman yachachin khuchichakuyta atillasqankuta, chantá lantikunaman jaywasqa mikhunatapis mikhuyta atisqankuta ima.

Apocalipsis 2:4

Chaywanpis, kayta contraykipi nini: Qanqa manaña ñawpajta jinachu munakuwanki.

Apocalipsis 21:8

Manchalikunarí, Diospi mana atinikuyta munajkuna, millay kajkuna, runa wañuchejkuna, khuchichakojkuna, layqakuna, lanti yupaychajkuna, chantá tukuy llullakojkuna ima azufrewan lawrashaj nina qochaman wijch'uykusqa kanqanku. Chaymá iskay kaj wañoyqa.

Apocalipsis 22:15

Jinapis jawapi qhepakonqanku millayta ruwajkuna, layqakuna, khuchichakojkuna, runa wañuchejkuna, lantita yupaychajkuna, jinallataj llullakuyta munakojkuna, chantá mana cheqanta ruwayta munakojkuna ima.