Apocalipsis 19:18 - DIOSPA QHELQACHISQ

¹⁸ Chaypi qankuna kuraj kamachejkunaj aychankuta mikhunkichej, soldadokunata kamachejkunaj aychankuta, atiyniyojkunaj aychankuta, caballokunaj aychankuta, caballopi purejkunaj aychankuta ima. Mikhullankichejtaj tukuy runaj aychankuta, wata runakunapis kachunku amapis, mana kasu ruwanapis kachunku chayrí maypaj qhawasqapis kachunku, nispa.

Qheshwa Biblia DC

¹⁸ Chaypi reykunaj aychasninta mikhunkichej, capitanespata, kallpasapakunaj aychasninta, caballospa aychasninta, caballospi purejkunata; tukuypa aychasninta, kamachispata, mana kamachispata, juch'uykunajta, jatuchejkunajta, ima.

DIOSPA QHELQACHISQAN DEUTEROCANONICAL

¹⁸ Chaypi qankuna kuraj kamachejkunaj aychankuta mikhunkichej, soldadokunata kamachejkunaj aychankuta, atiyniyojkunaj aychankuta, caballokunaj aychankuta, caballopi purejkunaj aychankuta ima. Mikhullankichejtaj tukuy runaj aychankuta, wata runakunapis kachunku amapis, mana kasu ruwanapis kachunku chayrí maypaj qhawasqapis kachunku, nispa.

Quechua South Bolivia: Dios Parlapawanchej

¹⁸ Camachejcunaj aychancuta miqhuychej. Capitancunaj aychancuta, callpasapacunaj aychancuta, caballo aychasta, llok'ajcunaj aychancuta, tucuy camachicunata, tucuy mana camachicunata, pisipaj khawaskasta, jatunpaj khawaskastapis miqhuychej, —nispa.

Apocalipsis 19:18 ပူးပေါင်းရင်းမြစ်များ

Jeremías 16:4

Paykunaqa millay onqoykunawan wañonqanku, manataj pipis paykunamanta waqanqachu, nitaj p'ampajkuna kanqachu. Pampapi wanu jina wijch'usqa qhepakonqanku. Maqanaku, yarqhay ima paykunata tukuchenqa, ayankutataj suwintukuna, k'ita animalkunawan mikhonqanku, nispa.

Jeremías 19:7

Kay cheqapi noqaqa Judá, jinataj Jerusalén imatachus ruwanankupaj wakichikorqanku, chayta chinkachisaj. Noqapuni awqankuwan paykunata atipachisaj, paykunatataj espadawan wañurachenqanku. Chantá Judamanta runakunaj ayankuta suwintukunaman, k'ita animalkunaman ima mikhunankupaj qarasaj.

Jeremías 34:20

Chayrayku paykunata wañuchiyta munaj awqankoj makinkuman jaywaykusaj. Ayankutataj suwintukuna, jinataj k'ita animalkuna ima mikhonqanku.

Jeremías 7:33

Chay runakunaj ayankuta suwintukuna, k'ita animalkuna ima mikhonqanku, nitaj pipis chaykunata mancharichej kanqachu.

Ezequiel 29:5

Chantataj challwaykikunatawan khuskata ch'innejman wijch'usqayki. Qanqa pampapi choqarayanki, manataj pipis p'ampaykusunanpaj oqharisonqachu. Campopi kaj k'ita animalkunaman, phawajkunaman ima mikhuykusunankupaj jaywaykusqayki.

Ezequiel 39:17

Kunanqa runaj churin, noqa Tukuyta Kamachej Tata Dios kaytapis nillaykitaj: Tukuy imaymana phawajkunaman, chantá campopi kaj tukuy phiña animalkunamanpis kay jinata niy: Tukuynejmanta tantaykukuspa, jamuychej. Israelpa orqonkunapi jatun qarakuta ruwasaj, chaytaj qankunapaj kanqa. Aychata mikhunkichej, yawartataj ujyankichej.

San Mateo 24:28

Maypichá aya tiyan, chayman suwintukuna tantakonqanku, nispa. Ajinata Jesús yachacherqa.

San Lucas 17:37

Chantá Jesuspa yachachisqankuna taporqanku: Tukuyta Kamachej Jesús, maypitaj chay tukuy kanqari? nispa. Paytaj kuticherqa: Maypichus aya tiyan, chayman suwintukuna tantakonqanku, nispa.

Deuteronomio 28:26

Tukuy kay pachapi kaj k'ita animalkunapis, chantá suwintukuna ima ayaykita mikhonqanku, nitaj pipis paykunamanta jark'asonqachu.

Apocalipsis 11:18

Chayrayku tukuy suyumanta runakuna phiñarikorqanku. Chaywanpis qanpa phiñakunayki p'unchay chayamunña. Wañusqakunata juzganayki p'unchaypis chayamullantaj. Jinallataj p'unchay chayamun qan, pikunachus qanmanta sut'inchajkunaman, qanpaj ajllakusqaykikunaman, sutiykita jatunchajkunaman ima ruwasqankuman jina t'inkata qopunaykipaj, mana kasu ruwana kachunku, chayrí maypaj qhawasqa kachunku. Chantá kay pachata phirejkunatapis tukuchinaykipaj p'unchay chayamullantaj, nispa.

Apocalipsis 13:16

Chay jawa kamachillarqataj tukuy runakuna paña makinkupi, chayrí mat'inkupi marcasqa kanankuta: Wawapis jatunpis kachunku, qhapajkunapis wajchakunapis kachunku, wata runapis manapis wata runachu kachunku.

Apocalipsis 17:16

Puka sierpe, jinallataj chunka wajrankuna ima phisu warmita chejnenqanku. Chayrayku tukuy imanta qhechuspa, q'alallata saqerpayanqanku. Chantá aychanta mikhonqanku, puchojtataj ninaman choqaykuspa, ruphaykuchenqanku.

Apocalipsis 19:5

Chantataj kamachina tiyanamanta ujpa parlasqanta uyarerqani: Diospa tukuy kamachinkuna, payta may jatun respetowan qhawajkuna, mana kasu ruwana, jinataj maypaj qhawasqa kajkuna, Diosninchejta yupaychaychej, nispa.

Apocalipsis 6:15

Jinaqa kay pachapi kuraj kamachejkuna, kurajkuna, soldadokunata kamachejkuna ima qaqa jusk'upi, chantá orqo jusk'upi ima pakaykukorqanku. Jinallataj qhapajkuna, atiyniyojkuna, wata runakuna, mana wata runakunapis pakaykukullarqankutaj.

1 Samuel 17:44

Filisteoqa nillarqataj: Jamuy kayman. Noqaqa aychaykita suwintukunaman, jinataj aychata mikhoj animalkunaman qaraykusaj, nispa.

1 Samuel 17:46

Kunanpacha Tata Diosqa qanta atipayta yanapawanqa, noqataj wañuchisqayki, umaykitataj qholurparisqayki. Jinataj tukuy filisteokunaj ayankuta suwintukunaman, aycha mikhoj animalkunamanwan qarasaj. Jinamanta tukuy yachanqanku Israel ukhupi Dios kasqanta.