Apocalipsis 19:12 - DIOSPA QHELQACHISQ

¹² Paypa ñawenqa nina lawray jina karqa, umanpitaj ashkha pilluyoj karqa. Sutenqa qhelqasqa karqa, chay sutintataj mana pipis yacharqachu, manachayqa paylla.

Qheshwa Biblia DC

¹² Ñawisnenqa nina larway jina. Uman patapitaj ashkha pillus karqanku. Escribisqa sutitaj tiyaporqa. Chayta mana pipis rejsiyta atejchu, manachayqa paylla rejsej.

DIOSPA QHELQACHISQAN DEUTEROCANONICAL

¹² Paypa ñawenqa nina lawray jina karqa, umanpitaj ashkha pilluyoj karqa. Sutenqa qhelqasqa karqa, chay sutintataj mana pipis yacharqachu, manachayqa paylla.

Quechua South Bolivia: Dios Parlapawanchej

¹² Paypa ñawisnenka ninajina laurashan, umanpitaj ashqha camachina pillusniyoj. Sutin paypi kelkaska cashan, chaytaka paylla yachan.

Apocalipsis 19:12 ပူးပေါင်းရင်းမြစ်များ

Génesis 32:29

29 (30) Chaymanta Jacob taporqa: Qanpa sutiykirí, imataj? nispa. Chay runataj nerqa: Imapajtaj sutiyta tapuwankiri? nispa. Jinata nispataj, Jacobta samincharqa.

Salmos 8:5

5 (6) Qanqa angelkunamanta tumpa pisillata ruwarqanki, payta jatunchaspataj, respetowan qhawanapaj jina pilluwan jina pilluykucherqanki.

Éxodo 23:21

Paypa nisqanta uyarispa kasukuy, amataj mana uyarikuyta munajqa kaychu. Payqa noqaj sutiypi ruwanqa, mana uyarikoj kasqaykitataj mana pampachanqachu.

Proverbios 30:4

Pitaj janaj pachaman wicharerqa, urayk'amorqatajri? Pitaj wayrata makinpi q'apiyta atinmanri? Pitaj mama qochata llijllapi q'epichaykorqari? Pitaj kay pachaj mojonninkunata churarqari? Chaytachus yachanki chayqa, willaway: Imataj paypa sutinri? Imataj churinpa sutinpisri?

TAKIYKUNA 3:11

Sión llajtamanta sipaskuna, llojsimuychej kuraj kamachej Salomonta qhawaj. Payqa umanpi k'acha pilluwan kashan. Chay pilluta maman casarakunanpaj ruwaporqa, tukuy kawsayninpi manchayta kusikunan p'unchaypaj.

Isaías 62:3

Qanqa k'ancharishaj pillu jina Tata Diospa makinpi kanki, valorniyoj k'achitu alaja jina Diosniykej makinpi.

Isaías 9:6

6 (5) Uj qhari wawa paqaripuwanchejña, Diostaj uj qhari wawata qowanchej. Kamachinanpaj jatun ateyqa paywan kanqa. Paytataj sutichanqanku: May K'acha Yuyaychaj, Tukuy Atiyniyoj Dios, Wiñay Kawsayniyoj Tata, Allin Kawsayta Apamoj Kamachej ima.

Daniel (hebreo) 10:6

Ukhonqa topacio rumi jina lliphipirerqa, uyantaj lliuj lliuj jina k'ancharerqa. Ñawenqa nina lawray jina karqa. Makinpis, chakinpis bronce jina lliphipisharqanku. Parlasqantaj ashkha runaj parlasqankuman rijch'akorqa.

Zacarías 9:16

Chay p'unchaypi Tata Diosqa ayllunta awqankumanta kacharichenqa oveja tropata jina, paykunataj kikin llajtankupi pillupi valorniyoj k'achitu rumi jina lliphipirenqanku.

San Mateo 11:27

Chantá Jesús chaypi kajkunata nillarqataj: Tatayqa tukuy imata qowan. Mana pipis yachanchu pichus Churi kasqanta. Chaytaqa Tatalla yachan. Nitaj pipis yachanchu pichus Tata kasqanta, manachayqa Churillan yachan, jinallataj pimanchus Churin rejsichiyta munan, chay.

San Mateo 21:5

Jerusalén llajtaman niychej: Kuraj kamachejniyki jamushasunki, paytaj llamp'u sonqoyoj kaspa, china burroj uñanpi lloq'asqa jamushan, maltón burritopi, nispa.

San Mateo 28:18

Chantá Jesús qayllaykuspa, paykunata nerqa: Tata Diosneyqa kamachinapaj tukuy atiyta qowan janaj pachapi, kay pachapipis.

San Lucas 10:22

Chantá Jesús chaypi kajkunata nillarqataj: Tatayqa tukuy imata qowan. Mana pipis yachanchu pichus Churi kasqanta. Chaytaqa Tatalla yachan. Nillataj pipis yachanchu pichus Tata kasqanta, manachayqa Churillan yachan, jinallataj pimanchus Churi rejsichiyta munan, chaypis, nispa.

San Juan 17:11

Noqa manaña kay pachapichu kasaj. Paykunataj kay pachapi qhepakonqanku, noqatajrí qanman jampusaj. May llimphu kaj Tatáy, noqapi atinikojkunata atiyniykiwan waqaychay, paykuna uj sonqolla kanankupaj, imaynatachus qanwan noqawan ujlla kanchej, ajinata.

San Juan 17:12

Kay pachapi paykunawan kashaspaqa, noqa atiyniykiwan paykunata waqaycharqani, pikunatachus qowarqanki, chaykunata. Manataj mayqenpis chinkarqachu, manachayqa chinkananpaj churasqa kajlla, ajinamanta Diospa Qhelqachisqan junt'akunanpaj.

Efesios 1:21

Tata Diosqa Cristota churarqa tukuy kurajkunaj, atiyniyojkunaj, kallpayojkunaj, chantá kamachejkunaj patankuman ima. Jinallataj Cristoj sutin tukuy rejsisqa sutimantapis aswan jatunchasqa kananpaj churallarqataj mana kunallanchu, manachayqa jamoj p'unchaykunapipis.

Hebreos 2:9

Diosqa Jesusta churarqa angelkunamanta tumpawan pisi kananpaj. Chaywanpis kunan Jesusta rikunchej, jatun kaywan pilluchisqata, jatunpaj qhawasqata ima, noqanchejrayku ñak'arispa wañusqanrayku. Dios munakuwasqanchejrayku munarqa Churin tukuy runarayku wañunanta.

Apocalipsis 1:14

Paypa chujchan yuraj millma jina karqa, rit'i jina yurajtaj, ñawintaj nina lawray jina karqa.

Apocalipsis 12:3

Jinallataj janaj pachapi runaj mana jayk'aj rikusqan waj t'ukuna rikhurillarqataj: Uj jatun puka sierpe rikhurerqa. Chay sierpeqa qanchis umayoj, chunka wajrayoj karqa, sapa umanpitaj pilluyoj.

Apocalipsis 13:1

Chantá noqa mama qochamanta waj sierpeta rikhurimojta rikullarqanitaj. Chayqa chunka wajrayoj karqa, qanchis umayojtaj. Chay sierpej wajrankuna patapi chunka pillukuna karqa, umankuna patapitaj Diosta phiñachinapaj jina millay sutikuna karqa.

Apocalipsis 19:16

P'achanpitaj, moqon patanejpitaj kay suti qhelqasqa karqa: Kamachejkunaj Kuraj Kamachejninku, Wiraqochikunaj Kamachejnintaj, nispa.

Apocalipsis 3:12

Jinataj tukuy atipajkunataqa Diosniypa Templonpi sayanta jina kanankuta ruwasaj, manataj jayk'ajpis chaymanta kuyurichisqachu kanqanku. Jinallataj noqaqa Diosniypa sutinta paykunapi qhelqasaj, Diosniypa llajtanpa sutintawan ima. Chayqa mosoj Jerusalén, mayqenchus janaj pachamanta, chantá Diosniymanta ima urayk'amonqa, chay. Mosoj sutiytapis paypi qhelqallasajtaj.

Apocalipsis 6:2

Chantá chaypi uj yuraj caballota rikorqani. Chay caballopi lloq'asqa kajtaj flechanapaj uj arcota jap'isharqa. Paymantaj uj pilluta churarqanku. Jinataj caballopi lloq'asqa maqanakuspa atipananpaj llojserqa, atipanallanpajpunitaj.

Jueces 13:18

Tata Diospa angelnintajrí kuticherqa: Imapajtaj sutiyta yachayta munankiri? Suteyqa may t'ukuna pakasqa sutimin, nispa.