Apocalipsis 19:11 - DIOSPA QHELQACHISQ

¹¹ Chaypacha, noqa janaj pachata kicharisqata rikorqani. Uj runa yuraj caballopi lloq'asqa kasharqa, sutintaj karqa Nisqanta Junt'aj Kaj, chantá Cheqa Kaj ima, imaraykuchus payqa justiciata ruwan, chantá cheqa kajta ruwaspa maqanakun.

Qheshwa Biblia DC

¹¹ Chaypacha, janaj pacha kicharisqata rikorqani. Uj runa yuraj caballopi tiyasqa kasharqa, paytaj junt'aj, cheqa sutichasqataj karqa. Payqa cheqanta juzgan, maqanakuntaj.

DIOSPA QHELQACHISQAN DEUTEROCANONICAL

¹¹ Chaypacha, noqa janaj pachata kicharisqata rikorqani. Uj runa yuraj caballopi lloq'asqa kasharqa, sutintaj karqa Nisqanta Junt'aj Kaj, chantá Cheqa Kaj ima, imaraykuchus payqa justiciata ruwan, chantá cheqa kajta ruwaspa maqanakun.

Quechua South Bolivia: Dios Parlapawanchej

¹¹ Ricorkanitaj janaj pachata quichaskata. Uj yuraj caballotaj riqhurimorka. Chay caballopi llok'aska cajka niskanta junt'aj caj, cheka cajtaj. Payka chekanta juzgan, sajra cajpa contranpitaj makanacun.

Apocalipsis 19:11 ပူးပေါင်းရင်းမြစ်များ

Salmos 50:6

Janaj pachapis Diospa cheqan ruwasqanmanta willallantaj, imaraykuchus Diosqa juezmin.

Salmos 96:13

Tata Diospa ñawpaqenpi kusikuchunku, imaraykuchus pay jamushan. Arí, pay jamushan kay pachata kamachinanpaj. Chaymantataj kay pachapi tukuy runata maychus kajta, cheqa kajwantaj kamachenqa.

Salmos 98:9

Tata Dios kay pachata juzgananpaj jamushan. Payqa kay pachapi runakunata cheqan kajman jina juzganqa, mana pimanpis sayakuspa.

Salmos 99:4

Tata Dios, qan may jina atiyniyoj Kuraj Kamachej kanki, justiciatataj munakunki. Qanmin tukuypaj uj rejllata ruwanata sayacherqanki. Jacobpa churinkunapaj justiciata, cheqan kajta ima ruwarqanki.

Éxodo 15:3

Tata Diosqa sumaj maqanakojmin, sutintaj Tata Diosmin.

Isaías 32:1

Qhawariychej, cheqanta ruwaj kuraj kamachej jamonqa, kamachiyninpi kaj kurajkunapis justiciawan kamachenqanku.

Isaías 45:21

Qankuna allinta parlaychej. Ruwasqaykichejmanta sumajta rimanakuspa, imatachus ninaykichejta wakichikuychej. Pitaj qallariymantapacha chay imakunata ruwarqari? Pitaj unaymantapacha chay imakunata willanri? Manachu Noqa Tata Dios chay imakunamanta willarqaykichej? Noqamanta jawaqa mana waj dios kanchu. Noqalla cheqanta ruwaj Dios, qhespichejtaj kani. Noqamanta jawaqa manapuni ujpis kanchu.

Jeremías 33:15

Chay p'unchaypi Davidpa mirayninmanta uj kuraj kamachejta churasaj, paytaj chay suyupi cheqan kajta, justiciata ima ruwanqa.

Ezequiel 1:1

Kinsa chunka kaj watapi, tawa kaj killamanta phishqa kaj p'unchayninpi noqaqa Quebar nisqa mayu kantupi kasharqani, Judamanta Babiloniaman apasqa runakunaj chawpinkupi. Chantá jinallaman janaj pacha kicharikorqa, Tata Diostataj mosqoypi jina rikorqani.

Zacarías 1:8

Uj ch'isi mosqoypi jina rikorqani uj runata puka caballopi lloq'asqata, vallepi arrayán sach'akuna chawpipi sayashajta. Rikullarqanitaj qhepannejpi puka caballokunata, oqe caballokunata, chantá yuraj caballokunata ima.

San Juan 1:51

Jesús nillarqataj: Kayta sut'ita niykichej: Kunanmanta ñawpajmanqa qankuna janaj pachata kicharisqata rikunkichej, Diospa angelninkunatataj Runaj Churinman urayk'amushajta, wicharishajtataj, nispa.

San Juan 14:6

Chantá Jesús kuticherqa: Noqa ñan kani, cheqa kajtaj, kawsaytaj. Mana pipis Tata Diosman chayayta atinchu, mana noqanejta rispaqa.

Apocalipsis 1:5

Jesucristoqa cheqanta willaj testigomin. Paymin wañusqamanta ñawpajta kawsarimporqa, payllataj kay pachapi tukuy kuraj kamachejkunata kamachin. Jesucristo munakuwarqanchej, jinataj wañuspa yawar jich'asqannejta juchanchejta pampacharqa.

Apocalipsis 11:19

Jinallapi janaj pachapi kashaj Diospa templon kicharikorqa, chaypitaj Diospa trato ruwasqan arca rikukorqa. Chaypachallataj lliuj lliujkuna, jatunmanta parlaykuna, qhon qhonkuna, jallp'a ikhakuy, chantá manchay chijchi para ima karqa.

Apocalipsis 19:19

Chaymanta sierpeta, chantá kay pachapi kuraj kamachejkunata ima rikorqani. Paykuna ashkha soldadota tantaykuspa, yuraj caballopi lloq'asqa kajpa contranpi, chantá soldadonkunaj contrapi ima maqanakoj risharqanku.

Apocalipsis 19:21

Sierpej soldadonkunapis wañuchisqallataj karqanku yuraj caballopi lloq'asqa kajpa siminmanta llojsej espadawan. Chantá aycha mikhu phawajkunaqa wañusqakunaj aychankuwan sajsakorqanku.

Apocalipsis 3:14

Laodicea llajtapi iglesiaj angelninman kay nisqayta qhelqay: Ajina kachun nej, cheqanta willaj, mana llullakoj testigo, pinejtachus Dios tukuy imata qallariypi ruwarqa, chay nisunki:

Apocalipsis 3:7

Filadelfia llajtapi iglesiaj angelninman kay nisqayta qhelqay: Kay jinata nin May Llimphu Kaj, Cheqa Kaj, pichus kuraj kamachej Davidpa llaventa jap'in, chay. Pay punkuta kicharejtin, mana pipis wisq'ayta atinchu, punkuta wisq'ajtintaj, mana pipis kichariyta atinchu.

Apocalipsis 4:1

Chaykuna qhepanta, noqa janaj pachapi uj punku kichasqata rikorqani. Chantá qallariypi trompeta jina jatunmanta parlamojta uyarerqani, paytaj niwarqa: Kayman qayllamuy, noqataj qhepanejman imakunachus kanan kashan, chaykunata rikuchisqayki, nispa.

Apocalipsis 6:2

Chantá chaypi uj yuraj caballota rikorqani. Chay caballopi lloq'asqa kajtaj flechanapaj uj arcota jap'isharqa. Paymantaj uj pilluta churarqanku. Jinataj caballopi lloq'asqa maqanakuspa atipananpaj llojserqa, atipanallanpajpunitaj.