Apocalipsis 18:7 - DIOSPA QHELQACHISQ

⁷ Pay runaykacharqa, chhika patapi kaspataj, munasqallanta ruwarqa. Kunantajrí ruwasqanman jina payta ñak'arichiychej, waqachispataj kusikuychej, imaraykuchus payqa sonqonpi nerqa: Noqaqa qoya jina kamachinaypi tiyasqa kashani. Mana warmisapachu kani, nitaj waqanatapis rikusajchu, nispa.

Qheshwa Biblia DC

⁷ Imaynatachus pay jatunchakorqa, kusiykunapi kausarqa, ajinallatataj payman ñak'ariyta, waqaytawan qoychej. Payqa sonqompi nin: Noqaqa reina jina tiyasqa kashani, manataj viudachu kani, nitaj waqaytapis rikusajchu.

DIOSPA QHELQACHISQAN DEUTEROCANONICAL

⁷ Pay runaykacharqa, chhika patapi kaspataj, munasqallanta ruwarqa. Kunantajrí ruwasqanman jina payta ñak'arichiychej, waqachispataj kusikuychej, imaraykuchus payqa sonqonpi nerqa: Noqaqa qoya jina kamachinaypi tiyasqa kashani. Mana warmisapachu kani, nitaj waqanatapis rikusajchu, nispa.

Quechua South Bolivia: Dios Parlapawanchej

⁷ Jatunchacuskanmanjina, mana frenoyoj munayninta sajsachiskanmanjinapis payka ñac'arichiska phutichiskataj cachun. Payka sonkonpi nicun: “Camachinaypaj tiyaska cashani. Mana viudachu cani, nitaj jayc'ajpis phuticusajchu”, nispa.

Apocalipsis 18:7 ပူးပေါင်းရင်းမြစ်များ

Ester (hebreo) 6:10

Chantá kuraj kamachejqa Amanta nerqa: Usqhayllata caballoytawan, p'achaytawan jap'ispa, nisqaykiman jina judío Mardoqueowan ruway, pichus kamachina wasi punkupi tiyasqa kashan, chaywan. Chay nisqaykitaqa kikintapuni ruway, ama imatapis qonqaspa, nispa.

Salmos 10:6

Sonqonpi nin: Noqaqa mana jayk'aj urmasajchu, llakiypis mana jayk'aj chayamuwanqachu, nispa.

Salmos 45:9

9 (10) Kuraj kamachejkunaj ususinkunapis muyuyniykipi kashallankutaj, kamachinayki tiyanaj pañanpitaj qoyaqa Ofirmanta sumaj qoriwan k'achanchasqa kashan.

Jeremías 13:18

Kuraj kamachejman, jinataj qoyamanpis kay jinata niy: Kamachinaykichej tiyanakunamanta urayk'uspa, pampapi tiyakuychej, imaraykuchus umaykichejta k'achancharqa, chay pilluykichejqa urmanña, nispa.

Lamentaciones 1:1

Jerusalén llajta unay may chhika runayoj karqa, kunantaj ch'inpacha qhepakun. Llajtakuna ukhupi chay chhika jatun llajta kashaspa, warmisapaman jina tukun. Suyukunata kamachej llajtataj kunanqa mit'animan tukun.

Ezequiel 23:34

Tukuykunaykikama chaymanta ujyanki. Chantá vasota p'akinki, chay k'anallawantaj ñuñuykitapis khuchurakunki. Noqa Tukuyta Kamachej Tata Dios chayta nini.

Abdías 1:3

Wapuykachasqayki q'otiyasorqa. Chhanka jusk'ukunapi kawsasqaykirayku, orqo patapi tiyakusqaykirayku ima sonqoykipi nerqanki: Noqataqa mana pipis urmachiwanmanchu, nispa.

Sofonías 2:15

Ajina kanqa jatunchakoj llajtapaj, pikunachus ni imamanta llakikuspa kawsakojkunapaj. Chaypi tiyakojkuna sonqonkupi nerqanku: Llajtanchej jina tukuy kay pachapi mana waj llajta kanchu, nispa. Kunantajrí ch'inpacha, k'ita animalkunaj puñunallanña kashan. Chayninta tukuy purejkunataj umankuta khiwirispa, asikunku.

1 Timoteo 5:11

Sipasllaraj warmisapakunatarí ama listankichu, imaraykuchus paykuna sonqonkoj munasqanwan atipachikuspa, Cristoman imatachus nisqankuta qonqapunkuman. Jinaspataj, ujtawan casarakuyta munankuman.

Apocalipsis 18:3

Kay pachapi tukuy suyumanta runakuna chay phisu warmi jina Babilonia llajtawan khuchichakuspa machaykorqanku. Kay pachapi kuraj kamachejkunapis paywan khuchichakullarqankutaj, qhatojkunataj qhapajyarqanku, imajtinchus pay sonqonpa tukuy munasqanta rantikorqa, nispa.

Apocalipsis 18:9

Kay pachapi kuraj kamachejkuna chay phisu warmiwan khuchichakorqanku, paywantaj chhika patapi kawsaspa, millayta kawsanaman qokorqanku. Chayrayku paykuna ruphaykusqan q'oshñisqanta rikuspa, llakisqa qhaparenqanku, maytataj waqanqanku.