Apocalipsis 18:4 - DIOSPA QHELQACHISQ

⁴ Chaymantá janaj pachamanta wajpa parlamusqantañataj uyarerqani: Noqajta kajkuna, chay llajtamanta llojsimuychej. Ama chay llajtaj juchallisqanwan chhapukuychejchu, ama paywan khuska jasut'isqa kanaykichejpaj.

Qheshwa Biblia DC

⁴ Janaj pachamanta wajpa parlamusqanta uyarerqani, nimojta: Llojsimuychej chay llajtamanta aylluymanta kajkuna. Ama paypa juchasninman chajrukuychejchu, ama paywan jasut'ita jap'inaykichejpaj.

DIOSPA QHELQACHISQAN DEUTEROCANONICAL

⁴ Chaymantá janaj pachamanta wajpa parlamusqantañataj uyarerqani: Noqajta kajkuna, chay llajtamanta llojsimuychej. Ama chay llajtaj juchallisqanwan chhapukuychejchu, ama paywan khuska jasut'isqa kanaykichejpaj.

Quechua South Bolivia: Dios Parlapawanchej

⁴ Uyarerkanitaj janaj pachamanta waj parlamojta: —Runasniy cajcuna, chay llajtamanta llojsimpuychej ama juchallej-masisnin canayquichejpaj. Ajinapi chay llajtaj manchay llaquiycunanta mana ñac'arinquichejchu.

Apocalipsis 18:4 ပူးပေါင်းရင်းမြစ်များ

Génesis 19:14

Chantá Lot, pikunachus ususinkunawan casarakunanku karqa, chay waynakunaman willaj rerqa: Usqhayta kaymanta ayqenachej, imajtinchus Tata Dios kay llajtata chinkarparichenqa kasqa, nispa. Tolqankunatajrí Lotpa nisqanta mana kasorqankuchu, paykunawan pujllakushasqanta yuyasqankurayku.

Salmos 50:18

Suwata rikuspaqa: Allinta ruwanki, nispa jap'ikunki, khuchi runakunawantaj kawsakunki.

Isaías 48:20

Chaywanpis kunan Babiloniamanta llojsiychej, caldeokunamantataj ayqekuychej. Kay imakunamanta kusiywan willamuychej, kay pachaj k'uchunkamataj uyarichiychej. Chaypacha niychej: Tata Dios pagota qospa kamachin Jacobta kacharichin, nispa.

Isaías 52:11

Ayllúy, Babiloniamanta llojsimuychej. Llojsimushaspataj, ama ch'ichipaj qhawasqa kajta llankhaychejchu. Babiloniaj chawpinmanta llojsimuspa llimphuchakuychej, Tata Diosta yupaychanapaj imakunata apajkuna.

Jeremías 50:8

Babiloniamanta llojsiychej, caldeokunaj suyunkunamanta ayqeychej. Chivato jina tropaj ñawpaqenta riychej.

Jeremías 51:45

Aylluymanta kajkuna, Babiloniamanta llojsimpuychej, sapa ujtaj kawsayninta noqa Tata Diospa sinch'i phiñakuyniymanta librachun.

Jeremías 51:50

Qankuna wañuchisqa kanamanta llusp'ejkuna, mana sayarispa, ayqekuychej. Karupi kashaspapis, Tata Diosmanta yuyarikuychej, jinallataj Jerusalenmantapis.

Jeremías 51:6

Babiloniamanta ayqeychej. Pichus atejqa ayqekuchun. Ama qankunapis Babiloniaj millayta ruwasqanrayku wañuchisqachu kaychej, imaraykuchus Tata Diospa vengakunan p'unchay chayamun, paytaj ruwasqankuman jina paykunaman kutichiponqa.

Jeremías 51:9

Babiloniata jampiykunchejña, jinapis manapuni qhaliyanchu. Payta saqerparispa, suyunchejman jaku ripunachej, imaraykuchus juchachasqa kasqanqa janajkama chayan, phuyukamataj oqharikun.

San Mateo 23:30

Chantá ninkichej: Sichus ñawpa tatanchejkuna kawsasharqanku, chaypacha kawsashasunman karqa chayqa, noqanchej Diosmanta sut'inchajkunata wañuchiyta mana yanapasunmanchu karqa, nispa.

2 Corintios 6:17

Chayrayku Dios nillantaj: Paykunaj chawpinkumanta llojsiychej, t'aqakuychejtaj. Ama ch'ichipaj qhawasqa kajta llankhaychejchu, noqataj qankunata jap'ikapusqaykichej.

1 Timoteo 5:22

Chantá, ama pitapis usqhay usqhayta iglesiata pusarej kananpaj churallaychu, pantaykojtin, ama ruwaysikoj jina rikhurinaykipaj. Manachayqa qan kikiyki mana allin kajmanta t'aqakuy.

2 Juan 1:11

Pichus chay runata: Walejta jamunki, nispa nejrí, mana allin kajta ruwasqanpi ruwaysikoj kashan.