Apocalipsis 17:8 - DIOSPA QHELQACHISQ

⁸ Chay rikusqayki sierpe ñawpajta karqa, kunantajrí manaña kanchu. Chaywanpis manaraj wiñaypaj chinkachisqa kashaspa, ukhu pachamanta ujtawan rikhurimonqa. Kay pacha ruwasqa kasqanmantapacha pikunaj sutinkuchus kawsay p'anqapi mana listasqachu kashan, chaykunaqa sierpeta rikuspa, t'ukonqanku. Chay sierpeqa ñawpajta karqa, kunantaj manaña kanchu, chaywanpis kutimonqarajmin.

Qheshwa Biblia DC

⁸ Chay rikusqayki phiña animalqa karqa, manataj kanchu. Ukhu pachamanta wicharimonqa, chinkaymantaj renqa. Jallp'a patapi tiyakojkunataj, pikunaj sutisninkuchus kausay libropi mana escribisqachu kashanku kay mundoj qallariyninmantapacha, phiña animalta rikuspa t'ukonqanku. Chay animaltaj karqa, manataj kanchu, kanqataj.

DIOSPA QHELQACHISQAN DEUTEROCANONICAL

⁸ Chay rikusqayki sierpe ñawpajta karqa, kunantajrí manaña kanchu. Chaywanpis manaraj wiñaypaj chinkachisqa kashaspa, ukhu pachamanta ujtawan rikhurimonqa. Kay pacha ruwasqa kasqanmantapacha pikunaj sutinkuchus kawsay p'anqapi mana listasqachu kashan, chaykunaqa sierpeta rikuspa, t'ukonqanku. Chay sierpeqa ñawpajta karqa, kunantaj manaña kanchu, chaywanpis kutimonqarajmin.

Quechua South Bolivia: Dios Parlapawanchej

⁸ Ricorkanqui, chay millay animalka causarka, chanta, wañuska carka. Nina kochamanta wicharimushanña, wiñay wañuyman rishaspa. Cay pachapi tiyacojcuna millay animalta ricuspa t'uconkancu. Chay t'ucojcunaka mana listaska cajcuna cancu, cay pacha kallaricuymantapacha, wiñay causay libropi. Paycuna riconkancu millay animalta, chay causaskanta, wañuskanta, ujtawantaj riqhurimuskanta. Chayraycu mayta t'uconkancu.

Apocalipsis 17:8 ပူးပေါင်းရင်းမြစ်များ

Salmos 69:28

28 (29) Kawsay p'anqaykimanta sutinkuta orqhopuy, cheqan runakunaj sutinkutawan khuskata ama sutinkuta qhelqaykuychu.

Daniel (hebreo) 11:45

Chay kuraj kamachejqa toldonkunata sayaykuchenqa, mama qochawan, Diospaj t'aqasqa orqowan, chay chawpipi. Chaypitaj wañunan p'unchay chayamonqa, manataj pipis payta yanapaj kanqachu.

Daniel (hebreo) 7:11

Ajinata qhawashaspapuni, noqa chay juch'uy wajrata uyarerqani mayta jatunchakuspa t'ukuna imakunata parlashajta. Chantá qhawashajtillayraj, manchachikuna animalta wañuchisqanku. Chaymantataj ukhunta mitharaytawan, ninaman choqaykusqanku q'olachisqa kananpaj.

Daniel (hebreo) 7:26

Chantá payta juzganqanku, chay kuraj kamachejpa atiyninta qhechojtinkutaj, pay wiñaypaj chinkachisqa kanqa.

Daniel (hebreo) 7:3

Chayllaman, mama qochamanta tawa jatuchaj animalkuna llojsimusqanku, sapa ujtaj waj jina rijch'ayniyoj kasqa.

Daniel (hebreo) 7:7

Chantá tawa kaj animalta rikorqani, chaytaj ancha mancharina jina kasqa, manchachikunapaj jinapuni, manchay kallpayojtaj. Jatuchaj fierromanta kirunkunawan tukuy imata chhikan chhikanta mithaspa mikhukapusqa, puchojtataj chakinwan sarurasqa. Kay tawa kaj animal mana chay waj animalkunaman rijch'akusqachu. Umanpipis chunka wajrayoj kasqa.

San Mateo 25:34

Chantá Kuraj Kamachejqa pañanpi kajkunata nenqa: Jamuychej, qankunaqa Tataypa saminchasqan kankichej. Chayrayku Diospa janaj pacha kamachiyninman yaykuychej, mayqenchus kay pachaj qallariyninmantapacha chayaqeykichejpaj wakichisqa karqa, chayman.

San Lucas 10:20

Chaywanpis, ama supaykuna kasususqaykichejllamantachu kusikuychej. Astawanpis sutiykichej janaj pachapi qhelqasqa kasqanmantamin kusikuychej.

San Lucas 8:31

Chay supaykunatajrí Jesusmanta mañakorqanku ama paykunata ukhu pachaman kachaykunanta.

San Juan 17:24

Tatáy, munani qowasqayki kajkuna, maypichus noqa kasaj, chaypi noqawan kanankuta. Chaypacha qowasqayki jatun kayniypa lliphipiyninta rikuyta atenqanku, imaraykuchus manaraj kay pacha ruwasqa kashajtin, qan munakuwarqanki.

Hechos 15:18

Ajinata Tukuyta Kamachej Dios nin, pichus kay imakunata ruwananta unaymantapachaña rejsicherqa, chay, nispa.

Efesios 1:4

Manaraj kay pachata ruwashaspa, Diosqa Cristonejta ajllakuwarqanchej llimphupuni kananchejpaj, jinataj paypa ñawpaqenpi mana k'amina kananchejpaj ima.

Tito 1:2

Cheqa kajta yachasqankoqa paykunata yanapan wiñay kawsayniyojña kasqankuta sut'ita yachanankupaj, imaraykuchus mana jayk'aj llullakoj Diosmin chay wiñay kawsayta qonanta nerqa, manaraj kay pacha ruwasqa kashajtin.

1 Pedro 1:20

Manaraj kay pacha ruwasqa kashajtin, Cristo chaypaj ajllasqa karqa. Paytaj kay qhepanejman rikhurimorqa qankunaj allinniykichejpaj.

Apocalipsis 11:7

Chantá testigokuna willayta tukojtinkuña, ukhu pachamanta wicharimoj chay millay sierpe paykunawan maqanakuspa, atipaykonqa, ajinamantataj paykunata wañurachenqa.

Apocalipsis 17:11

Chay puka sierpe pichus karqa, kunantaj manaña kanchu, chayllataj pusaj kaj kamachej. Payqa chay qanchis kamachejkuna jinallataj kashan, paypis wiñaypaj chinkachisqa kanallanmantaj rishan.

Apocalipsis 17:2

Kay pachapi kaj kuraj kamachejkunaqa paywan khuchichakorqanku, kay pachapi tiyakojkunapis paywan khuchichakuypi purispa vinowan jina machaykorqanku, nispa.

Apocalipsis 20:10

Jinapi paykunata q'otiyaj, chay Kuraj Supayqa azufrewan lawrashaj nina qochaman wijch'uykusqa karqa, maypichus chay ñawpaj kaj sierpe, chantá llulla sut'inchaj ima kasharqanku, chayman. Chaypitaj paykuna tuta p'unchay, wiñaypa wiñayninkama ñak'arenqanku.

Apocalipsis 20:12

Chantá rikullarqanitaj Diospa ñawpaqenpi sayashajta wañusqakunata, pikunachus mana kasu ruwana, jinataj maypaj qhawasqa karqanku, chaykunata. Chantá angelkuna p'anqakunata kicharerqanku, chay p'anqakunamanta ujnintaj kawsay p'anqa karqa. Chay wañusqakunataj juzgasqa karqanku, kawsashaspa imatachus ruwasqankumanta, p'anqakunapi qhelqasqa kasqanman jina.

Apocalipsis 20:15

Jinallataj pejpa sutinchus Kawsay P'anqapi mana listasqachu karqa chayqa, chay runa nina qochaman wijch'uykusqa karqa.

Apocalipsis 3:10

Qanqa pacienciawan suyanaykita kamachisqayta kasorqanki. Chayrayku noqapis ñak'ariy p'unchaypi qanta waqaychasqayki. Chay ñak'arinaqa tukuy kay pachapi kaj chhika runakunaman jamonqa imayna sonqoyojchus kasqanku yachakunanpaj.

Apocalipsis 3:5

Tukuy atipajkunaqa yuraj p'achawan p'achallichisqa kanqanku, manataj kawsay p'anqamanta sutinkuta orqhosajchu. Manachayqa Tataypa ñawpaqenpi, chantá angelninkunaj ñawpaqenpi ima rejsichisaj paykuna noqajta kasqankuta.