Apocalipsis 17:1 - DIOSPA QHELQACHISQ

¹ Chay qhepata, qanchis angelkunamanta, pikunachus chay qanchis vasokunata jap'isharqanku, chaykunamanta ujnin kaj jamuspa, niwarqa: Kayman chimpamuy, chay phisu warmi imaynatachus juchachasqa kananta rikunaykipaj, pichus ashkha yaku patapi tiyasqa kashan, chayta.

Qheshwa Biblia DC

¹ Chaypacha, qanchis angelesmanta pikunachus qanchis vasosta jap'isharqanku, chaykunamanta ujnin kaj jamorqa, parlapayawaspataj niwarqa: Kayman jamuy, qhencha warmej juchachasqa kasqanta rikuchisqayki. Payqa ashkha yaku patapi tiyasqa kashan.

DIOSPA QHELQACHISQAN DEUTEROCANONICAL

¹ Chay qhepata, qanchis angelkunamanta, pikunachus chay qanchis vasokunata jap'isharqanku, chaykunamanta ujnin kaj jamuspa, niwarqa: Kayman chimpamuy, chay phisu warmi imaynatachus juchachasqa kananta rikunaykipaj, pichus ashkha yaku patapi tiyasqa kashan, chayta.

Quechua South Bolivia: Dios Parlapawanchej

¹ Chay kanchis vasosniyoj angelesmanta ujnin jamuspa parlaycuwarka: —Jamuy, Babilonia llajtaj contranpi juiciota ricuchiskayqui. Kochacuna patapi tiyashaj khenchachacoj llajtata Dios juchachashan.

Apocalipsis 17:1 ပူးပေါင်းရင်းမြစ်များ

Isaías 1:21

Unay Jerusalenqa noqata kasuwaj llajta karqa, kunantaj phisu warmiman jina tukun. Ñawpajtaqa justiciatawan, chantá cheqanta ruwaj runakunawan junt'a karqa. Kunanrí mana juchayoj kajta wañuchejkunawan junt'a kashan.

Isaías 57:3

Chantá Tata Dios nillantaj: Qankuna layqa warmej wawankunarí, kayman jamuychej. Qankuna, pichus warminta wasanchaj qharimanta, phisu warmimantawan mirajkuna, jamuychej.

Jeremías 2:20

Tata Dios Israelta nillantaj: Unaymantaña qanqa contraypi oqharikorqanki, manataj kasuwarqankichu. Chantá nillarqankitaj: Mana payta yupaychayta munanichu, nispa. Jinaqa tukuy orqo patapi, thansa sach'aj uranpi ima phisu warmi jina juchallerqanki.

Jeremías 51:13

Qan Babilonia, jatuchaj mayu kantupi tiyakoj, may chhika qhapaj kapuyniyoj kaj, chinkachisqa kanayki p'unchay chayamunña, kawsanayki p'unchaypis tukukaponqa.

Ezequiel 31:4

Parawan, jallp'aj uranpi yakuwan ima chay sach'ata wiñacherqanku. Muyuyninpi mayu yaku purispa, tukuy chay cheqapi sach'akunata qarparqa.

San Lucas 24:32

Jinapi paykuna ninakorqanku: Manachu sonqonchej k'ajarerqa ñanpi parlashawajtinchej, Diospa Qhelqachisqanpa nisqantataj sut'inchashawajtinchej? nispa.

San Lucas 9:30

Chantá iskay qharikuna rikhurimuspa, Jesuswan parlasharqanku. Paykuna Moisés, Elías ima karqanku.

Apocalipsis 1:1

Kayqa Jesucristoj sut'inchasqan, mayqentachus Dios payman qorqa kamachinkunaman rejsichinanpaj imachus askamalla kananmanta, chay. Jesusqa angelninnejta chaykunata kamachin Juanman rejsicherqa.

Apocalipsis 15:1

Chaymanta noqa janajpi ujtawan runaj mana jayk'aj rikusqan t'ukunata rikullarqanitaj. Qanchis angelkuna qanchis qhepa kaj wañuchej onqoykunata jap'isharqanku, imaraykuchus chay onqoykunawan Diospa phiñakuynin thasnusqa kanan karqa.

Apocalipsis 16:19

Jatun llajta Babiloniataj kinsaman t'aqakorqa, tukuy kay pachapi llajtakunapis thuñisqa karqanku. Jinapi Dios chay jatun llajta Babiloniaj juchallisqanmanta yuyarikorqa, jinataj k'araj phiñakuyninwan sinch'ita jasut'erqa.

Apocalipsis 18:1

Chay qhepata noqa waj angelta rikorqani janaj pachamanta urayk'amushajta. Payqa manchay atiyniyoj karqa, kay pachataj paypa k'anchasqanwan lliphiperqa.

Apocalipsis 19:2

Diospa justicia ruwasqanqa cheqan, cheqataj. Chayrayku chay manchay uyarisqa phisu warmita juchacharqa, pichus khuchichakusqanwan kay pachata pierdecherqa, chayta. Diosqa kamachinkunata wañuchisqanmanta chay warmiwan pagachikorqa, nispa.

Apocalipsis 19:9

Chantá ángel nillawarqataj: Kayta qhelqay: Pikunachus Corderoj casaraku rayminman wajyasqa kajkunaqa kusisqa kanqanku, nispa. Nillarqataj: Ajinata Dios nispaqa, mana llullakunchu, nispa.

Apocalipsis 21:15

Noqawan parlaj angelqa qorimanta varayoj karqa, chaywan llajtata, punkunkukunata, chantá perqantawan midinanpaj.

Apocalipsis 21:9

Chantá chay qhepata qanchis angelkunamanta, pikunachus qhepata jamoj manchay ñak'ariykunawan junt'asqa vasokunata jap'isharqanku, chaykunamanta ujnin jamuwarqa. Niwarqataj: Chimpamuy, noqataj rikuchisqayki casarakunanpaj parlasqa sipasta, Corderoj warminta, nispa.

Apocalipsis 4:1

Chaykuna qhepanta, noqa janaj pachapi uj punku kichasqata rikorqani. Chantá qallariypi trompeta jina jatunmanta parlamojta uyarerqani, paytaj niwarqa: Kayman qayllamuy, noqataj qhepanejman imakunachus kanan kashan, chaykunata rikuchisqayki, nispa.