Apocalipsis 16:21 - DIOSPA QHELQACHISQ

²¹ Janajmantataj runaj patanman manchay jatuchaj chijchi para urmamorqa, kinsa arroba jina llasayoj. Runakunatajrí chijchi para chay jinata ñak'arichisqanmanta Diospaj millayta rimarqanku.

Qheshwa Biblia DC

²¹ Janaj pachamanta runasman manchay jatuchaj granizos urmamorqanku, uj quintal jina llasas. Runastaj granizoj ñak'arichisqanwan Diospaj sajrata rimarqanku, imaraykuchus chay llakeyqa maypuni karqa.

DIOSPA QHELQACHISQAN DEUTEROCANONICAL

²¹ Janajmantataj runaj patanman manchay jatuchaj chijchi para urmamorqa, kinsa arroba jina llasayoj. Runakunatajrí chijchi para chay jinata ñak'arichisqanmanta Diospaj millayta rimarqanku.

Quechua South Bolivia: Dios Parlapawanchej

²¹ Runasmantaj janaj pachamanta quintalniyojjina granizamorka. Chay granizo ñac'ariyka ancha fiero caskanraycu runas Diospaj sajrata parlarkancu.

Apocalipsis 16:21 ပူးပေါင်းရင်းမြစ်များ

Job 38:22

Qanqa rit'ita, chijchi parata ima maypichus jallch'asqayta rikunkichu?

Job 38:23

Chaykunataqa ñak'ariy tiempopaj jallch'ani, maqanaku tiempopajtaj waqaychani.

Éxodo 9:18

Chayrayku q'aya, kunanta jina, jatuchaj chijchi parata parachimusaj. Chay jina chijchi paraqa Egipto rikhurisqanmantapacha mana ni jayk'aj karqachu.

Éxodo 9:22

Chantá Tata Dios Moisesta nillarqataj: Makiykita janajnejman oqhariy, tukuynin Egipto suyupi runakunaman, uywakunaman, tukuy q'omer kaj chhikaman ima chijchi para paramunanpaj, nispa.

Isaías 30:30

Chaypacha Tata Dios jatunmanta parlasqanta uyarichenqa. Atiyniyoj makinwan k'araj phiñakuyninta rikuchenqa manchayta q'olarparej ninawan, chantá llojlla parawan, manchay muyoj wayrawan, jatuchaj rumi jina chijchi parawan ima. Ajinamanta pay atiyninta rikuchenqa.

Isaías 8:21

Paykunaqa kayman jaqayman puriykachanqanku, phutiypa jarap'asqan, yarqhasqataj. Chay jina yarqhasqa kaspa, paykuna mayta phiñakonqanku. Kuraj kamachejninkuta, Diosninkutapis maldicenqanku, makinkuta janajman oqharispa.

Ezequiel 13:11

Perqata yesowan lluch'ejkunata niy: Chay perqaqa urmanqa, nispa. Perqa urmanqa, imaraykuchus sinch'i para jamonqa, rumi jina chijchitaj urmamonqa, sinch'i wayrawan khuska.

Ezequiel 13:13

Chayrayku noqa Tukuyta Kamachej Tata Dios nini: K'araj phiñakuyniypi sinch'ita wayrachimusaj, sinch'itataj parachimusaj, rumi jina chijchitataj urmachimusaj, phiñakuyniypi tukuy kaj chhikata chinkarparichinaypaj.

Josué 10:11

Chantá amorreokuna Bet Jorón urayta israelitakunamanta ayqekushajtinku, Tata Diosqa paykunaj patankuman runtu chhikachajta chijchi parata parachimorqa. Chay chijchi para amorreokunata astawan ashkhata wañucherqa, israelitakuna espadawan wañuchisqankumanta nisqaqa.

Apocalipsis 11:19

Jinallapi janaj pachapi kashaj Diospa templon kicharikorqa, chaypitaj Diospa trato ruwasqan arca rikukorqa. Chaypachallataj lliuj lliujkuna, jatunmanta parlaykuna, qhon qhonkuna, jallp'a ikhakuy, chantá manchay chijchi para ima karqa.

Apocalipsis 16:11

Paykunarí ni chaywanpis millayta ruwanata saqespa Diosman kutirikorqankuchu. Aswanpis nanaywan ñak'arisqankurayku, chantá ukhunkupi lleqhe jatarisqanrayku janaj pachapi kaj Diospa contranta millayta rimarqanku.

Apocalipsis 16:9

Runakunaqa intej sinch'i k'ajasqanwan rupharasqa karqanku. Chaywanpis paykuna mana Diosman kutirikorqankuchu, nitaj payta jatuncharqankuchu. Aswanpis Diospaj millayta rimarqanku, pichus chay ñak'ariykunata apachimunanpaj atiyniyoj karqa, chaypaj.

Apocalipsis 8:7

Maypachachus ñawpaj kaj ángel trompetata waqacherqa chaypacha, chijchi para, ninawan, yawarwan ima chajrusqa kay pachaman urmamorqa. Chayrayku kay pacha kinsa t'aqasqamanta ujnin kaj t'aqa ruphaykorqa, jinallataj sach'akuna, chantá tukuy q'omer qhora ima.