Apocalipsis 16:2 - DIOSPA QHELQACHISQ

² Jinataj ñawpaj kaj ángel rispa, vasonmanta kay pachaman jich'aykamorqa. Chantá pikunachus ñawpajta rikhurimoj sierpej marcanwan marcasqa karqanku, lantintapis yupaycharqanku, chaykunapi millayta asnaj lleqhe rikhurerqa.

Qheshwa Biblia DC

² Ñaupaj kaj angeltaj rispa copasmanta jallp'aman jich'aykorqa. Uj asnaj, nanachej ch'upu onqoytaj runasman jamorqa, pikunachus phiña animalpa marcanwan karqanku, lantintapis yupaycharqanku chaykunaman.

DIOSPA QHELQACHISQAN DEUTEROCANONICAL

² Jinataj ñawpaj kaj ángel rispa, vasonmanta kay pachaman jich'aykamorqa. Chantá pikunachus ñawpajta rikhurimoj sierpej marcanwan marcasqa karqanku, lantintapis yupaycharqanku, chaykunapi millayta asnaj lleqhe rikhurerqa.

Quechua South Bolivia: Dios Parlapawanchej

² Ñaupaj caj angel rispa cay pachaman vasonmanta jich'aycorka. Chanta millay ch'upu onkoy runaspi riqhurirarka. Ñac'aricherkataj chay millay animalpa marcanwan marcachicojcunata rijch'acuyninta yupaychajcunatapis.

Apocalipsis 16:2 ပူးပေါင်းရင်းမြစ်များ

2 Crónicas 21:15

Qanpa pataykimantaj tukuy imaymana onqoykunata apachimonqa. Wijsaykimanta onqosqa rikhurinki, ch'unchulayki jawaman llojsinankama, nispa.

2 Crónicas 21:18

Chaymanta qhepaman mana jampiy atina wijsa nanaywan Tata Diosqa Joranta ñak'aricherqa.

Salmos 78:26

Jinallataj Diosqa atiyninwan inti llojsimuynejmanta wayrachimorqa, uranejmantapis wayrata chayachimorqa.

Isaías 3:17

Chayrayku Tukuyta Kamachej Dios chay warmikunaj umankuman llejti onqoyta apachimonqa. Paykunatataj q'ara umallata saqenqa.

Isaías 3:24

Chaypacha ima munayta q'apaj jawinaj cuentanmanta millay asnaylla kanqa. Chumpiwan watakunankumantaqa waskhallawan watakonqanku, sumaj simp'asqa kanankumantaqa q'ara umalla purenqanku. Chantá sumaj p'achata churakunankumantaqa qhashqa p'achallata churakonqanku, k'achita kanankumantaqa millayman tukonqanku.

Hechos 12:23

Chay kikinpitaj Tukuyta Kamachej Diospa angelnenqa Herodesta sinch'ita onqoykucherqa, Diosta mana jatunchasqanrayku. Jinataj kuraj kamachej Herodesqa khuroj tukusqan wañorqa.

Deuteronomio 28:27

Tata Diosqa Egipto llajtayojkunata jina ch'upuwan ñak'arichisonqa. Sarnawan, tijlla onqoywan, chantá sejsi onqoywan ima onqochisonqa. Chay onqoykunamanta qhaliyanaykipajtaj mana imawanpis jampikuyta atinkichu.

Deuteronomio 28:35

Tata Diosqa moqoykita, chakiykitapis millay lleqhe onqoywan onqochisonqa. Chay onqoyqa chaki t'ajlluykimantapacha umaykikama jap'isonqa, manataj chaymanta qhaliyapuyta atinkichu.

Deuteronomio 7:15

Tata Diosqa tukuy imaymana onqoykunata qankunamanta karunchanqa. Egiptopi rikorqankichej, chay millay onqoykunata mana qankunaman apachimonqachu. Manachayqa chejnikusojkunata chaykunawan ñak'arichenqa.

Apocalipsis 13:12

Chantá jallp'amanta rikhurej sierpeqa mama qochamanta rikhurej sierpej atiyninwan kamacherqa, nerqataj kay pachapi tukuy runakuna chay ñawpaj kaj sierpeta yupaychanankuta, mayqenpa ujnin umanchus k'irisqa kashajtin thañiporqa, chayta.

Apocalipsis 14:16

Phuyu patapi tiyasqa kajtaj chajrata hozewan ruthoj yaykorqa, jinamanta chajraqa ruthusqa karqa.

Apocalipsis 14:9

Chay angelpa qhepanta waj angelñataj rikhurimuspa, nerqa: Pichus mama qochamanta rikhurimoj chay sierpeta, jinataj lantintapis yupaychajqa, marcantataj mat'inpi, chayrí makinpi churachikojqa,

Apocalipsis 16:1

Chantá Templomanta noqa jatunmanta parlamojta uyarerqani, chay parlamojtaj qanchis angelkunata nerqa: Riychej, chay qanchis vasokunamanta Diospa k'araj phiñakuyninta kay pachaman jich'aykamuychej, nispa.

Apocalipsis 16:11

Paykunarí ni chaywanpis millayta ruwanata saqespa Diosman kutirikorqankuchu. Aswanpis nanaywan ñak'arisqankurayku, chantá ukhunkupi lleqhe jatarisqanrayku janaj pachapi kaj Diospa contranta millayta rimarqanku.

Apocalipsis 8:7

Maypachachus ñawpaj kaj ángel trompetata waqacherqa chaypacha, chijchi para, ninawan, yawarwan ima chajrusqa kay pachaman urmamorqa. Chayrayku kay pacha kinsa t'aqasqamanta ujnin kaj t'aqa ruphaykorqa, jinallataj sach'akuna, chantá tukuy q'omer qhora ima.

1 Samuel 5:6

Chaymanta qhepaman Tata Diosqa Asdodpi tiyakojkunata, jinataj muyuyninpi tiyakojkunatawan ch'upu onqoywan sinch'ita ñak'aricherqa.

1 Samuel 5:9

Chayman apasqankutawantajrí Tata Diosqa Gat llajtapi tukuy tiyakojkunata maytapuni mancharicherqa. Jatunta, juch'uyta, tukuytapuni ch'upu onqoywan ñak'aricherqa.