Apocalipsis 16:15 - DIOSPA QHELQACHISQ

¹⁵ Chayrayku Jesús nin: Allinta qhawakuychej, imaraykuchus noqaqa suwa jina jamusaj mana yuyasqanku p'unchayta. Kusisqamin kanqanku pikunachus rijch'ashajlla, chantá p'achallisqa suyawajkuna. Ajinaqa paykunata mana q'alallatachu taripasaj, nitaj imamantapis p'enqakonqankuchu, nispa.

Qheshwa Biblia DC

¹⁵ Kayqa, noqa suwa jina jamushani. Kusikuyniyojmin mana puñuspa qhawajqa, p'achantapis jallch'ajqa, ama q'alalla purinampaj, nitaj p'enqayninta rikunankupaj.

DIOSPA QHELQACHISQAN DEUTEROCANONICAL

¹⁵ Chayrayku Jesús nin: Allinta qhawakuychej, imaraykuchus noqaqa suwa jina jamusaj mana yuyasqanku p'unchayta. Kusisqamin kanqanku pikunachus rijch'ashajlla, chantá p'achallisqa suyawajkuna. Ajinaqa paykunata mana q'alallatachu taripasaj, nitaj imamantapis p'enqakonqankuchu, nispa.

Quechua South Bolivia: Dios Parlapawanchej

¹⁵ ¡Uyariychej! Mana yuyashajtiyqui chayamusaj. Nokawan ujchaskallapuni causacuy ama p'enkay juchapi jap'iska canayquipaj. Ajinallatapuni causacojka may cusiska canka.

Apocalipsis 16:15 ပူးပေါင်းရင်းမြစ်များ

Éxodo 32:25

Moisés rikorqa Aarón qhawakullasqanrayku, israelitakuna kacharparisqa jina munasqankuta ruwashasqankuta. Rikullarqataj israelitakunaqa tukuy awqanku asikunankupaj jina kashasqankuta.

Isaías 47:3

Q'ara ukhuyki rikukonqa, p'enqayniykipis sut'ipacha kanqa. Mana khuyarikuspa, qanmanta vengakusaj, manataj pipis jark'ayta atiwanqachu.

Ezequiel 16:37

Chayrayku noqaqa, pikunatachus munakusorqanku, chay tukuyta tantaykusaj, pikunatachus munakorqanki, chantá pikunatatajchus chejnikorqanki, chaykunata. Paykunata muyuyniykiman tantaykuspa, paykunaj rikunankuta q'alasqayki, q'alallata rikusunankupaj.

Oseas 2:3

3 (5) Manachus saqenqa chayqa, imaynatachus paqarerqa, ajina q'alallata saqesaj. Ch'in ch'aki jallp'a jinaman tukuchisaj, yaku ch'akiywantaj wañuchisaj.

Habacuc 2:15

Ay, imarajchus kanqa qanmanta, imaraykuchus qayllaykipi kajkunata chajrusqa vinowan machaykuchinki, q'alalla kayninkuta qhawanaykirayku.

San Mateo 25:13

Noqataj qankunatapis nillaykichejtaj: Wakichisqapuni kaychej, imaraykuchus mana yachankichejchu ima p'unchaytachus, chayrí ima phanitachus Runaj Churin kutimunanta, nispa.

San Mateo 26:41

Rijch'arisqa kaychej, ama puñuspa Dioswan parlarikuychej, juchaman tanqasqa kaspa ama kasunaykichejpaj. Sut'ita niykichej: Qankunaqa sonqoykichejpi kasuyta munankichej. Chaywanpis ukhuykichejqa pisi kallpayoj, nispa.

Marcos 14:38

Rijch'arisqa kaychej, ama puñuspataj Dioswan parlarikuychej, juchaman tanqasqa kaspa ama kasunaykichejpaj. Sut'ita niykichej: Qankunaqa sonqoykichejpi kasuyta munankichej. Chaywanpis ukhuykichejqa pisi kallpayoj, nispa.

San Lucas 21:36

Qankunarí wakichisqapuni kaychej ari, tukuy tiempo Diosmanta mañarikuspa chay tukuy ima jamoj llakiymanta llusp'inaykichejpaj, ajinamanta Runaj Churinpa ñawpaqenpi mana manchachikuspa rikhuriyta atinaykichejpaj, nispa.

Hechos 20:31

Chayrayku allinta qhawakuychej. Jinataj yuyarikuychej imaynatachus noqa kinsa wata junt'ata, tuta p'unchay waqan waqan sapa ujniykichejta yuyaychasqaymanta.

2 Corintios 5:3

Chaypachaqa mana almallachu kasunchej, manachayqa almanchejqa ukhuyoj kanqa.

1 Tesalonicenses 5:4

Qankunarí wawqe panakuna, manaña laqhapi jina mana yachaspa kawsashankichejchu, Tukuyta Kamachej Jesús kutimunan p'unchay suwa jina kaymanta jinalla jap'isunaykichejpaj.

1 Tesalonicenses 5:6

Chayrayku, noqanchejqa rijch'arisqalla kashanachej, allinta purispa, amataj chay ujkuna jinaqa puñunachu. Aswanpis ch'aki sonqo runa jina yuyayninchejpi kana.

1 Pedro 4:7

Tukuy imaj tukukuynin qayllapiña kashan. Chayrayku qankunaqa allin yuyayniyoj jina kawsakuychej, amataj Dioswan parlarikunamanta qonqapuychejchu.

2 Pedro 3:10

Tukuyta Kamachej Jesucristoj kutimunan chay p'unchayqa suwa jina chayamonqa. Chaypachataj, janajpis manchayta t'ojyaspa chinkarenqa, tukuy kaj chhikataj ninawan q'olaykusqa kanqa. Jinallataj kay pachapis, tukuy imantin kantumanta tukuchisqa kanqa.

Apocalipsis 22:7

Jesús nin: Noqa usqhayta jamushani. Kusisqamin kanqa pichus kay p'anqapi imachus sut'inchasqa kajta kasojqa, nispa.

Apocalipsis 3:11

Noqaqa usqhayta kutimusaj. Chayrayku qanqa, imachus tiyapusunkiraj, chaymanta ch'ipakuy, ama pipis pilluykita qhechusunanpaj.

Apocalipsis 3:18

Chayrayku noqamanta ninapi sumaj ch'uwachasqa qorita rantikunaykita yuyaychayki, cheqapuni qhapaj kanaykipaj. Chantá yuyaychayki p'achallikunaykipaj yuraj p'achata rantikunaykita, ama q'alalla kasqaykirayku p'enqakunaykipaj. Yuyaychallaykitaj rantikunaykita ñawiykipaj jampita, sut'ita rikuyta atinaykipaj.