Apocalipsis 15:8 - DIOSPA QHELQACHISQ

⁸ Chaypacha temploman q'oshñi junt'aykorqa. Chay q'oshñeqa Diospa jatun kayninpa lliphipiyninmanta, jinataj jatun atiyninmanta llojsimorqa. Manataj pipis temploman yaykuyta aterqachu, chay qanchis angelkuna makinkupi wañuchej onqoykunata jap'isharqanku, chaykunata jich'ayta tukunankukama.

Qheshwa Biblia DC

⁸ Templotaj q'osñiwan junt'aykorqa, Diospa k'anchayninrayku, atiyninraykutaj. Manataj pipis temploman yaykuyta atejchu, chay qanchis angelespa, qanchis jasut'iykuna jap'isqanku junt'aykunankama.

DIOSPA QHELQACHISQAN DEUTEROCANONICAL

⁸ Chaypacha temploman q'oshñi junt'aykorqa. Chay q'oshñeqa Diospa jatun kayninpa lliphipiyninmanta, jinataj jatun atiyninmanta llojsimorqa. Manataj pipis temploman yaykuyta aterqachu, chay qanchis angelkuna makinkupi wañuchej onqoykunata jap'isharqanku, chaykunata jich'ayta tukunankukama.

Quechua South Bolivia: Dios Parlapawanchej

⁸ Yupaychana-wasimantaj k'oshñi junt'aycorka. K'oshñeka carka Dios jatun atiyninwan juiciota ruwananpaj chaypi cashaskanmantamin. Yupaychana-wasimanka ni pi yaycuyta aterkachu, chay kanchis angeles chay kanchis manchay llaquiycunata tucunancucama.

Apocalipsis 15:8 ပူးပေါင်းရင်းမြစ်များ

Salmos 29:9

Tata Diospa parlasqanqa encina sach'akunata k'ajllaran, montetataj mana sach'ayojta saqerparin. Yupaychana wasinpitaj payta tukuy jatunchanku.

Éxodo 19:18

Tukuynin Sinaí orqo q'oshñisharqa, imaraykuchus Tata Diosqa nina chawpipi orqoman urayk'amorqa. Q'oshñeqa hornomanta jina llojsisharqa, tukuynin orqotaj manchayta kharkatiterqa.

Isaías 6:4

Chay jinata qhaparisqankuwan Temploj punkunkuna thalarikorqa, chay ukhumantaj q'oshñi junt'aykorqa.

Jeremías 15:1

Tata Dios niwarqa: Sichus Moiseswan, Samuelwanpis kay aylluyrayku mañakuwankuman chaypis, manapuni kay runakunamanta khuyakuymanchu. Kay runakunata ñawpaqeymanta qharqoy. Maymanpis ripuchunku.

Lamentaciones 3:44

Qanqa phuyuwan pakaykukunki, mañakususqaykuta mana uyarinawaykupaj.

Levítico 16:2

Chantá Tata Dios Moisesta nerqa: Wawqeyki Aaronta niy ama mayk'ajllapis veloj wasanpi kashan, chay Diosllapaj T'aqasqa nisqa cheqaman yaykunanta. Nillataj Diospa arcanpata kirpananpa ñawpaqenman chimpananchu tiyan. Sichus yaykunman chayqa, wañonqa imaraykuchus arcaj kirpananpi noqa, phuyupi rikuchikusaj.

Romanos 11:33

Diospa yachaynin, yuyayniyoj kasqanpis may jina t'ukunamin, mana tupuy atina. Jinallataj imatachus nisqan, ruwasqanpis noqanchejpaj mana yachay atinamin.

2 Tesalonicenses 1:9

Paykunataj wiñaypaj ñak'arichisqa kanqanku. Jinataj Tukuyta Kamachej Jesuspa ñawpaqenmanta, chantá jatun atiyninpa lliphipiyninmanta ima wijch'usqa kallanqankutaj.

Apocalipsis 15:1

Chaymanta noqa janajpi ujtawan runaj mana jayk'aj rikusqan t'ukunata rikullarqanitaj. Qanchis angelkuna qanchis qhepa kaj wañuchej onqoykunata jap'isharqanku, imaraykuchus chay onqoykunawan Diospa phiñakuynin thasnusqa kanan karqa.

Apocalipsis 21:11

Mosoj Jerusalén llajtaqa Diospa jatun kayninpa k'anchayninwan lliphipisharqa, lliphipisqantaj sumaj k'achitu jaspe nisqa rumiman rijch'akorqa. Chaytaj cristal jina sut'i karqa.