Apocalipsis 14:7 - DIOSPA QHELQACHISQ

⁷ Chantá jatunmanta parlaspa, nerqa: Diosta manchachikuychej, sutintataj jatunchaychej, imaraykuchus juzganan p'unchay chayamunña. Pichus janaj pachata, kay pachata, mama qochata, yaku juturikunata ima ruwajta yupaychaychej ari, nispa.

Qheshwa Biblia DC

⁷ Qhaparispataj nerqa: Diosta manchachikuychej, sutinta jatunchaychej; juiciompa horanqa chayamushanña; janaj pachata, kay pachata, mar qochata, yaku pujyusta ima ruwajta yupaychaychej.

DIOSPA QHELQACHISQAN DEUTEROCANONICAL

⁷ Chantá jatunmanta parlaspa, nerqa: Diosta manchachikuychej, sutintataj jatunchaychej, imaraykuchus juzganan p'unchay chayamunña. Pichus janaj pachata, kay pachata, mama qochata, yaku juturikunata ima ruwajta yupaychaychej ari, nispa.

Quechua South Bolivia: Dios Parlapawanchej

⁷ Sinch'iwan parlaspataj nerka: —Diosta manchachicuychej, payta jatunchaychej, juicio p'unchaynin chayamuskanraycu. Janaj pachata, cay pachata, kochasta, phullchej yacustapis ruwaj Diosta yupaychaychej, —nispa.

Apocalipsis 14:7 ပူးပေါင်းရင်းမြစ်များ

Génesis 22:12

Angeltaj nerqa: Ama wawata ñak'aychu, nitaj imanaychu. Yachaniña qanqa noqata may jatun respetowan qhawawasqaykita, imaraykuchus munasqa churiykita qonawaykipaj mana mich'akorqankichu, nispa.

Nehemías 9:6

Qanllamin uj k'ata Tata Dios kanki. Qan ruwarqanki janajta, janajmanta aswan patapi kajtapis, chaypi tukuy kaj ch'askakunatapis. Ruwallarqankitaj kay pachata, chaypi tukuy ima kajtapis, mama qochatapis, chaypi tukuy ima kajtapis. Qanqa tukuy imaman kawsayta qonki. Chayraykumá janajpi tukuy ch'askakunapis yupaychasunku.

Salmos 115:15

Janajta, kay pachatawan ruwaj Tata Dios qankunata saminchachun.

Salmos 124:8

Yanapaqa Tata Diosmanta jamun, pichus janajta, kay pachatawan ruwarqa, chaymanta.

Salmos 33:6

Tata Diosqa janajkunata simi nisqallanwan ruwarqa, tukuy chaypi kajtapis samaynillanwan ruwarqa.

Salmos 36:1

1 (2) Millayta ruwanaqa Diosman mana kutirikojpa sonqonman chhichiykun. Payqa mana jayk'ajpis yuyanchu Diosta manchay jatun respetowan qhawana kasqanta.

Salmos 89:7

7 (8) Qanqa Diosmin kanki, manchachikunataj, janaj pachapi kawsajkuna ukhupi may jina atiyniyoj.

Salmos 95:5

Paypata mama qochapis, pay ruwasqanrayku. Ch'aki jallp'apis paypallatataj, makinwan ruwasqanrayku.

Éxodo 20:11

Chayqa ajina kanqa imajtinchus noqa sojta p'unchaypi janajta, kay pachata, mama qochata ima ruwarqani. Jinataj chaykunapi imachus tiyan, chaykunatawan ruwarqani. Qanchis kaj p'unchaypitaj samarikorqani. Chayrayku noqa Tata Dios samarina p'unchayta saminchaspa, noqallapaj t'aqarqani.

Isaías 40:3

Uj runata kay jinata qhaparishajta uyarerqani: Tata Diospaj uj ñanta ch'innejpi kichaychej, ch'aki t'ojra jallp'apitaj Diosninchejpaj cheqan ñanta ruwapuychej.

Isaías 40:6

Uj runaj nisqanta uyarillarqanitaj: Qhapariy, nispa nejta. Noqataj nerqani: Imatataj qhaparisajri? nispa. Paytaj kutichiwarqa: Qhapariy tukuy runaj kawsayninku qhora jinalla kasqanta, jatun kayninkutaj pampa t'ika jinalla.

Isaías 40:9

Sión llajta, sumaj willaykunata apamoj, orqo pataman wichariy. Jerusalenman sumaj willaykunata apamoj, mana manchachikuspa, jatunmanta qhapariy. Judá suyupi llajtakunaman chay jinata willay: Diosniykichej chayamushanña, nispa.

Isaías 42:12

Tata Diosta jatunchaychej. Mama qocha kantupi llajtakunapis, payta yupaychaychej.

Isaías 44:23

Janaj, kusiywan takiy, imaraykuchus kaytaqa Tata Diosmin ruwan. Ukhu pacha, kusiywan qhapariy. Qankuna orqokuna, montepi tukuy sach'akuna ima kusiywan takirikuychej, imaraykuchus Tata Diosqa Jacobpa ayllunta pagota qospa kacharichin, ajinamantataj Israelpi jatun kayninta rikuchin.

Isaías 58:1

Tata Dios niwarqa: Ama samarispa, kunka llik'ikuyta qhapariy, pututu jina qhapariy. Jacobpa miraynin aylluypa juchanta sut'iman orqhoy.

Jeremías 10:10

Tata Diostajrí cheqa kaj Diospuni, kawsaj Dios, wiñaypaj Kuraj Kamachejtaj. Maypachachus pay phiñakun, chaypacha, kay pacha kharkatitin. Phiñakojtenqa, suyukunapis mana sayayta atinkuchu.

Ezequiel 7:2

Runaj churin, uyariway. Noqa Tukuyta Kamachej Tata Dios Israel aylluman nini: Kay suyoj tukukunan qayllapiña kashan, chayamushanña.

Ezequiel 7:6

Kay suyoj tukukunan jamushan, qayllamushanñapuni. Qanpa tukukunayki p'unchayqa qayllamushanña.

Daniel (hebreo) 8:19

Jinaspataj, niwarqa: Kunan willasqayki, Diospa phiñakuynin tukukuyta imachus kananmanta, imaraykuchus imatachus mosqoypi jina rikusqaykeqa chay tukukuy tiempomanta willashan.

Oseas 8:1

Waqachiychej cornetata runakuna wakichikunankupaj. Aylluypa awqan anka jina jamurishan, imaraykuchus aylloyqa yachachisqayta mana kasuspa, tratoyta p'akisqanku.

Malaquías 2:2

Sichus mana kasuwankichej, nitaj sutiytapis tukuy sonqo jatunchankichej chayqa, imawanchus samincharqaykichej, chayllawantaj maldicisqaykichej. Chaykunatataj maldiciniña, imaraykuchus sonqoykichejpi mana munankichejchu noqata jatunchawayta. Ajinata noqa Tukuy Atiyniyoj Tata Dios niykichej.

San Mateo 25:13

Noqataj qankunatapis nillaykichejtaj: Wakichisqapuni kaychej, imaraykuchus mana yachankichejchu ima p'unchaytachus, chayrí ima phanitachus Runaj Churin kutimunanta, nispa.

San Lucas 17:18

Kay waj llajtayojllachu Diosta jatunchaj kutimun? nispa.

Hechos 14:15

Runa masikuna, imaraykutaj kayta ruwashankichejri? Noqayku runalla kayku, qankuna jina. Aswanpis qankunaman willaj jamuyku, kay qhasi manakaj imakunata saqespa, kawsashaj Diosman kutirikunaykichejpaj. Paymin janajta, kay pachata, mama qochata ima ruwarqa, chaykunapi tukuy ima kajkunatapis.

Josué 7:19

Chantá Josueqa Achanta nerqa: Wawáy, Israelpa Tata Diosninta jatunchaspa, imatachus ruwasqaykita ama pakaspa sut'inta willaway, nispa.

1 Pedro 4:7

Tukuy imaj tukukuynin qayllapiña kashan. Chayrayku qankunaqa allin yuyayniyoj jina kawsakuychej, amataj Dioswan parlarikunamanta qonqapuychejchu.

Apocalipsis 11:13

Chantá chay kikinpacha manchay jallp'a ikhakuy kanqa, Jerusalén llajta chunkaman t'aqasqamanta ujnin kaj t'aqataj thuñiykukonqa. Jallp'a ikhakusqanraykutaj 7.000 runakuna wañuranqanku, kawsashaj qhepakojkunataj mancharikuspa, janaj pachapi kaj Diosta jatunchanqanku.

Apocalipsis 11:18

Chayrayku tukuy suyumanta runakuna phiñarikorqanku. Chaywanpis qanpa phiñakunayki p'unchay chayamunña. Wañusqakunata juzganayki p'unchaypis chayamullantaj. Jinallataj p'unchay chayamun qan, pikunachus qanmanta sut'inchajkunaman, qanpaj ajllakusqaykikunaman, sutiykita jatunchajkunaman ima ruwasqankuman jina t'inkata qopunaykipaj, mana kasu ruwana kachunku, chayrí maypaj qhawasqa kachunku. Chantá kay pachata phirejkunatapis tukuchinaykipaj p'unchay chayamullantaj, nispa.

Apocalipsis 15:4

Tukuyta Kamachej Dios, pitaj mana qanta manchachikusunkimanchuri? Pitaj sutiykita mana jatunchanmanchuri? Qanllamin may llimphu kanki. Tukuy runakuna ñawpaqeykiman jamuspa yupaychasonqanku, imaraykuchus justiciata ruwasqaykeqa sut'inchasqaña, nispa.

Apocalipsis 16:9

Runakunaqa intej sinch'i k'ajasqanwan rupharasqa karqanku. Chaywanpis paykuna mana Diosman kutirikorqankuchu, nitaj payta jatuncharqankuchu. Aswanpis Diospaj millayta rimarqanku, pichus chay ñak'ariykunata apachimunanpaj atiyniyoj karqa, chaypaj.

Apocalipsis 18:10

Paypa ñak'arichisqanta rikuspa, mancharenqanku, karullapi sayaspataj, nenqanku: Ay, Babilonia jatun llajta, kay jina jatun llakiyman chayanaykiri. Manaraj imapi Diospa jasut'iynin pataykiman urmaykamusorqa, nispa.

Apocalipsis 18:17

Chaywanpis manaraj imapi chay chhika qhapaj kasqan tukukaporqa, nispa. Chantá barcokunata tukuy purichejkuna, barcopi tukuy rejkuna, yanapakuspa qolqe ganakojkunapis, karullapi sayarikorqanku.

Apocalipsis 18:19

Ajinaqa umankuman jallp'ata qhalliykukuspa, qhaparerqanku, jik'un jik'unta waqaspataj, nerqanku: Kay jina llakiyman kay llajta chayananri. Mama qochapi tukuy barcoyoj kajkuna paypa kapuyninwan qhapajyarqayku. Kunantajrí manaraj imapi chinkarparichisqa, nispa.

Apocalipsis 19:5

Chantataj kamachina tiyanamanta ujpa parlasqanta uyarerqani: Diospa tukuy kamachinkuna, payta may jatun respetowan qhawajkuna, mana kasu ruwana, jinataj maypaj qhawasqa kajkuna, Diosninchejta yupaychaychej, nispa.

Apocalipsis 4:11

Tukuyta Kamachej Diosniyku, qanllamin jatunchanapaj jina kanki, may sumajpaj jina qhawana, tukuy atiyniyojtaj, imaraykuchus qanmin tukuy kaj chhikata ruwarqanki. Qan chaykunata ruwarqanki, kunankamataj munasqaykirayku kashallankupuni, nispa.

Apocalipsis 4:9

Chay kawsajkunaqa kamachina tiyanapi tiyasqa kajta pachis nispa yupaychanku, pichus wiñay wiñaypaj kawsan, chayta.

Apocalipsis 8:10

Maypachachus kinsa kaj ángel trompetata waqacherqa chaypacha, janajmanta uj jatun ch'aska urmamorqa, nina jachon jina lawrarispa. Chay ch'askaqa mayukuna kinsaman t'aqasqamanta ujnin kaj t'aqaman urmarqa, jinallataj yaku juturikunamanpis.

1 Samuel 6:5

Chayrayku llajtaykichejta tukuchishanku, chay ch'upuman rijch'akojta, chantá juk'uchaman rijch'akojkunata ruwaychej. Ajinata Israelpa Diosninta jatunchankichej. Ichapis payqa qankunata, diosniykichejkunata, jinataj jallp'aykichejtapis manaña jasut'inmanchu.