Apocalipsis 14:4 - DIOSPA QHELQACHISQ

⁴ Paykunaqa mana jayk'aj warmikunawan puñuykorqankuchu, jinallataj Corderoj qhepanta rej kanku mayllamanpis rejtin. Jinallataj paykunaqa runakuna ukhumanta rantisqa karqanku Diospaj, Corderopaj ima ñawpaj kaj jaywana jina kanankupaj.

Qheshwa Biblia DC

⁴ Kaykunaqa warmiswan mana ch'ichichakorqankuchu; imaraykuchus warmita mana rejserqankuchu. Kaykunaqa Corderota qhatinku maymanchus rishan chayman. Kaykunaqa runa ukhumanta rantisqas kanku, ñaupaj poqoy jina Diospaj, Corderopaj ima.

DIOSPA QHELQACHISQAN DEUTEROCANONICAL

⁴ Paykunaqa mana jayk'aj warmikunawan puñuykorqankuchu, jinallataj Corderoj qhepanta rej kanku mayllamanpis rejtin. Jinallataj paykunaqa runakuna ukhumanta rantisqa karqanku Diospaj, Corderopaj ima ñawpaj kaj jaywana jina kanankupaj.

Quechua South Bolivia: Dios Parlapawanchej

⁴ Paycunaka Diosman t'akaska cancu. Corderoj tucuy yachachiyninta casojcuna cancu. Cay pacha runas uqhumanta libraskas cancu Diospata Corderojpatapis ñaupaj ajllacuskasnin canancupaj.

Apocalipsis 14:4 ပူးပေါင်းရင်းမြစ်များ

Salmos 45:14

14 (15)May sumaj p'achallisqata kuraj kamachejman payta pusaykonqanku, sumaj p'achallisqa sipas masinkunawan khuskata.

Salmos 74:2

Aylluykimanta yuyarikuy, unaymantapacha rantikusqaykimanta. Qanqa preciota pagaspa, paykunata aylluyki kanankupaj kacharicherqanki. Maypichus tiyakorqanki, chay Sión orqomantapis yuyarikuy.

TAKIYKUNA 1:3

Sumajta q'apashaj jawinaykeqa k'achituta q'aparin. Sutiykeqa sumajta q'apashaj jawina jich'asqa jina. Chayrayku sipaskuna mayta munakusunku.

TAKIYKUNA 6:8

Qoyakuna sojta chunkapis kachunku, pusaj chunkataj kuraj kamachejpa waj warminkunapis, sipaskunapis yupay mana atina.

Jeremías 2:3

Israel noqapaj t'aqasqa karqa, chajraymanta aswan allin kaj oqharisqay jina karqa. Pillapis paykunata ñak'arichejtenqa, noqa ñak'arichillajtaj kani, sinch'i ñak'ariykunata apachispa. Noqa Tata Diosmin chayta nini.

Amós 6:1

Ay, Sionpi ni imamanta llakiyniyoj kawsajkuna. Ay, pikunachus ni imamanta manchachikuspa Samariapi tiyakojkuna. Qankunaqa jatunpaj qhawasqa kankichej waj suyukunapi, jinataj israelitakuna yanapata mask'aspa, qankunaman rinku.

San Mateo 19:12

Wakin qharikunaqa paqarikusqankumantapacha mana casarakunankupaj jinachu kanku, wakintataj runakuna capanku ama casarakunankupaj. Wakinkunatajrí munasqankuraykulla mana casarakunkuchu, Diospa janaj pacha kamachiyninrayku ruwanankuta junt'anankupaj. Pichus kay nisqayman jina kayta atejqa tukuy sonqo jap'ikuchun, nispa.

San Mateo 25:1

Jesús nillarqataj: Diospa janaj pacha kamachiynenqa casarakupi kaj chunka sipaskunaman rijch'akun. Paykunaqa lamparankuta oqharikuspa, casarakoj runata taripaj risqanku.

San Mateo 8:19

Chayllapi Diospa kamachisqanmanta uj yachachej Jesusman qayllaykuspa, nerqa: Yachachej Wiraqochi, mayman rejtiykipis, noqaqa qanwan khuska riyta munani, nispa.

San Juan 10:27

Noqaqa ovejaykunata rejsini, paykunataj parlasqayta rejsinku, kasuwaspataj, qhepayta jamunku.

San Juan 12:26

Qankunamanta pillapis kamachiy kayta munajqa kasunawan tiyan. Pikunachus kamachiy kajkunataj, maypichus noqa kasaj, chayllapitaj kanqanku. Tataytaj tukuy kamachiykunata jatunchanqa, nispa.

San Juan 13:37

Pedrotajrí nerqa: Tukuyta Kamachej, imaraykutaj kunan mana qanwan riyta atiymanchuri? Qanrayku wañunay kajtenqa, wañusaj, nispa.

San Juan 8:12

Jesús uj kutitawan parlallarqataj: Noqa tukuy runapaj k'anchay jina kani. Pillapis noqawan purejqa mana laqhapichu purenqa, aswanpis wiñay kawsayman pusaj k'anchaypi purenqa, nispa.

Hechos 20:28

Chayrayku qankuna Dioswan imaynatachus purisqaykichejta qhawakuychej. Jinallataj tukuy wawqe panakunatapis michillaychejtaj, imaraykuchus Santo Espíritu qankunata churasorqachej paykunata qhawanaykichejpaj, Diospa Iglesianta michinaykichejpaj ima, mayqentachus Jesucristo kikin yawarninwan rantikorqa, chayta.

1 Corintios 16:15

Wawqe panakuna, yachankichejña Ajaya suyupi Estefanaspa ayllun ñawpajta Jesucristomanta sumaj willayta jap'ikusqankuta. Kunantaj paykuna Diosta qhatejkunata tukuy sonqo yanapashanku.

1 Corintios 6:20

Dios ashkha preciota pagaspa, qankunata rantikusorqachej. Chayrayku qankuna ukhuykichejwan Diospa munasqanta ruwaspa, payta jatunchaychej.

1 Corintios 7:28

Casarakunki chaypis, mana juchallinkichu. Sipaspis casarakun chayqa, manallataj juchallinchu. Chaywanpis, kunan casarajkuna llakiyta rikonqanku kunan tiempo mana allinchu kasqanrayku. Noqataj mana munaymanchu chay llakiykunata rikunaykichejta.

2 Corintios 11:2

Qankunamanta celosakusqayqa Tata Diosmanta. Qankunaqa qharej mana chayasqan sipas jina kankichej, noqataj uj qharillawan casaranaykichejpaj parlacherqaykichej, chaytaj Cristo.

Efesios 1:14

Diosqa Santo Espirituta qowanchej chayaqeta jap'inanchejmanta señata jina. Jinataj noqanchej chay chayaqeta jap'isunchej, maypachachus Dios rantikusqanta paypata kananpaj kacharichenqa, chaypacha, ajinamanta jatun kayninta yupaychananchejpaj.

Efesios 5:27

Ajinata ruwarqa pay kikinman Iglesiata pusananpaj sumaj k'ancharishajta, mana ch'ichiyojta, mana k'usuyojta, nillataj iman imanasqata. Manachayqa juchamanta t'aqasqa kanqa, mana imamanta k'aminataj.

1 Timoteo 4:3

Paykunaqa casarana mana walejchu kasqanta nenqanku, nillanqankutaj wakin mikhunata mana mikhunachu kasqanta. Diosrí chay mikhunata churarqa, pikunachus paypi atinikojkuna, chantá cheqa kajta rejsejkuna Diosta pachis nispa mikhunankupaj.

Hebreos 12:23

Ajinallataj qankuna Diospa kuraj kaj wawankunaj tantakuyninman qayllaykunkichej, pikunaj sutinkuchus janaj pachapi qhelqasqa kashan, chaykunajman. Jinallataj qankuna Diosmanpuni qayllaykunkichej, pichus tukuypa Jueznin, chayman. Cheqanpaj qhawasqa runakunamanpis qayllallankichejtaj, pikunachus mana pantayniyojman tukuchisqaña kanku, chaykunaman.

Santiago 1:18

Payllataj munasqanrayku cheqan nisqannejta kawsayta qowarqanchej, tukuy imatachus ruwasqanmanta noqanchej ñawpaj kaj poqoy jina kananchejpaj.

1 Pedro 2:9

Qankunarí Diospa ajllakusqan ayllu kankichej, Kuraj Kamachejpa sacerdotenkuna, juchamanta t'aqasqa runakuna, Diospatapuni kanaykichejpaj t'aqasqa ima. Chayrayku qankuna Diospa t'ukuna may sumaj ruwasqanmanta willayta atinkichej, pichus laqhamanta sumaj k'anchayninman wajyasorqachej, chaypa ruwasqanmanta.

Apocalipsis 17:14

Chantá paykuna Corderoj contranpi maqanakonqanku. Corderotajrí paykunata atipaykonqa, imaraykuchus payqa tukuy kamachejkunaj Kuraj Kamachejninku, tukuy wiraqochikunaj Kamachejninkutaj. Pikunatachus Dios wajyaspa ajllakorqa, jinataj payta kasunku chaykuna paywan khuska kanqanku.

Apocalipsis 21:22

Chay llajtapeqa mana ima templotapis rikorqanichu, imaraykuchus llajtaj templonqa Tukuyta Kamachej, Tukuy Atiyniyoj Dios, Corderotaj.

Apocalipsis 21:23

Llajtataqa mana intichu k'anchanan karqa, nitaj killachu, imaraykuchus Diospa jatun kayninpa lliphipiynin k'anchan, chay k'anchajtaj Cordero.

Apocalipsis 3:4

Chaywanpis Sardis iglesiapi pisilla juchallispa mana ch'ichichakojkuna kanku. Paykuna yuraj p'achawan p'achallisqa noqawan purenqanku, chaypaj jina kasqankurayku.

Apocalipsis 5:9

Chantá paykuna uj mosoj takiyta takispa, nerqanku: Qanllamin chay k'uyusqa p'anqata jap'inaykipaj jina kanki, sellonkunatataj llik'inaykipaj, imaraykuchus qan wañuchisqa karqanki. Jinallataj qanmin cruzpi wañuspa yawar jich'asqaykiwan runakunata ranterqanki Diospata kanankupaj tukuy ayllumanta, tukuy imaymana rimayniyojta, tukuy imaymana rijch'aj runata, chantá tukuy suyumanta ima.