Apocalipsis 14:2 - DIOSPA QHELQACHISQ

² Chantá janaj pachamanta jatunmanta parlamojta uyarerqani ashkha yaku phajchajta jina, qhon qhonpa t'ojyasqanta jinataj. Chay jatunmanta parlajta uyarisqaytaj ashkha arpata waqachejkunaj waqachisqanku jinallataj karqa.

Qheshwa Biblia DC

² Janaj pachapitaj sonajta uyarerqani, ashkha yaku phajchajta jina, qhon qhompa sonasqanta jina. Chay sonasqanta uyarisqaytaj rijch'akorqa arpata tocajkunaman, arpasninkutapis waqachishankuman jina.

DIOSPA QHELQACHISQAN DEUTEROCANONICAL

² Chantá janaj pachamanta jatunmanta parlamojta uyarerqani ashkha yaku phajchajta jina, qhon qhonpa t'ojyasqanta jinataj. Chay jatunmanta parlajta uyarisqaytaj ashkha arpata waqachejkunaj waqachisqanku jinallataj karqa.

Quechua South Bolivia: Dios Parlapawanchej

² Ashqha yacus phajchajjinata, jatun truenocunajinata janaj pachamanta taquimojta uyarerkani. Chay taquimuytaka arpaspa tocaynintajina uyarerkani.

Apocalipsis 14:2 ပူးပေါင်းရင်းမြစ်များ

2 Samuel 6:5

Chaykama Davidwan, tukuy israelitakunawanqa risharqanku, Tata Diospa ñawpaqenpi tukuy kallpankuwan takispa, tususpa ima. Tocasharqankutaj arpakunata, lirakunata, panderetakunata, qenakunata, platillokunata ima.

2 Crónicas 20:28

Jerusalenman chayaspataj, Tata Diospa Templonman rerqanku salteriokunata, arpakunata, jinataj cornetakunata waqachispa.

Salmos 147:7

Pachis nispa, Tata Diosman takiychej. Diosninchejman arpata tocarispa takiychej.

Salmos 149:3

Tususpa, sutinta jatunchanachej. Arpawan, panderetawan ima Tata Diosman takinachej.

Salmos 33:2

Arpata tocaspa, Tata Diosta pachis niychej, lirata tocaspataj, payta yupaychaychej.

Salmos 43:4

Chaypi Diosníy, altarniykiman qayllasaj. Chaypitaj arpata tocarispa, yupaychasqayki, imaraykuchus qan, Diosníy, sonqoyta kusiywan junt'achinki.

Salmos 57:8

8 (9) Rijch'ariy ari, almáy. Arpa, lira ima rijch'ariychej. Noqapis mosoj p'unchayman rijch'arillasajtaj.

Salmos 92:3

3 (4) Cuerdayoj tocanaj waqayninpi, arpaj k'achitu waqayninwan ima qanmanta willarasaj.

Salmos 93:4

Qantajrí, janaj pachapi kaj Tata Dios, oqharikoj yakumantapis aswan atiyniyoj kanki, mama qocha phiñarikuspa qhollchoqeyan, chaymantapis aswan atiyniyojmin kanki.

Salmos 98:5

Tata Diosman takiykunata arpawan takipuychej, cuerdayoj tocanakunawan ima.

Éxodo 19:16

Minchhantin sut'iyamuyta lliuj lliujkuna, illapa ima karqa. Uj phuyutaj yanayarishaj orqoman tiyaykorqa. Pututu sinch'ita waqashajtintaj, israelitakunaqa manchachikuspa, kharkatiterqanku.

Éxodo 20:18

Chaypacha tukuy israelitakuna llijurishajta illapata rikorqanku, pututoj waqasqanta uyarerqanku, chantá orqopi q'oshñita rikorqanku. Chayrayku mayta manchachikuspa, karullapi sayarqanku.

Isaías 17:13

Chaywanpis Tata Dios paykunata k'amejtinkama, karuman ayqerikaponqanku, orqopi wayraj apaykachasqan q'opa jina, chayrí imaynatachus muyoj wayra sach'ata ujllata oqharin, ajinata.

Ezequiel 43:2

Jinapi rikorqani inti llojsimuynejmanta Tata Diospa jatun kayninpa lliphipiynin jamushajta. Uj jatun sonay uyarikorqa jatun mayoj sonaynin jina, kay pachataj chay k'anchaywan lliphiperqa.

Zacarías 9:14

Tata Diosqa maqanakuman ayllunpa ñawpaqenta renqa, jinaspataj, illapata jina flechankunatapis kacharenqa. Tukuyta Kamachej Tata Dios putututa waqachispa, muyoj wayra chawpipi urayninta renqa.

1 Corintios 13:1

Sichus noqa kay pachapi kaj chhika parlaykunata parlayta atiyman, angelkunaj parlayninkutapis parlallaymantaj, wajkunatataj mana munakuymanchu chayqa, lataj talán nisqan jinalla kayman, chayrí chhulloj chhulloj waqasqan jinalla.

Apocalipsis 1:10

Uj kuti Tukuyta Kamachej Jesuspa p'unchayninpi noqa Santo Espíritoj kamachiyninpi kaspa, Tata Diosta yupaychasharqani. Jinallaman qhepaymanta jatunmanta uj parlamojta uyarerqani, chay parlasqantaj trompetaj waqasqan jina karqa.

Apocalipsis 1:15

Chakenqa llosq'ochasqa bronceman rijch'akorqa, ninayarishaj hornopi jich'asqa jina. Parlasqanpis ashkha yakoj phajchasqan jina uyarikorqa.

Apocalipsis 11:12

Chaymanta chay testigokunaqa janaj pachamanta jatunmanta parlamojta uyarenqanku: Kayman wicharimuychej, nispa. Chantá paykuna phuyupi janaj pachaman wicharenqanku. Awqankunapis paykunata wicharishajta rikonqanku.

Apocalipsis 11:15

Maypachachus qanchis kaj ángel trompetanta waqacherqa chaypacha, janaj pachapi jatunmanta parlasqanku uyarikorqa: Diosninchej, chantá kachamusqan Cristo ima kay pachapi kamachishankuña. Paykunataj wiñay wiñaypaj kamachenqanku, nispa.

Apocalipsis 15:2

Rikullarqanitaj cristalmanta jina uj mama qochata ninawan chajrusqata. Chay cristal mama qochapitaj sayasharqanku, pikunachus ñawpa sierpeta, lantintawan mana yupaycharqankuchu, nitaj marcanwan marcachikorqanku, chaykuna. Tukuyninkutaj Diospa qosqan arpata jap'isharqanku.

Apocalipsis 18:22

Babilonia llajta, manaña jayk'ajpis calleykikunapi arpaj waqasqan uyarikonqachu, nitaj takejkunaj takisqankupis, nillataj qenata, cornetata ima tocasqankupis. Jinallataj qanpi ni pi llank'ajkuna kanqachu, molinoj muyusqanpis manaña uyarikonqachu.

Apocalipsis 5:8

P'anqata jap'isqantawantaj, chay tawa kawsajkuna, chantá chay iskay chunka tawayoj kurajkuna ima Corderoj ñawpaqenpi pampakama k'umuykorqanku. Sapa ujninku arpata jap'isharqanku, chantá qorimanta copapi inciensowan junt'asqata. Copapi inciensoqa Diospa ajllakusqanpa mañakusqankuwan ninakorqa.

Apocalipsis 6:1

Chay qhepata qhawashajtillay, Corderoqa ñawpaj kaj sellota llik'erqa. Chantá noqa tawa kawsajkunamanta ujninta nejta uyarerqani, qhon qhonpis kanman jina jatunmanta parlajta: Chimpamuy, nispa.

Apocalipsis 8:7

Maypachachus ñawpaj kaj ángel trompetata waqacherqa chaypacha, chijchi para, ninawan, yawarwan ima chajrusqa kay pachaman urmamorqa. Chayrayku kay pacha kinsa t'aqasqamanta ujnin kaj t'aqa ruphaykorqa, jinallataj sach'akuna, chantá tukuy q'omer qhora ima.