Apocalipsis 14:11 - DIOSPA QHELQACHISQ

¹¹ Chantá paykunaj ñak'arisqankoj q'oshñintaj wiñay wiñaypaj q'oshñenqa. Chay waj sierpe rikhurimojta, lantintapis yupaychajkuna, chantá marcanta churachikojkuna ima tuta p'unchay ñak'arispa, mana samarenqankuchu.

Qheshwa Biblia DC

¹¹ Ñak'ariyninkoj q'osñintaj wiñaypaj wicharin. Chay phiña animalta, lantintapis yupaychajkunaqa, mana tuta p'unchay samankuchu, nillataj sutimpa marcanta churachikojkunapis.

DIOSPA QHELQACHISQAN DEUTEROCANONICAL

¹¹ Chantá paykunaj ñak'arisqankoj q'oshñintaj wiñay wiñaypaj q'oshñenqa. Chay waj sierpe rikhurimojta, lantintapis yupaychajkuna, chantá marcanta churachikojkuna ima tuta p'unchay ñak'arispa, mana samarenqankuchu.

Quechua South Bolivia: Dios Parlapawanchej

¹¹ Ñac'ariynincumanta k'oshñitaj wicharimun wiñaypa wiñayninpaj. Millay animalta rijch'acuynintapis yupaychajcunaka sutinwan marcachicojcunaka mana samarispa tuta p'unchay ñac'arenkancu, —nispa.

Apocalipsis 14:11 ပူးပေါင်းရင်းမြစ်များ

Génesis 19:28

Chaynejmantataj Sodomata, Gomorrata, chantá tukuynin valleta ima qhawarispa, rikorqa uj hornomanta jina pampamanta manchayta q'oshñishajta.

Salmos 10:16

Tata Diosqa wiñaypaj Kuraj Kamachejmin. Qanman mana kutirikojkunarí llajtankumanta wijch'usqa kanqanku.

Salmos 145:1

(1b) Diosníy, Kuraj Kamachejníy, jatunchasqayki, wiñay wiñaypajtaj sutiykita yupaychasaj.

Éxodo 15:18

Tata Diosmin wiñay wiñaypaj kamachenqa, nispa.

Isaías 33:14

Juchasapakuna Sionpi mayta kharkatitinku, puraj uyakunatapis t'ukuylla jap'in. Noqanchejmanta pitaj kay q'olaj nina ukhupi kawsanmanri? Pitaj wiñaypaj nina lawraywan khuska tiyakunmanri?

Isaías 34:10

Chaytaj tuta p'unchay lawrallanqapuni, q'oshñintaj wiñaypaj q'oshñillanqapuni. Jinamanta chay jallp'aqa watan watan ch'inpacha kanqa, ni pipis chaypi ujtawan tiyakonqachu.

Isaías 34:8

Cheqapuni Tata Diospa vengakunan p'unchay chayamun. Chay watapitaj Tata Diosqa Edomwan pagachikonqa Sionta ñak'arichisqanmanta.

Isaías 57:20

Mana allinta ruwajkunarí sinch'i wayraj qhollchoqeyachisqan mama qocha jina kanku. Kayman jaqayman q'opata, t'urutapis wijch'un, nitaj tiyaykuyta atinchu.

Daniel (hebreo) 3:6

Tukuy pikunachá mana pampakama k'umuykuspa lantita yupaychanqankuchu, chaykuna chaypachapacha lawrashaj uj jatun hornoman wijch'uykusqa kanqanku, nispa.

Joel 2:30

30 (3.3) Janajpi t'ukunata ruwasaj, kay pachapitaj yawarta, ninata, phuyu jina q'oshñitawan rikuchisaj.

San Mateo 11:28

Noqaman jamuychej, tukuy sayk'usqa kajkuna, llasa q'epiyojkuna ima, noqataj samarichisqaykichej.

San Mateo 25:41

Chantá Kuraj Kamachejqa lloq'enpi kajkunatañataj nenqa: Qankunaqa millayta ruwaj kankichej. Chayrayku kaymanta wiñaypaj nina lawrayman riychej, mayqenchus wakichisqa kashan Kuraj Supaypaj, chantá angelninkunapaj ima, chayman.

San Mateo 25:46

Chaymantataj paykuna wiñay ñak'ariyman renqanku, cheqan kajta ruwajkunatajrí wiñay kawsayman yaykonqanku, nispa. Ajinata Jesús yachacherqa.

Deuteronomio 28:65

Chay suyukunapi tiyakuspa, mana samarikuyta, nitaj sonqo tiyaykusqa kawsayta tarinkichu. Tata Diosqa mancharisqallata, llakiy uyapachallata, phutikuywan atisqata kawsachisonqa.

Hebreos 1:8

Churinmantatajrí nin: Diosníy, qanqa wiñay wiñaynintinpaj kamachinki, jinataj justiciata ruwaspa kamachinki.

Apocalipsis 11:15

Maypachachus qanchis kaj ángel trompetanta waqacherqa chaypacha, janaj pachapi jatunmanta parlasqanku uyarikorqa: Diosninchej, chantá kachamusqan Cristo ima kay pachapi kamachishankuña. Paykunataj wiñay wiñaypaj kamachenqanku, nispa.

Apocalipsis 13:12

Chantá jallp'amanta rikhurej sierpeqa mama qochamanta rikhurej sierpej atiyninwan kamacherqa, nerqataj kay pachapi tukuy runakuna chay ñawpaj kaj sierpeta yupaychanankuta, mayqenpa ujnin umanchus k'irisqa kashajtin thañiporqa, chayta.

Apocalipsis 13:15

Jinallataj Diosqa jallp'amanta rikhurimoj sierpeman atiyta qorqa, ñawpaj kaj sierpej lantinman kawsayta qonanpaj, ajinamanta chay lanti parlananpaj. Atiyta qollarqataj tukuy pikunachus payta mana yupaychayta munajkunata wañuchinanpaj.

Apocalipsis 13:17

Pichus mana chay marcayoj, chayrí sierpej sutinwan, chayrí sutinpa yupayninwan mana marcasqa kajqa mana ni imata rantiyta, nitaj vendeytapis aterqachu.

Apocalipsis 14:9

Chay angelpa qhepanta waj angelñataj rikhurimuspa, nerqa: Pichus mama qochamanta rikhurimoj chay sierpeta, jinataj lantintapis yupaychajqa, marcantataj mat'inpi, chayrí makinpi churachikojqa,

Apocalipsis 18:18

Chantá llajtaj ruphaykusqan q'oshñita rikuspa, qhaparerqanku: Ni mayqen llajta kay jatun llajta jinaqa karqachu, nispa.

Apocalipsis 18:9

Kay pachapi kuraj kamachejkuna chay phisu warmiwan khuchichakorqanku, paywantaj chhika patapi kawsaspa, millayta kawsanaman qokorqanku. Chayrayku paykuna ruphaykusqan q'oshñisqanta rikuspa, llakisqa qhaparenqanku, maytataj waqanqanku.

Apocalipsis 19:3

Chantá ujtawan nillarqankutaj: Tata Dios jatunchasqa kachun. Babilonia llajtaqa wiñaypa wiñayninkama q'oshñispallapuni kanqa, nispa.

Apocalipsis 20:10

Jinapi paykunata q'otiyaj, chay Kuraj Supayqa azufrewan lawrashaj nina qochaman wijch'uykusqa karqa, maypichus chay ñawpaj kaj sierpe, chantá llulla sut'inchaj ima kasharqanku, chayman. Chaypitaj paykuna tuta p'unchay, wiñaypa wiñayninkama ñak'arenqanku.

Apocalipsis 22:5

Chaypi tutaqa manaña kanqachu. Manataj lamparaj k'anchananqa kanqañachu, nitaj inti k'anchananpis, imaraykuchus Dios, pichus Tukuyta Kamachej Kajqa paykunata k'anchanqa. Chantá Diospa kamachinkuna wiñaypa wiñaynintinpaj kamachenqanku.

Apocalipsis 7:12

Paykunataj nerqanku: Ajina kachun. Diosninchej wiñay wiñaypaj yupaychasqa, jatunchasqa, maypaj qhawasqataj kachun. Chantá payman tukuy imamanta pachis nina, imaraykuchus payqa tukuy atiyniyoj, tukuy yachayniyoj, may kallpayoj ima. Ajina kachun, nispa.