Apocalipsis 13:6 - DIOSPA QHELQACHISQ

⁶ Chantá chay waj sierpeqa Diospaj millayta rimarqa, jinallataj Diospa sutinta, Diospa tiyakunanta, chantá janaj pachapi tiyakojkunaj contranta ima maldicillarqataj.

Qheshwa Biblia DC

⁶ Simintataj kicharerqa sajrata rimaspa Diospaj, sutimpaj, wasimpaj, janaj pachapi tiyakojkunaj contranta ima.

DIOSPA QHELQACHISQAN DEUTEROCANONICAL

⁶ Chantá chay waj sierpeqa Diospaj millayta rimarqa, jinallataj Diospa sutinta, Diospa tiyakunanta, chantá janaj pachapi tiyakojkunaj contranta ima maldicillarqataj.

Quechua South Bolivia: Dios Parlapawanchej

⁶ Diospa contranpitaj sajrata parlarka. Diospa sutinpa, paypa yupaychana-wasinpa, paywan cusca janaj pachapi cajcunaj contrancutawan sajrata parlarka.

Apocalipsis 13:6 ပူးပေါင်းရင်းမြစ်များ

Job 3:1

Chantá Job manaña kakuyta atispa, paqarisqan p'unchayta maldicispa, parlayta qallarerqa.

Salmos 73:9

Siminkuwanqa paykuna Diosta phiñachinku, parlaspataj, tukuy kay pachapaj mana allin kajta rimanku.

Daniel (hebreo) 11:36

Wichaymanta kaj kuraj kamachejqa munasqanta ruwanqa. Maytapuni jatunchakonqa, jinataj tukuy dioskunamanta aswan kasqanta yuyakonqa. Cheqan kaj Diospa contrantapis manchay millayta parlallanqataj. Paytataj tukuy imapi allin renqa, Dios payta jasut'inankama, imaraykuchus imatachus Dios ruwanan karqa, chayta junt'anqapuni.

Daniel (hebreo) 7:25

Chantá janaj pachapi kaj Diospa contranta rimanqa, Diospa aylluntapis ñak'arichillanqataj. Jinallataj Diospa kamachisqankunata, rayminkunata ima waj jinaman tukuchiyta munanqa. Ajinamanta Diospa ayllun kinsa wata khuskanniyojta makinpi kanqa.

Daniel (hebreo) 7:8

Chay wajrakunata qhawashajtiy, chawpinkumanta juch'uy wajrata p'utumojta rikorqani. Chantá chay juch'uy wajra wiñananpaj kinsa wajrakuna sik'irasqa kasqa. Chay juch'uy wajraqa runaj ñawinman rijch'akoj ñawiyoj kasqa, siminwantaj may jinata runaykachaspa parlasqa.

San Mateo 12:34

Qankuna venenoyoj katarikuna jina kankichej. Imaynatataj allin kajta parlawajchej, qankuna mana allin runakuna kashaspari? Imawanchus runaj sonqon junt'a kashan, chayman jina parlan.

San Mateo 15:19

Runaj sonqon ukhumanta kay imakuna llojsimunku: Millay yuyaykuna, runa wañuchiykuna, khuchichakuspa qhenchachakuykuna, khuchichakuykuna, suwakuykuna, llullakuykuna, Diospa contranta rimaykuna ima.

San Juan 1:14

Chay Simi Nisqaqa runaman tukorqa, jinataj noqayku ukhupi tiyakorqa. Chantá noqayku jatun kayninpa lliphipiyninta rikorqayku, chaytaj Tata Diospa uj k'ata Churin jatun kayninpa lliphipiynin karqa. Paypitaj munakuywan, chantá cheqa kajwan ima may jinapuni karqa.

Romanos 3:13

Siminkoqa kicharisqa covacha jina. Nisqankuwan runata q'otiyanku, parlasqankutaj katarej venenon jina.

Colosenses 1:19

Chayqa ajina, imaraykuchus Tata Dios munarqa, pay imaynachus kasqan, ajinallataj Churinpis kananta.

Colosenses 2:9

Cristoj yachachisqanrí aswan allinmin, imajtinchus Cristo runaman tukuspa jamojtin, imaynachus Dios kasqanqa, chay tukuy paypi karqa.

Hebreos 9:2

Dioswan Tinkukuna Toldoqa kay jina karqa: Ñawpaj kaj cuartoqa Diospaj T'aqasqa Cheqa nisqa karqa, chaypitaj uj candelero karqa, chantá uj mesa ima Diospaj t'aqasqa t'antayoj.

Hebreos 9:24

Cristoqa mana runakunaj ruwasqan toldomanchu yaykorqa, mayqenchus cheqa kajpa rijch'aynillan karqa, chayman. Manachayqa pay kikin janaj pachamanpuni yaykorqa, Diospa ñawpaqenpi rikhurispa noqanchejrayku Diosmanta mañapunawanchejpaj.

Apocalipsis 11:12

Chaymanta chay testigokunaqa janaj pachamanta jatunmanta parlamojta uyarenqanku: Kayman wicharimuychej, nispa. Chantá paykuna phuyupi janaj pachaman wicharenqanku. Awqankunapis paykunata wicharishajta rikonqanku.

Apocalipsis 12:12

Chayrayku janajkuna, kusikuychej, chaypi tiyakojkunapis. Chaywanpis kay pachapi, chantá mama qochapi tiyakojkuna ima manchay jatun llakiyta rikonqanku, imaraykuchus Kuraj Supay paykunaman may phiñasqa urayk'amun. Paytaj yachan paypaj pisi p'unchayllaña kashasqanta, nispa.

Apocalipsis 15:5

Chaymantataj noqaqa janaj pachapi templota kicharisqata rikorqani, Dioswan Tinkukuna Toldota.

Apocalipsis 18:20

Chaymanta janaj pachapi tukuy tiyakojkuna kusikuychej. Jinallataj qankuna Diospa ajllakusqankuna, Diospa kachankuna, chantá Diosmanta sut'inchajkuna ima kusikullaychejtaj, imaraykuchus Dios qankunarayku justiciata ruwaspa, chay llajtaman tukuy millayta ruwasqanman jina kutichipun, nispa.

Apocalipsis 21:3

Jinapi kamachina tiyanamanta jatunmanta qhaparejta uyarerqani: Kunan Diosqa ayllun chawpipi kanqa, paykunawan khuskataj tiyakullanqapuni. Paykuna Diospa ayllun kanqanku, Diostaj Diosninku kanqa.

Apocalipsis 4:1

Chaykuna qhepanta, noqa janaj pachapi uj punku kichasqata rikorqani. Chantá qallariypi trompeta jina jatunmanta parlamojta uyarerqani, paytaj niwarqa: Kayman qayllamuy, noqataj qhepanejman imakunachus kanan kashan, chaykunata rikuchisqayki, nispa.

Apocalipsis 4:4

Rikullarqanitaj chay kamachina tiyanaj muyuyninpi iskay chunka tawayoj kamachina tiyanakunata. Chaykunapitaj iskay chunka tawayoj kuraj runakuna tiyasharqanku. Paykuna yuraj p'achayoj, chantá umankupi qori pilluyoj karqanku.

Apocalipsis 5:13

Jinallataj noqa tukuy ima ruwasqa kajta janaj pachapi, kay pachapi, jallp'a urapi, mama qochapi ima ajinata takejta uyarillarqanitaj: Kamachina tiyanapi tiyasqa kajman, Corderomanpis wiñay wiñaypaj kachun maypaj qhawasqa kay, jatunchasqa kay, tukuy atiy ima, nispa.

Apocalipsis 7:15

Chayrayku Diospa kamachinan tiyanaj ñawpaqenpi kashanku, tuta p'unchaytaj Templonpi payta yupaychanku. Chantá kamachina tiyananpi tiyashaj Dios paykunata waqaychanqa.

Apocalipsis 7:9

Jinallataj chay qhepata may chhika runata rikorqani, yupay mana atinata tukuy suyumanta, tukuy ayllumanta, tukuy imaymana rijch'aj runamanta, tukuy parlaykunamantawan. Paykuna kamachina tiyanaj ñawpaqenpi, chantá Corderoj ñawpaqenpi ima kasharqanku, yuraj p'achawan p'achallisqa, makinkupitaj palma jap'irisqa.