Apocalipsis 13:16 - DIOSPA QHELQACHISQ

¹⁶ Chay jawa kamachillarqataj tukuy runakuna paña makinkupi, chayrí mat'inkupi marcasqa kanankuta: Wawapis jatunpis kachunku, qhapajkunapis wajchakunapis kachunku, wata runapis manapis wata runachu kachunku.

Qheshwa Biblia DC

¹⁶ Kamachillarqataj juch'uykunaman, jatuchejkunaman, qhapajkunaman, pisichikojkunaman, kacharisqasman, kamachisman ima, paña makisninkupi, chayrí frentesninkupi marcata churakunankuta.

DIOSPA QHELQACHISQAN DEUTEROCANONICAL

¹⁶ Chay jawa kamachillarqataj tukuy runakuna paña makinkupi, chayrí mat'inkupi marcasqa kanankuta: Wawapis jatunpis kachunku, qhapajkunapis wajchakunapis kachunku, wata runapis manapis wata runachu kachunku.

Quechua South Bolivia: Dios Parlapawanchej

¹⁶ Tucuyta, pisipaj khawaskacunata, jatunpaj khawaskacunatapis, khapajcunata, wajchacunatapis, mana camachicunata, camachicunatapis, rejsiskas canancupaj marcaracherka. Paña maquincupi chayrí frentencupi marcaska canancuta camacherka.

Apocalipsis 13:16 ပူးပေါင်းရင်းမြစ်များ

2 Crónicas 15:13

Nillarqankutaj pichus Israelpa Tata Diosninta mana kasukuyta munajqa, jatunpis, juch'uypis kachun, chayrí qharipis, warmipis kachun wañuchisqa kananta.

Job 34:19

Payqa mana kamachejkunaman kutikunchu, nitaj qhapajkunaman, nillataj wajchakunamanpis uyata orqhonchu, imaraykuchus paymin tukuyninkuta ruwarqa.

Salmos 115:13

Tata Diosqa payta manchay jatun respetowan qhawajkunata saminchanqa, maypaj qhawasqa runakunata, pisipaj qhawasqa runakunatapis.

Salmos 49:2

2 (3) Pisi kallpayojkuna, atiyniyojkunapis uyariychej. Jinallataj qhapajkuna, pisi tiyapuyniyojkuna ima uyarillaychejtaj.

Éxodo 13:9

Sapa wata ruwankichej, chay raymeqa yuyarikunaykichejpaj kanqa, imaynachus makiykichejpi, manachayqa frenteykichejpi k'illpasqa señal jina, Tata Diospa kamachisqanmanta parlanaykichejta yuyarikunaykichejpaj. Chayrayku ninakunkichej: Tata Diosqa may jina atiyninwan Egiptomanta orqhomuwarqanchej.

Ezequiel 9:4

Paymantaj nerqa: Jerusalén llajtaj ukhunta purispa, mask'ay, pikunachus tukuy ima millay ruwakusqanmanta llakikuspa waqashanku, chay runakunata. Tarispataj, uj señalta sapa ujpa mat'inkuman churaykuy, nispa.

Zacarías 13:6

Sichus pipis payta tapunkuman: Chantá ukhuykita imanakorqankitaj ajina k'irisqa kanaykipajri? nispa chayqa, pay kutichenqa: Kawsaqeykunaj wasinkupi kayta ruwawarqanku, nispa.

Hechos 26:22

Chaywanpis Dios yanapawasqanrayku kunankama kawsashaniraj, chayraykutaj Jesusmanta willani mana kasu ruwana kajkunaman, atiyniyojkunamanpis. Imatachus Diosmanta ñawpaj sut'inchajkuna, Moisés ima kananta nerqanku, chay kikinta yachachini.

1 Corintios 12:13

Jinallataj Santo Espiritulla tukuyta bautizawarqanchej, uj ukhu jinalla kananchejpaj judiokuna, mana judiokuna, wata runakuna, mana wata runa kajkuna ima. Diostaj chay kikin Santo Espiritullantataj tukuyninchejman qowarqanchej.

Gálatas 3:28

Ajinaqa, judío kana chayrí mana judío kana, wata runa kana chayrí mana wata runa kana, qhari kana chayrí warmi kanapis mana imananchu. Sichus qankuna Cristo Jesusman ujchasqa kankichej chayqa, tukuyniykichej uj rejllaña kankichej.

Gálatas 6:17

Kunanmanta ñawpajmanqa amaña pipis umayta nanachiwachunchu, imaraykuchus Jesuspata kasqayrayku ñak'arisqaymanta ukhuypi t'iriy tiyan.

Efesios 6:8

Ama qonqaychejchu: Tukuyta Kamachej Jesucristo sapa ujta allin kajta ruwasqanman jina t'inkachenqa, wata runapis kachun chayrí mana wata runapis kachun.

Deuteronomio 11:18

Kay nisqayta sonqoykichejpi, yuyayniykichejpipis jap'iychej. Ama qonqanaykichejpaj qhelqaspa makiykichejman, chantá mat'iykichejmanpis señalta jina wataykuychej.

Deuteronomio 6:8

Kay kamachisqaykunataqa makiykipi chantá frenteykipi ima wataykukuspa, señalta jina apaykachanki.

Colosenses 3:11

Chay mosoj kawsaypitaj manaña imananchu mana judío kasqanchej, chayrí judío kasqanchej, nitaj circuncidasqa kasqanchej, chayrí mana circuncidasqa kasqanchej ima. Manallataj imananchu yachayniyoj kana, mana yachayniyoj kanapis, nitaj wata runa kana, chayrí mana wata runa kanapis. Manachayqa Cristolla aswanmin, paytaj tukuyninchejpi tiyakushan.

2 Timoteo 3:8

Chay runakunaqa, imaynatachus Janeswan, chantá Jambreswan Moisespa contranpi sayaykorqanku, ajinallatataj paykunapis cheqa kajpa contranpi sayaykunku. Paykunaqa millay yuyayniyoj kanku, Diospi atinikuni nisqankupis llullalla.

Apocalipsis 11:18

Chayrayku tukuy suyumanta runakuna phiñarikorqanku. Chaywanpis qanpa phiñakunayki p'unchay chayamunña. Wañusqakunata juzganayki p'unchaypis chayamullantaj. Jinallataj p'unchay chayamun qan, pikunachus qanmanta sut'inchajkunaman, qanpaj ajllakusqaykikunaman, sutiykita jatunchajkunaman ima ruwasqankuman jina t'inkata qopunaykipaj, mana kasu ruwana kachunku, chayrí maypaj qhawasqa kachunku. Chantá kay pachata phirejkunatapis tukuchinaykipaj p'unchay chayamullantaj, nispa.

Apocalipsis 15:2

Rikullarqanitaj cristalmanta jina uj mama qochata ninawan chajrusqata. Chay cristal mama qochapitaj sayasharqanku, pikunachus ñawpa sierpeta, lantintawan mana yupaycharqankuchu, nitaj marcanwan marcachikorqanku, chaykuna. Tukuyninkutaj Diospa qosqan arpata jap'isharqanku.

Apocalipsis 19:18

Chaypi qankuna kuraj kamachejkunaj aychankuta mikhunkichej, soldadokunata kamachejkunaj aychankuta, atiyniyojkunaj aychankuta, caballokunaj aychankuta, caballopi purejkunaj aychankuta ima. Mikhullankichejtaj tukuy runaj aychankuta, wata runakunapis kachunku amapis, mana kasu ruwanapis kachunku chayrí maypaj qhawasqapis kachunku, nispa.

Apocalipsis 19:20

Chantá sierpeqa jap'ichisqa karqa, jinallataj llullakuspa sut'inchajpis. Chay sut'inchajqa sierpej sutinpi runa mana jayk'aj rikusqan t'ukunata ruwaspa, sierpej marcanta apajkunata q'otiyasqa, lantinta yupaychanankupaj. Jinataj sierpewan, llulla sut'inchajninwan ima azufrewan lawrashaj nina qochaman kawsashaj wijch'uykusqa karqanku.

Apocalipsis 19:5

Chantataj kamachina tiyanamanta ujpa parlasqanta uyarerqani: Diospa tukuy kamachinkuna, payta may jatun respetowan qhawajkuna, mana kasu ruwana, jinataj maypaj qhawasqa kajkuna, Diosninchejta yupaychaychej, nispa.

Apocalipsis 20:12

Chantá rikullarqanitaj Diospa ñawpaqenpi sayashajta wañusqakunata, pikunachus mana kasu ruwana, jinataj maypaj qhawasqa karqanku, chaykunata. Chantá angelkuna p'anqakunata kicharerqanku, chay p'anqakunamanta ujnintaj kawsay p'anqa karqa. Chay wañusqakunataj juzgasqa karqanku, kawsashaspa imatachus ruwasqankumanta, p'anqakunapi qhelqasqa kasqanman jina.

Apocalipsis 20:4

Rikullarqanitaj kamachina tiyanakunata, chaykunapitaj tiyakusharqanku, pikunachus juzganankupaj atiyta jap'erqanku, chaykuna. Umanku qholusqa kajkunaj almankutapis rikullarqanitaj, pikunachus Jesusmanta, chantá Diospa simi nisqanmanta ima willasqankurayku wañuchisqa kasqanku, chaykunata. Paykunaqa sierpeta, lantintapis mana yupaychasqankuchu, manallataj mat'inkupi, chayrí makinkupipis marcanwan marcachikusqankuchu. Kunantajrí paykuna kawsarimpuspa, Cristowan khuska waranqa watata kamacherqanku.

Apocalipsis 6:15

Jinaqa kay pachapi kuraj kamachejkuna, kurajkuna, soldadokunata kamachejkuna ima qaqa jusk'upi, chantá orqo jusk'upi ima pakaykukorqanku. Jinallataj qhapajkuna, atiyniyojkuna, wata runakuna, mana wata runakunapis pakaykukullarqankutaj.

Apocalipsis 7:3

Chay angeltaj paykunata nerqa: Amaraj imanaychejchu jallp'ata, nitaj mama qochata, nitaj sach'akunatapis, Diosninchejpa kamachinkunata mat'inkupi sellanaykukama, nispa.