Apocalipsis 13:14 - DIOSPA QHELQACHISQ

¹⁴ Jinallataj jallp'amanta rikhurimoj sierpeqa ñawpa kaj sierpe atiyta qosqanwan t'ukuna imakunata ruwarqa, chaykunawantaj kay pachapi tukuy runata q'otiyarqa. Chantá jallp'amanta rikhurimoj sierpe kamachillarqataj, chay ñawpaj kaj sierpej lantinta ruwanankuta, mayqenpa ujnin umanchus k'irisqa kashajtin thañiporqa, chaypata.

Qheshwa Biblia DC

¹⁴ Ñaupaj phiña animalpa ñaupaqempi, jatuchaj rikuchinasta ruwanampaj atiyta qorqanku. Chaykunawantaj kay pachapi tiyakojkunata ch'aukiyarqanku; kamacherqataj paykunaman ruwanankuta phiña animalpa lantinta, pichus espadawan k'irisqa karqa, kausarqataj.

DIOSPA QHELQACHISQAN DEUTEROCANONICAL

¹⁴ Jinallataj jallp'amanta rikhurimoj sierpeqa ñawpa kaj sierpe atiyta qosqanwan t'ukuna imakunata ruwarqa, chaykunawantaj kay pachapi tukuy runata q'otiyarqa. Chantá jallp'amanta rikhurimoj sierpe kamachillarqataj, chay ñawpaj kaj sierpej lantinta ruwanankuta, mayqenpa ujnin umanchus k'irisqa kashajtin thañiporqa, chaypata.

Quechua South Bolivia: Dios Parlapawanchej

¹⁴ Willajninjina ñaupaj caj millay animalpa ñaupakenpi atiyninwan cay pacha runasta pantaracherka ricuchinasninwan. Paycunaman nerka, espadawan wajtaska carka causarimorkataj, chay animalpa rijch'acuyninta ruwanancuta.

Apocalipsis 13:14 ပူးပေါင်းရင်းမြစ်များ

2 Reyes 20:7

Chantá Isaiasqa kuraj kamachejpa kamachinkunata nerqa: Higota q'aperqoychej, nispa. Higota q'aperqospataj, chaywan Ezequiaspa ch'upunman laq'aykorqanku, chaywantaj thañikaporqa.

2 Reyes 22:20

Chayrayku Tata Dios nillantaj: Kawsanaykikama kay llajtata sinch'i llakiywan ñak'arichisqayta mana rikunkichu, nispa. Paykunataj kutispa, kuraj kamachejman kikinta willamorqanku.

2 Crónicas 18:21

Chay espiritutaj nerqa: Noqaqa rispa, kuraj kamachejpa tukuynin sut'inchajninkunata llullata parlachisaj, nispa. Tata Diostaj nerqa: Rispa, Ajabta q'otiyamuy. Chayta ruwaspa, maqanakuman rinanpaj yuyaychayta atinki, nispa.

Job 12:16

Atiywan, yachaywanqa Diospatamin kanku. Ch'awkiyajwan ch'awkiyachikojpis makinpi kashanku.

Éxodo 7:11

Chaywanpis faraonqa yachayniyojkunata, yatirikunatawan ima wajyacherqa. Egiptomanta yatirikunataj yachasqankuwan kikillantataj ruwarqanku.

Isaías 44:20

Chayta ruwajqa ushphata mikhuspa kawsayta munaj jina. Payqa mana cheqan yuyaykunawan q'otiyachikun. Chayrayku chay runaqa mana qhespichisqa kayta atinchu, nitaj tapukunchu: Makiypi jap'ishani chay lanti manachu qhasi manakaj q'otiriyojlla? nispa.

Ezequiel 14:9

Sichus Diosmanta uj sut'inchaj llullata parlanqa chayqa, noqa chay sut'inchajta q'otiyarqani. Jinaqa makiyta oqharisaj payta jasut'inaypaj, Israel ayllumantataj chinkachisaj.

Ezequiel 16:17

Noqaj qosqay qoriwan, qolqe metalwan ima runaman rijch'akoj lantikunata ruwakorqanki, chaykunata yupaychaspataj, khuchichakorqanki.

Ezequiel 8:10

Chantá noqa chayman yaykuspa, perqaj tukuy muyuyninta katarikunaman rijch'akojta pintasqata rikorqani, ch'ichipaj qhawasqa animalkunatawan. Jinallataj Israel aylloj tukuy lantinkukuna pintasqatapis rikullarqanitaj.

Daniel (hebreo) 11:36

Wichaymanta kaj kuraj kamachejqa munasqanta ruwanqa. Maytapuni jatunchakonqa, jinataj tukuy dioskunamanta aswan kasqanta yuyakonqa. Cheqan kaj Diospa contrantapis manchay millayta parlallanqataj. Paytataj tukuy imapi allin renqa, Dios payta jasut'inankama, imaraykuchus imatachus Dios ruwanan karqa, chayta junt'anqapuni.

2 Tesalonicenses 2:4

Chay runaqa Diospa contranpi sayarenqa, jinataj imachus yupaychanaj contranpi ima. Chantá Diospa Templonman yaykuspa, chaypi tiyaykonqa, nenqataj pay Dios kasqanta.

Apocalipsis 12:9

Ajinata chay jatun sierpe jawaman wijch'usqa karqa. Chay sierpeqa unay ñawpa katari, pichus Kuraj Supay, Satanastaj sutichasqa kashan, chay. Payqa llullakuspa, kay pachapi tukuy runata loq'eyan. Chantá sierpeta, angelninkunatawan ima kay pachaman wijch'umorqanku.

Apocalipsis 13:1

Chantá noqa mama qochamanta waj sierpeta rikhurimojta rikullarqanitaj. Chayqa chunka wajrayoj karqa, qanchis umayojtaj. Chay sierpej wajrankuna patapi chunka pillukuna karqa, umankuna patapitaj Diosta phiñachinapaj jina millay sutikuna karqa.

Apocalipsis 13:15

Jinallataj Diosqa jallp'amanta rikhurimoj sierpeman atiyta qorqa, ñawpaj kaj sierpej lantinman kawsayta qonanpaj, ajinamanta chay lanti parlananpaj. Atiyta qollarqataj tukuy pikunachus payta mana yupaychayta munajkunata wañuchinanpaj.

Apocalipsis 13:8

Kay pachapi tukuy runataj chay waj sierpeta yupaycharqanku. Kay pacha manaraj ruwasqa kashajtin, pichus wañuchisqa kanan karqa, chay Corderoqa kawsay p'anqapi qhelqasqa, pikunachus wiñay kawsayniyoj kananku karqa, chay sutinkuta. Kay ujkunaj sutinkurí mana chay p'anqapi qhelqasqachu karqa.

Apocalipsis 14:11

Chantá paykunaj ñak'arisqankoj q'oshñintaj wiñay wiñaypaj q'oshñenqa. Chay waj sierpe rikhurimojta, lantintapis yupaychajkuna, chantá marcanta churachikojkuna ima tuta p'unchay ñak'arispa, mana samarenqankuchu.

Apocalipsis 14:9

Chay angelpa qhepanta waj angelñataj rikhurimuspa, nerqa: Pichus mama qochamanta rikhurimoj chay sierpeta, jinataj lantintapis yupaychajqa, marcantataj mat'inpi, chayrí makinpi churachikojqa,

Apocalipsis 15:2

Rikullarqanitaj cristalmanta jina uj mama qochata ninawan chajrusqata. Chay cristal mama qochapitaj sayasharqanku, pikunachus ñawpa sierpeta, lantintawan mana yupaycharqankuchu, nitaj marcanwan marcachikorqanku, chaykuna. Tukuyninkutaj Diospa qosqan arpata jap'isharqanku.

Apocalipsis 16:13

Chantá chay qhepata rikorqani puka sierpej siminmanta, ñawpajta rikhurimoj sierpej siminmanta, chantá llullakuspa sut'inchajpa siminmanta ima llojsimojta, k'aylankulaman rijch'akoj kinsa millay supaykunata.

Apocalipsis 16:2

Jinataj ñawpaj kaj ángel rispa, vasonmanta kay pachaman jich'aykamorqa. Chantá pikunachus ñawpajta rikhurimoj sierpej marcanwan marcasqa karqanku, lantintapis yupaycharqanku, chaykunapi millayta asnaj lleqhe rikhurerqa.

Apocalipsis 18:23

Manallataj qanpi lamparaj k'anchasqan rikukonqachu, nillataj casarakojkunaj kusikusqankupis uyarikonqañachu, imaraykuchus qhatojniykikunaqa ancha atiyniyoj karqanku, qantaj layqeriyoykiwan tukuy runata q'otiyaspa pantacherqanki.

Apocalipsis 19:20

Chantá sierpeqa jap'ichisqa karqa, jinallataj llullakuspa sut'inchajpis. Chay sut'inchajqa sierpej sutinpi runa mana jayk'aj rikusqan t'ukunata ruwaspa, sierpej marcanta apajkunata q'otiyasqa, lantinta yupaychanankupaj. Jinataj sierpewan, llulla sut'inchajninwan ima azufrewan lawrashaj nina qochaman kawsashaj wijch'uykusqa karqanku.

Apocalipsis 2:10

Chaywanpis imatachus ñak'arinaykimanta ama manchachikuychu, imaraykuchus Kuraj Supay qankunamanta wakinta wisq'achenqa, cheqatapunichus noqapi atinikusqaykichejta yachananpaj. Chaypacha, chunka p'unchayta ñak'arichisqa kankichej. Qanrí wañunaykikama kasuwaspallapuni puriy, noqataj wiñay kawsayta t'inkata jina qosqayki.

Apocalipsis 20:10

Jinapi paykunata q'otiyaj, chay Kuraj Supayqa azufrewan lawrashaj nina qochaman wijch'uykusqa karqa, maypichus chay ñawpaj kaj sierpe, chantá llulla sut'inchaj ima kasharqanku, chayman. Chaypitaj paykuna tuta p'unchay, wiñaypa wiñayninkama ñak'arenqanku.

Apocalipsis 3:10

Qanqa pacienciawan suyanaykita kamachisqayta kasorqanki. Chayrayku noqapis ñak'ariy p'unchaypi qanta waqaychasqayki. Chay ñak'arinaqa tukuy kay pachapi kaj chhika runakunaman jamonqa imayna sonqoyojchus kasqanku yachakunanpaj.