Apocalipsis 13:10 - DIOSPA QHELQACHISQ

¹⁰ Pichus carcelpi wisq'asqa kanan kashan, chayta carcelman wisq'anankupaj apanqanku. Chantá pichus wañuchisqa kanan kashan, chaytapis wañuchenqanku. Chay niyta munan Diospa ajllakusqankunaqa qhatiykachasqa kanata pacienciawan awantanankuta, Diosta mana wasanchaspa.

Qheshwa Biblia DC

¹⁰ Pillapis presochajqa, presochasqallataj kanqa. Pillapis espadawan wañuchejqa, espadallawantaj wañuchisqa kanqa. Kaypimá kashan ajllasqaspa pacienciankoqa, feninkutaj.

DIOSPA QHELQACHISQAN DEUTEROCANONICAL

¹⁰ Pichus carcelpi wisq'asqa kanan kashan, chayta carcelman wisq'anankupaj apanqanku. Chantá pichus wañuchisqa kanan kashan, chaytapis wañuchenqanku. Chay niyta munan Diospa ajllakusqankunaqa qhatiykachasqa kanata pacienciawan awantanankuta, Diosta mana wasanchaspa.

Quechua South Bolivia: Dios Parlapawanchej

¹⁰ Diospa yuyaskanmanjina pichá presochaska canan cajtenka, presochaska canka. Espadawan wañuchejrí espadallawantaj wañuchiska canka. Diosman t'akaska runasnenka llaquiypi muchuspa paypi jap'icuskancuta ricuchincu.

Apocalipsis 13:10 ပူးပေါင်းရင်းမြစ်များ

Isaías 14:2

Waj suyukuna israelitakunata yanapanqanku jallp'ankuman kutimpunankupaj. Chay runakunataj Diospa jallp'anpi israelitakunaj wata runanku kanqanku. Chantá israelitakunañataj, pikunachus paykunata ñak'arichejkunata presochanqanku, munayninkutataj paykunawan ruwanqanku, pikunachus israelitakunata llakichej kanku, chaykunawan.

Isaías 26:21

Qhawaychej, Tata Diosqa tiyakunanmanta llojsimonqa, kay pachapi tiyakojkunata juchankumanta jasut'inanpaj. Chaypacha jallp'aqa manaña wañuchisqakunata pakanqachu, manachayqa patanpi yawar jich'asqankuta rikuchenqa. Manañataj wañuchisqa kajkunatapis pakayta atenqachu.

Isaías 33:1

Ay, ima llakiyrajchus kanqa qankunapaj, asiriokuna. Qankuna wajkunata thuñerqankichej chaypis, qankuna mana jayk'aj thuñisqachu karqankichej. Qankuna tukuyta wasancharqankichej, qankunatatajrí mana pipis wasanchasorqachejchu. Chaywanpis qankuna thuñiyta tukojtiykichej, qankunatapis thuñillasonqachejtaj. Wasanchayta tukojtiykichej, qankunatapis wasanchallasonqachejtaj.

Jeremías 15:2

Sichus tapusunkuman: Maymantaj risqaykuri? nispa chayqa, paykunaman niy: Ajinata Tata Dios nin: Millay onqoywan wañunanku kajkunaqa chay onqoywan wañuchunku. Maqanakupi wañunanku kajkunataj maqanakupi wañuchisqa kachunku. Chantá yarqhaywan wañunanku kajkuna yarqhaywan wañuchunku. Jinallataj llajtankumanta waj suyuman apasqa kananku kashan, chaykunaqa apasqapuni kachunku, nispa.

Jeremías 43:11

Chantá pay Egipto suyuta phirita ruwanqa. Pikunachus wañunankupaj churasqa kashanku, chaykuna wañonqanku. Jinallataj pikunachus llajtankumanta waj suyuman apasqa kanankupaj churasqa kashanku, chaykuna apasqapuni kanqanku. Pikunatajchus maqanakupi wañuchisqa kanankupaj churasqa kashanku, chaykunapis maqanakupi wañullanqankutaj.

Lamentaciones 3:26

Tata Diospa yanapayninta ch'inllamanta suyanaqa may sumaj.

Habacuc 2:3

Mosqoypi jina rikusqaykej junt'akunan tiempo manaraj chayamunchu. Chaywanpis junt'akonqapuni. Qheparisqanta rijch'asunki chaypis pacienciawan suyarillay, junt'akunan tiempotaj chayamonqapuni.

San Mateo 26:52

Jesustajrí nerqa: Espadaykita waqaychakapuy. Espadawan maqanakojkunaqa espadallawantaj wañuchisqa kanqanku.

San Mateo 7:2

Imaynatachus wajkunata juchachankichej, ajinallatataj Diospis qankunata juchachasonqachej. Imayna sonqowanchus wajkunata qhawankichej, chay jinallatataj Dios qankunata qhawasonqachej.

San Lucas 21:19

Sinch'ita sayaychej, ajinamantataj wiñay kawsayta tarinkichej.

Colosenses 1:11

Mañapullaykutaj Diosqa may jina jatun atiyninwan qankunata kallpachananta, tukuy mana allin kajkuna qhatirejtin pacienciakunaykichejpaj.

Hebreos 6:12

Qhella kanaykichejtapis manallataj munaykuchu. Manachayqa munayku, pikunachus Diospi tukuy sonqo atinikuspa, chantá pacienciawan Diospa nisqanman jina chayaqeta jap'iyta suyanku, ajinallatataj qankunapis ruwanaykichejta.

Apocalipsis 1:9

Noqa Juan qankunaj wawqeykichej kani, Jesuswan ujchasqa kasqayraykutaj Diospa kamachiyninpi qankunawan khuska kashani. Jinallataj tukuy imaymana ñak'ariykunapi, chantá chay ñak'ariykunata Jesucristoj paciencia qosqanwan awantanapaj qankunawan khuska kashallanitaj. Noqaqa Patmos sutiyoj churupi wijch'usqa kasharqani Diospa simi nisqanmanta, chantá Jesucristomanta ima willasqayrayku.

Apocalipsis 11:18

Chayrayku tukuy suyumanta runakuna phiñarikorqanku. Chaywanpis qanpa phiñakunayki p'unchay chayamunña. Wañusqakunata juzganayki p'unchaypis chayamullantaj. Jinallataj p'unchay chayamun qan, pikunachus qanmanta sut'inchajkunaman, qanpaj ajllakusqaykikunaman, sutiykita jatunchajkunaman ima ruwasqankuman jina t'inkata qopunaykipaj, mana kasu ruwana kachunku, chayrí maypaj qhawasqa kachunku. Chantá kay pachata phirejkunatapis tukuchinaykipaj p'unchay chayamullantaj, nispa.

Apocalipsis 14:12

Chay niyta munan Diospa ajllakusqankunaqa qhatiykachasqa kasqankuta pacienciawan awantanankuta, jinataj kamachisqanta kasunankuta, chantá Jesuspi atinikuspa mana sayk'uspa sinch'ita sayanankuta.

Apocalipsis 16:6

Kay pachapi tiyakojkunaqa ajllakusqaykikunata wañucherqanku, jinallataj qanmanta sut'inchajkunatapis. Chayrayku qanpis runakunata wañuchisqankoj yawarninkuta paykunaman ujyachillankitaj, imaraykuchus chaypaj jina kanku, nispa.

Apocalipsis 17:11

Chay puka sierpe pichus karqa, kunantaj manaña kanchu, chayllataj pusaj kaj kamachej. Payqa chay qanchis kamachejkuna jinallataj kashan, paypis wiñaypaj chinkachisqa kanallanmantaj rishan.

Apocalipsis 17:8

Chay rikusqayki sierpe ñawpajta karqa, kunantajrí manaña kanchu. Chaywanpis manaraj wiñaypaj chinkachisqa kashaspa, ukhu pachamanta ujtawan rikhurimonqa. Kay pacha ruwasqa kasqanmantapacha pikunaj sutinkuchus kawsay p'anqapi mana listasqachu kashan, chaykunaqa sierpeta rikuspa, t'ukonqanku. Chay sierpeqa ñawpajta karqa, kunantaj manaña kanchu, chaywanpis kutimonqarajmin.

Apocalipsis 2:19

Noqa tukuy ima ruwasqaykita yachani. Noqata munakuwasqaykita, noqapi atinikusqaykitapis rikuni. Jinallataj rikuni imaynatachus wajkunata yanapasqaykita, jinataj mana sayk'uspa pacienciakusqaykita ima. Chantá yachallanitaj qhepata imatachus kunan ruwashanki, chay aswan sumaj kasqanta ñawpajta ruwasqaykimanta nisqaqa.

Apocalipsis 2:2

Noqa tukuy ima ruwasqaykita yachani, sinch'i ruwasqaykita, chantá mana sayk'uspa sayasqaykita ima. Yachallanitaj millayta ruwaspa kawsajkunatapis mana rikuyta atisqaykita. Jesuspa kuraj kachan kani, nispa nejkunatapis qan allinta watuspa, llulla kasqankuta sut'iman orqhosqaykitapis yachallanitaj.

Apocalipsis 3:10

Qanqa pacienciawan suyanaykita kamachisqayta kasorqanki. Chayrayku noqapis ñak'ariy p'unchaypi qanta waqaychasqayki. Chay ñak'arinaqa tukuy kay pachapi kaj chhika runakunaman jamonqa imayna sonqoyojchus kasqanku yachakunanpaj.

Apocalipsis 3:3

Chayrayku Diosmanta imatachus yachakusqaykita yuyarikuy, chantá watej kasuy, noqamantaj kutirikamuy. Manachus rijch'arinki chayqa, suwa jina mana yuyasqayki p'unchayta jamusaj.